[سلطان ولد الهلال]

بسم الله الرحمن الرحيم

تحيه عطره للجميع وهاردلك تضاعف الآمال بالحصول على بطولة الدوري هاذا

العام..

حظرت مباراة البارحه بين الهلال والرائد للاستمتاع كالعادة بمايقدّمه نجوم الزعيم

ولكن للأسف خيبوا ظننا فيهم خاصة وان معي أربعه صغار سن من أقاربي

كانوا متلهفين لمشاهدة نجوم الهلال على الطبيعه لاول مرّه..

ولكن قدّر الله وماشاء فعل.

في الملعب تشاهد وتسمع أحيانا" مالا ترقبه وترصده كاميرات التلفزيون

ولا مكبرات الصوت..ويكون دلاله أو مؤشر لخلل واضح تكتشفه خاصة اذا كنت

قريب جدا" من الملعب..

في الأمس كنت في جهة نادي الهلال (في الدرجه الثانيه طبعا") وكان صوت

اللاعبين تسمعه بوضوح عالي..

اللذي حظر المباراة أمس لاحظ بشكل لافت ترديد اسامه هوساوي وخاصة في

الشوط الثاني عبارة(ياعيال ساعدوه..ياعيال ساعدوه) بصوت عال جدا" وصل الى

حدّ النرفزه من الكابتن اسامه هوساوي.

كلما كانت الكوره بحوزة الشلهوب أو الزوري..وهاذا دلاله واضحه على ان هناك

خللأ واضحا" لاحظه الجميع وهو عدم وجود الروح وعدم التحرك بدون كره..!

في أحد الهجمات الهلاليه وانقطاع الكره من ويلهامسون وارتدادها على المرمى

الهلالي كان الكابتن اسامه يوجّه ويلهامسون بالعوده سريعا" للتغطيه

بالعاميه(كان يهاوشه ) لانه مارجع يغطي غلطته وقابله ويلي ببرود عجيب..!

امتعض الجمهور وتسائل مالفائده من نزول الفريدي بهاذا التوقيت؟؟

وابدوا غضبهم على المدرب هاسيك.

تفاعل الجمهور كثيرا" مع سعد الحارثي وكم كنت أتمنى ان يفوز الهلال ليكون

هدفه فأل خير عليه..

الخلاصه يااخوان..

الفريق بحاجه الى تدخل الكابتن سامي من الناحيه (النفسيه والفنيه )

لاننا افتقدنا (للطقطقه) والاسلوب الجميل اللذي كان يلعب به الهلال ابان اشراف

الاسطوره سامي .

وكذلك تدخل الاداره للعمل على الخلل اللذي ربما ينعكس سلبا" في بطولة اسيا

لاقدر الله ..بعد ان فقدنا الدوري بصفه كبيره.


اتمنى ان تصل الملاحظه للاداره للعمل على اصلاح الخلل بأسرع وقت ممكن.



كتبه اخوكم ..سلطان



تقبلوا فائق تقديري..

[معجب هلالي.]

انا أتفق مع الأخ سلطان وأنا كنت بمقاعد الدرجة الثانية وسمعت كلامه ( وحسيت ان فيه شي غلط ) لكن عموماً ان شاء الله ما فات شي والجاي أفضل باذن الله وفي الختام تحياتي للجميع وتحية خاصة لكاتب المقال وتقبلوا مروري وشكراً.

[فآإرس الحربي]

الروح مهي موجوده عند لاعبين الهلال

هوساوي تحمل الكثير البارح

اخطا الوسطط تعبت هوساوي خصوصا ان خيرات ماعنده خببره

على العموم هارد لك ومعوضين ان شاء الله

[شاووو]

الروح غير موجوده بالفريق كله من سنين
واولهم هوساوي

[زعيم فوق فوق]

مصيبه لو ان كلامك صحيح الله يوفق الهلال

[الامبراطور 1395]

الله يخلف علينا بالدوري والله ياهاسيك ودول ان سعد اخو سعيد يعنى شكينا من السباك جا الكهربائي

[HanOshA]

اووووووف
والله شيء يحز في النفس
البرود يوم عن يوم يزود
لازم يكون في حل وننهيه
راح الدوري ماراح نسمح لآسيا تروح

[MIGD]

أنا سمعتوه يتكلم بس مدري شيقول بالظبط @ أيضا بعد نزوله الفريدي قام بأرجاع الكره لشراحيلي وسط مطالبه من هرماش باللعب قدام@ اللي يشوف الفريدي يقول الفريق متقدم بأربعه

[عبدالعزيز تركي]

الروح مهي موجوده عند لاعبين الهلال

هوساوي تحمل الكثير البارح

اخطا الوسطط تعبت هوساوي خصوصا ان خيرات ماعنده خببره

على العموم هارد لك ومعوضين ان شاء الله

[الشمالية الغربية]

هوساوي ماينفع كابتن
الشلهوب وبس ,,

[هلالي برشلوني 7]

لا تكبر السالفه المشكله في الصراخ امر طبيعي انا كابتن فريق واوجه اللعيبه بصراخ عالي وهذا يدل ع الحماس والاعب مو لازم يناظر فيه , خلاص هو يسمعه ويطبق ايش اللي يقوله وبعد اللعب تشوفهم اخوان بس اتمنى القيادي في الملعب يكون في نص الملعب وبالاخص خانة المحور الارتكاز لانه كاشف الملعب وحلقة وصل بين المدافعين والهجوم

تحياتي

[angel 7]

لاحول ولا قوة الابالله

والله شي يقهررررر صراااحه امس مهو الهلال الي لعب اللي لعب فريق سله ....

[الفريدي 2008]

يساعدون مين بالصبط .؟

ما فهمت شيء

[FAHAD_ABSH]

انا معك ان الروح كانت غايبه امس بس بعد يا اخوان ترى ارضية الملعب كانت سيئة ما تساعد على اللعب والهلال دايم يلعب على الارض ولو تلاحظون ان الرائد كان يلعب الكور الطويلة العاليه لانه عارف طبيعة الارضية

[Bato-2011]

إقتباس الرسالة الأصلية كتبت بواسطة هلالي برشلوني 7 لا تكبر السالفه المشكله في الصراخ امر طبيعي انا كابتن فريق واوجه اللعيبه بصراخ عالي وهذا يدل ع الحماس والاعب مو لازم يناظر فيه , خلاص هو يسمعه ويطبق ايش اللي يقوله وبعد اللعب تشوفهم اخوان بس اتمنى القيادي في الملعب يكون في نص الملعب وبالاخص خانة المحور الارتكاز لانه كاشف الملعب وحلقة وصل بين المدافعين والهجوم تحياتي

بالعكس معه حق الرجال ماكبر السالفه ياأخي الجمهور عامة يبي يحط يده على الجرح بالعربي لاتخلوون الهلال يندمر والسبب اعتراضكم على اراء بعض واقولك انت ياعيال ساعدوه