[الفيلسـوفـ]

انا ما يهمني الدوري

انا كل اللي يهمني مستوى الفريق الخايس

يعني تتعادل مع الرائد اجل وش بتسوي بالاسيويه واللي هي نبيها

انا كل اللوم اضعه على الاداره بقيادة عبدالرحمن بن مساعد

ياخي جايبين مهاجمين وش نبي فيهم ...؟ والمشكله من زين ذا الكوري المفهي !!

جيبوا لنا مدافع الله يرحم والديكم
الفريق محتاج مدافع من الآخر

والا ذا الاصلع المدرب للحين مفهي ما يدري وش الطبخه !
مدرب ضعيف جدا من حيث التكتيك و الشخصية و الدليل اشراكة للحارثي !!

سامي مسك الفريق وقدم مستويات اقل شئ يقال عنها روعه

وهالاصلع قاعد يخبص بعد سئ الذكر دول كلهم وجهان لـ عملة واحدهـ

الزبدهـ :-

جيبوا لنا مدافع زي الاوادم بدل هالكوري
اللي قسم بالله انه يذكرني بالمحترف الكوري السابق سول

غير كذا قاعدين نشوف تخاذل من اللاعبين المحليين بالفريق وعلى رأسهم الفريدي والزوري وغيرهم

اعتقد ان مثالية الاداره الزايده عن حدها هي من تسبب في مثل هالتخاذل

ياخي اي لاعب ما يخدم الفريق اقرص اذنه !!

عموما ما ظنيت ذا الفريق المتهالك بينافس بآسيا

وليالي العيد تبان من عصاريها

ابو فيصل اجانبك مع المدربين هذي السنة ( فااااااااشلين )

اترك سامي يدرب الفريق وسترى الهلال اللي قدام النصر والاتحاد في كأس ولي العهد

اما هذا التخبط لا نريده

ابو فيصل الهلال سيفقد جماهير كثيرة والسبب المستوى المتدني

ابو فيصل عط الخبز خبازه ولو اكل نصفه

اسمح لي لن تحقق حتى التأهل في ابطال آسيا
والمتخاذلين موجودين امثال المرشدي والزوري والفريدي والاجانب

واحلى تحيه للامير عبدالرحمن بن مساعد

واختم كلامي بإننا ما نبي كلام حلو نبي فعل ينشاف