[الفيلسـوفـ]

صاحب الصورة أعلاه محمد غازي صدقه

محمد غازي صدقه
دخل المجال الرياضي بالواسطة عن طريق ابوه وكلكم عارفين ولكن اول سنه في قناة الـ art كان يعلق على مباريات الدرجة الثانية السعودي وربي رحم المشاهدين منه لان نادرا ما احد يتابع هالفئة ولكن طحت مرة على مباراة هو يعلقها تخيلوا اللاعبين باردين والملعب بخشه وكل الوقت الكوره برا وهو يناهق ويصايح ويسمي ذا باتيستوتا العرب وذاك زيزو الخليج ( يقال بتبقى ماركه له )

وشائت الاقدار انه يروح قناة الزعيم وكان الله بعوننا كذا مباراة علق عليها ..
وراح قناة الرياضيه السعودية
بعدها نصحوه يغير طريقته قام اخينا يقلد فارس عوض ..

- الله اكبر الله اكبر الله اكبر ( فارس يقول يارباااه يااارباااااه ) .. بنفس اللحن ..
- يكون متفاعل ومنسجم وصياح ونياح وفجأة يقول
( على فكرة هذا اللعب عندما كان صغيراً .. الخ ) بصوت هادي ..

كل هذا انسوووووه ..

انا اذكر عندما رحت جدة وحضرت مباراة اليوفي والاتحاد رغم التنظيم السيء وقعدتنا من العصر بالملعب والتقديم السيء من البطاطي لنجوم اليوفي ولكن استمتعت وكحلت عيوني باليوفي وديل بييرو ولكن المصيبة لما رحت اشوف اعادة للمباراة آخر الليل ..

في حياتي كلها ما تمنيت احد انسجن بسببه مثل ذا الادمي


شوفوا طلعاته الذكيه بالمباراة :


- ديل بييرو عندما كان صغير كان يحب الشوكلاااا ولاحظوا كلمة الشوكولا وفي يوم من الايام ذهب لشراء فطيرة بالشوكلا ولما رجع للبيت لقاها سادة بدون شوكلا فبكى وبكى الى ان اتت امه وسألته مابك يا أليكس : قال فطيرتي ليس بها شوكلا فذهبت وابتاعت له فطيرة شوكلاا ..

وش هالسمااااجه والذكاء منقطع النظير !!!!!!

خلوا ذي لاحظوا معاي وش قال :

يقول نجمتين على شعار اليوفي لأنه حقق 27 بطولة والاتحاد حقق 32 بطولة يعني الاتي افضل من اليوفي بعدد البطولات !!!!

هههههههههههههههه ياناس وربي اضحك وابكي وش هالــ!!
طيب الـ 27 بطولة دوري بس يا ..

وطوال المباراه يسمي جيرجيرا ( جيرارا ) و جيفينكو ( جوفنكيو ) ودي تشيلي ( شيليا ) وقاعد يلخبط بينهم ، المصيبة كلهم تغيروا وهو لسا ينادي البدلاء باسمائهم هههه !!!
والمصيبة والادهى الرهيب طلع واستبدلوه وفي كوره عند الصقري وقاعد يقول ( يلاااا شوت يارشوودي ) ؟؟

واخرتها يسرق قصيدة اخونا ابو ساره في ياسر
وينسبها لـ عمدتهم عيب والله عيب

المهم انو قافلة الاخلاق من هالبشريه اللي ازعجوا الخلق فيهم نهيق وصرير و خشخشه وربي اتحطلم وتجيني بلاوي الدنيا لما اسمعه يعلق

وسلملي عليك يا علي سالم الكعبي والشوالي ورؤوف خليف وفارس عوض وأحمد الطيب
تفاعل معلومات اثارة حتى لو يعلقوا على دوري بلايستيشن .

اللي ما يعرف مناسبة الموضوع اقوله
‫الاهلي والفيصلي 2-0 الجولة 20 - هدف عماد الحوسني HD‬‎ - YouTube
هذا رابط فيه سرقه ادبيه من هالمعلق الداهيه
لأبيات اخونا ابو ساره في ياسر القحطاني
وقام محمد غازي صدقه بذكر هالابيات لـ عماد الحوسني
عموما ما انسى بإنه شطح بالبيت الاخير
لإن لو قاله , العالم كله راح يدري الابيات لمين بالاساس
لان فيه كلمة ( بطولات)

[iYousef_93]

ههههههه مآأسمج من الولد الا ابوه ..

[$الشفق الأزرق$]

ههههههه والله مشكله يوم يجي معلق ويقلد معلق ماتجي

ياخي خل لك اسلوبك الخاص

الله يعين عليه وعلى شطحاته

[واحد شاي]

انا ماكنت ادري وش السالفه

بس أول ماجاب الحوسني قول على طول قام يقول قصيد هههههههههههه قلت هذا طحلبي صميم الله ياخذه يارب


الشرهه مو عليه
الشرهه على العجوز اللي توسطت له وبس


يسلمووو على الموضوع

[Taj MaHaL]

هالمعلق سااااااااااااااااامج .. يرفع الضغط .. أعوذ بالله منه ومن صوته النشاز ..
على فكرة ترى هو طحلبي كبير .. وراثة من والده ..

[Ibrahim mohmmad]

و أزيــــديك من الشــعر بيت ....

المباراه السابقه على ملعب الأهلي وكانت بين الأهلي والفتح.. ذكر معلومه خطيره جداً جداً جداً...

أن أخت الحكـــم ..جــــابت ولـــــــد..!!!!! والله أن كملت المباراه بدون تعليق ..!!!

عـــاد تصدق أن الواحد يستأثم اذا أذى اذانيه بسماع هالاشكال,,, لكن عسا الله يصبرنا..!!

[Taj MaHaL]

إقتباس الرسالة الأصلية كتبت بواسطة Ibrahim mohmmad و أزيــــديك من الشــعر بيت .... المباراه السابقه على ملعب الأهلي وكانت بين الأهلي والفتح.. ذكر معلومه خطيره جداً جداً جداً... أن أخت الحكـــم ..جــــابت ولـــــــد..!!!!! والله أن كملت المباراه بدون تعليق ..!!! عـــاد تصدق أن الواحد يستأثم اذا أذى اذانيه بسماع هالاشكال,,, لكن عسا الله يصبرنا..!!

والله انك صادق .. قسم بالله حين سمعته يقول هالمعلومة .. رميت الريموت .. وقفلت التلفزون وطلعت العب كورة .. رفع ضغطي .. ..

[re_life]

إقتباس الرسالة الأصلية كتبت بواسطة Ibrahim mohmmad و أزيــــديك من الشــعر بيت ....

إقتباس الرسالة الأصلية كتبت بواسطة Ibrahim mohmmad المباراه السابقه على ملعب الأهلي وكانت بين الأهلي والفتح.. ذكر معلومه خطيره جداً جداً جداً... أن أخت الحكـــم ..جــــابت ولـــــــد..!!!!! والله أن كملت المباراه بدون تعليق ..!!! عـــاد تصدق أن الواحد يستأثم اذا أذى اذانيه بسماع هالاشكال,,, لكن عسا الله يصبرنا..!!

ههههههههههههههههههههههههههه

موب صااحي هالمعلق . . يعطيكم جميع الف عاافية

تحيااتي لكم

[alrawely]

الله يفكنا منه معلق بارد جدا جدا جدا
وتعليق باوادي والمباراه بوادي
مااقول الا الله يلعن الوسطات


ولا انا سمعته يقول يارباااه
فارس عوض على غفله

[ابو خالد 2012]

بقايا حجاج وش نسوي لهم الشكوى لله

[جروووح الزعامه]

ههههه بجديقلد فاارس عووض

بس احسن مافيه انه يشطح ههههههههه

[رادوي8_8]

قال طلقها وخذ اختها قال


.........................




معلق فاشل




الواسطه ... الوسخه




في جميع المجالات حسبي الله عليهم




رياضه فساد لا حقوق الانديه ظلم لنادي الهلال



قناة فاشله




اصبر يارب اصبر




مقدمين برامج فاشلين وحقودين في يوم وليله وسطه




بالله صالح الداود محلل رياض لا وبرنامج ارسال الفاشل يجلب من اكل عليهم ادهر لتحليل وتقيم




نساهم ناديهم ولاكن الخشبيه لن تنساء الفاشلين وجلبهم من معلقين ومحلل




مساء الرياضي برنامج فاشل الحقد




الصبر يارب

[naif96]

اخوي كل معلق يخطى ماقلنا شي لكن تجيب لي مباراة قبل سنتين وتقول الكلام الي قاله بالتعليق
وبعدين اخطى بالابيات خقت ياسر بس المعلق اذا تحمس مافيه زيه وربي معلق كفوو

اشكركـ ع الكلام

[الفيلسـوفـ]

إقتباس الرسالة الأصلية كتبت بواسطة naif96 اخوي كل معلق يخطى ماقلنا شي لكن تجيب لي مباراة قبل سنتين وتقول الكلام الي قاله بالتعليق وبعدين اخطى بالابيات خقت ياسر بس المعلق اذا تحمس مافيه زيه وربي معلق كفوو اشكركـ ع الكلام

اجل معلق كفو الله يهنيك بركته

ايه جايب قبل سنتين لإني من يومها ليومك حلفت معاد اسمع له تعليق
وصدقني مهما طال الزمن ما راح انسى تعليقه بمباراة اليوفي
لانها كلمات خالده تسجل بالتاريخ وتذكر في برامج حدث مثل هذا اليوم .

اجل كفو معليش اذا هو يقرب لك والا شئ

[naif96]

إقتباس الرسالة الأصلية كتبت بواسطة الفيلسـوفـ اجل معلق كفو الله يهنيك بركته ايه جايب قبل سنتين لإني من يومها ليومك حلفت معاد اسمع له تعليق وصدقني مهما طال الزمن ما راح انسى تعليقه بمباراة اليوفي لانها كلمات خالده تسجل بالتاريخ وتذكر في برامج حدث مثل هذا اليوم . اجل كفو معليش اذا هو يقرب لك والا شئ

اخووي الفيلسوف لكل واحد وجهه نظر وانا الي عندي قلته