08/02/2012, 09:56 PM
|
| زعيــم متواصــل | | تاريخ التسجيل: 17/03/2006
مشاركات: 80
| |
|
اهـــداء بمناسبة تأهل الهلال إلى نهائي كأس ولي العهد
بسم الله الرحمن لرحيم
مبروووك تأهل الهلال إلى نهائي كأس ولي العهد
وبهذه المناسبة يهديكم الشاعر حصين بن محماس
قصيدة شعرية ,,, وتطرق فيها أيضاً إلى سمو ولي العهد
سمو الأمير نايف بن عبدالعزيز حفظه الله راعي هذه المناسبة
وإليكم قصيدته وأتمنى أن تنال إعجابكم :
هلالنا ساطع وتسطع به نجوم @ وهلالنا بين المجرات نايف
الله خلقنا والذهب في طرف يوم @ وحنا والانجازات ربع وولايف
أميرنا مِن شبته يفرق السووم @ ويسهل الصعبات والكل شايف
فالموج الأزرق ماحدن يقدر يعوم@ ومن عَامْ يبشر بالغرق والحتايف
طريقنا قبل المباراة مرسوم @ واذا انهزمنا ما لحقنا حسايف
أصحاب لو إنّا قبل ساعة خصوم @ وما راح من مجد يجيله خلايف
الكرنفال اللي له أخبار وعلوم @ علي قناة العز منقول لايف
شفت السماء فيها من الفرحة غيوم @ والأرض فرحتها ربت بالنصايف
الشعب بالملعب للأفراح معزوم @ أغلي البشر موجود والجو. كايف
الكل فايز فيه مافيه مهزوم @ دام الشرف موجود بوجود نايف
اللي لا مَن حام تعّبْ هلَ الحوم @ واللي لا هوى قصّ العظام النحايف
حُرٌّ بواقي صيدته تشبع البوم @ ماياكل إلا الرأس ويطير عايف
وإليا قضى عدّا على رأس مرجوم@ وحمى حدوده من غدر كل حايف
ياسيدي شعبك يحبك على الدوم @ لأنك معودهم طلوع النوايف
لا فيه لا جايع ولا فيه مظلوم @ ولا فيه محبوس ولا فيه خايف
نأكل ونشرب والثناء للولي دوووم @ وجموعنا تاطي جموع الطوايف
ونخاف من طول الرخى وأريح النوم @ يضعف عزوم مروضين العسايف
والأمر بيدك بأبيض الوجه محزوم @ والله بعبده لاصدق معه رايف
إمّا على أهل الفرس والا على الروم @ لابد من يوم تثور العصايف
ونعلم أهل الخبث والحكي واللوم @ بعد التوكل منهم صقور نايف
وسلامتكم
اخر تعديل كان بواسطة » ابــــو رغــــد في يوم » 08/02/2012 عند الساعة » 10:33 PM |
الوضع العادي
