[هلالي و اعشق ياسر 20]

اولا بسم الله الرحمن الرحيم

باك البيت و باك شبكة الزعيم عقب احلى مباراه و تشجيع وطقطقه و ونآسه لعيون الزعيم

يآجماعة الخير اتوقع ان جماهير الهلال فوق صيحات " الاستهجان " وفوق هالخرابيط .. اليوم نص او اغلب الجماهير كانوا كل ما استلم الكوره الكبتن عبدالله الزوري يصايحون عليه و الرجال يرتبك وانا صراحه ما الومه الوف مألفه تصايح ضدك لآ و بعد كلهم من جماهير ناديك .. !

صح ان بعض الاحيان بعض اللاعبين يجبرونك انك تطلع من طورك و يرتفع ضغط بس ما تاصل لدرجة ان اغلب المدرجات تهتف ضد لآعب هلالي .. !

نواف العابد مدري وش صابه في هالمباراه ..! يعني الشوط الثاني كان يبي يستعرض في كل كوره و يبي يعلمنا انه يعرف يسحب للاسف رفع ضغطي اليوم .. بس ان شاء الله المدرب الجديد يعرف وشلون يتعامل مع اللاعبين و طريقة لعبهم و تكتيك الفريق

يو الكوري .. مدري هالآدمي على اي اساس قلنا عنه مهاجم والله ثم والله اليوم رفع ضغطي في كل كوره يستلمها .. لآعب لا يجيد التصرف بالكوره ولا يجيد التمرير ولآ يجيد الكنترول السليم .. الايجابيه الوحيده في هذا اللاعب هي تمركزه الصحيح و السليم لكل الكور و دايم يكسر التسلل للفريق المنافس ..


سعد الحارثي <~ انا ودي اعرف ليه جايبين هاللاعب دامهم داكينه ف الاحتياط اغلب المباريات لآ و اذا طب الملعب يدخل آخر 10 دقايق .. يعني مدري عقب هالـ 6 شهور ذي وشلون بيحكمون على مستواه وهو مآ لعب .. و آنا اقول عطوا سداح فرصه .. سعد لاعب كبير وفي نظري انه افضل مهاجم ف الفريق " حالياً " ..


جماهير الزعيم العريضه اتعجب ثم اتعجب اغلب الجماهير متكين ف المدرج مثلهم مثل الكراسي ساكتين ولا حس ولآ خبر .. صرآحه انا ما احبذ هالنوعيات من الجماهير .. يعني انت حاضر الملعب عشان تعاين الفريق ولآ عشان تؤازره و تشجعه ..؟ لآ و اللي يبط تسبدك بعض الاحيان لآ شافوك تشجع وتصايح للفريق قآلوا وش هالازعاج ياخوي اركد تراك مزعجنا .. بس هيًن خل ازعاج و ما ازعاج اللي وراي كلهم خليتهم يهجون لانهم مشاهدين وليس مؤازرين كل كلمه والثانيه تراك ازعجتنا و تراك ازعجتنا و نهاية الهرج قلت له ياخوي اطلع من الملعب دامك ما تبي صوت التشجيع و ما تبي الازعاج على قولك !!
كلنا يد بيد مع الالتراس الهلالي ل نعكس صوره جماليه رائعه و تشجيع بطريقه سلسه و لآ بد من الضحك و الطقطقه في بعض الاحيان


اعذروني الموضوع مكرفس و مخربط وآلله من التعب و الارهاق و اللخبطه ..
ف الاخير هذي وجهة نظري و المقرفون لكم يا زعماء .. غردوا لبى والله قلوبكم