[بقلمي]

بسم الله الرحمن الرحيم
السلام عليكم اخواني الزعماء وكل نهائي وانتم بخير
ندخل دوغررري كالعادة في الموضوع بعد الاستعانة بالله ونقول:

.بعد التأهل لنهائي كأس ولي العهد لازم ننتبه لعدة نقاط منها:
أولا-راح يطلع لنا كتاب واعلاميين خلال الفترة القادمة يروجون لعدة افكار من نوع (حق أريد به باطل).
واخطر هذه الافكار اللي بدأت تظهر ع السطح فكرة لعب النهائي بدون ويليهامسون والعربي وهرماش من باب ان الصغار كان لهم دور مؤثر في الوصول للنهائي وهم اللي أحق بلعب المباراة النهائية وايضا تكريم لهم على مجهوداتهم ولإعطاءهم الثقة أكثر،وهذا السيناريو مشابه لسيناريو نهائي كأس فيصل اللي خسره الهلال امام النصر 2007-2008،حيث كان مسموح العب بـ 5لاعبين كبارفي النهائي بعد ان كانت 3 لاعبين في الادوار التمهيدية ونصف النهائي،وبدأت الحمله وكان الهدف الاكبر والغير معلن منها ابعاد مصادر قوة الهلال ذاك الوقت(ياسر،التايب،عزيز،تفاريس)ونجحت الخطة في ابعاد ياسر والتايب وعزيز وأصر كوزمين على تفاريس ولعب الهلال بـبدر الدعيع، تفاريس، عبد العزيز المفرج، حسن خيرات، سعد الذياب (سلمان المؤشر)، الخثران ،عبد اللطيف الغنام،عبد العزيز الدوسري، نواف التمياط(عبد العزيز الكلثم)،احمد الفريدي، بدر الخراشي (سلطان السعود)،وخسر الهلال بطولة كانت قريبة جدا منه
وبعيده جدا عن النصر،واختفى بدر الدعيع وعبدالعزيز المفرج وسعد الذياب،وسلمان المؤشر وعبدالعزيز الكلثم وبدر الخراشي وسلطان السعود واختفى ايضا كأس البطولة.

ثانيا- حملة المديح الزايد لسالم الدوسري وزملاءه،ياناس انتبهوا معظم اللي يمدحون بكثرة وبشكل شبه يومي هم كتّاب واعلاميين الاندية المنافسة ،وهدفهم واضح ،وبيني وبينكم مقهورين ،فريقنا كل موسم يصعّد لاعبين او ثلاثة من فئة النجوم ويختارهم المنتخب،وهم يفحطون سنين الى ان يطلعون لاعب واحد.

ثالثا- راح يطلع في الايام الجايه ناس يعملون مقارنات بين الهلال والاتفاق ،ويروجون لفكرة عدم التكافؤ في المستوى وان النتيجة مضمونة والخ.......خاصة ان الاهلي والنصر والاتحاد خرجوا من البطولة وكتابهم واعلامهم فاضين الحين وبيشغلونّاوبالاخص اعلام الاتحاد والنصر المسيطرين حاليا على وسائل اعلامية كثيرة والفراغ اللي عايشين فيه بعد ما فقدوا فرصة المنافسة ع الدوري وخرجوا من كاس ولي العهد،يعني الله يعينا عليهم من الحين الى نهاية الدوري.

رابعا- اقتراح بتعيين المدرب الجديد هاسيك بمنصب مدير عام للجهاز الفني او رئيس الجهاز الفني وليس مدرب الفريق الاول وهي وظيفة قريبة من ان تكون اشرافية واستشارية زي المعمول فيه في اندية كثيره في العالم وعربيا في الاهلي المصري والابقاء على المدرب الحالي وسامي مساعد له الى نهاية الموسم،وبعدها يعين كـ مدرب رسمي وسامي مساعد ،وهالشي لغرض الابقاء ع الانسجام الموجود حاليافي الفريق.

واخيرا اتمنى للزعيم والاخوة والاخوات الزعماء التوفيق واعذروني ع الاطالة.

شكرا والله ولي التوفيق.،،،،،،