[king.yasser]

بدون مقدمات وبدون لف ولا دوران نبغى جمهورنا يغطون الواجهه ,,مايصير نترك لهم ولا كرسي في واجهة الاستاد يعني في جده يحشرونا في الرابطه وتحس وانت في ملعبهم انك خارج المملكه وكأن ملعب جده له نظام غير ملعب الرياض !!!

اجل مادام الشغله بالعباطه ومافيه نظام في جده لازم نسوي زيهم ومانخليهم يحتلون الواجهه ،،المصيبه ان جمهورنا في الرياض باردين ومايروحون الملعب الا متأخرين وتلاقي جمهور الاتحاد أو الاهلي وصلوا الملعب وبعد فارشين شعارهم في المدرج كنهم يبغون طراطيع في الكورنيش.

الشباب في المنتدى كتبوا افضل واكثر مني في هذا الموضوع ولكن مايمنع نكتب الف مره علشان نروح الملعب بدري ونخلي الواجه لنا ونهز المدرج هز يعني اللي وده يطق اللثمه ويتفرج الله لايهينه لايتعب نفسه ..لازم نخلي الملعب يهتز تحت الاتحاديين خاصة أن فريقنا رجع لمستواه ونقول لجمهورهم خليك بالبيت الازرق ناوي ياكلك.