[بنت الزعماء!!]

ابفهم شي واحد يا اداره الهلال
الحين هذا وقته تكلمون عن نصيبكم من انتقال عزيز للنصر
ولا خايفين من الخساره اليوم قالو خلونا نفتح موضوع عزيز
والجمهور تنسى المباره وتلتفت للاعب
احنا في مشكله كبيره
لا عندنا مدرب ولا عندنا لاعبين اجانب من بدايه الموسم
الي قاهرني ليه يجبون لاعبين مغاربه وهم عارفين انهم منظمين لمنتخبهم
يعني نسميه استهبال مثلآ
ولا تحقيق رغبه جريتس الي تركنا واحنا في امس الحاجه له
ولا استثمار مثل ماعودتنا اداره الامير عبدالرحمن بن مساعد
ياسمو الامير
اذا انت جاي للهلال عشان تستثمر وتحرق اعصابنا
الله يعافيك اترك الاداره لاهلها لاننا نبي بطولات ونبي انجازات
وترانا مانبي استثمارات الي ماتفيدنا بشي
خل اسثماراتك بعيده عن الهلال الله يجزاك خير
ترانا موب ناقصين
والي يقهر اكثر يقولون نبي اسيويه
اي اسيويه اي بطيخ
الاسيويه عندنا مثل الي يقول عشم ابليس بالجنه
الا اذا كان رئيس الهلال بندر بن محمد
نرجع لمباره اليوم
مباره اليوم متوقعه 100% فقراويه
لان الفقر عايش وضع ممتاز الان واداره نفذت المطلوب منها
من اجانب ومدرب ولاعبين محليين
اما الهلال عكس هذا كله
وضعه ضعيف جدا جدا جدا من بدايه الموسم
وهذانا قربنا على نهايته ومانفوز الا بالصدفه
وهذا الوضع عادي
كون الهلال لايملك مدرب ولا عبين اجانب من بدايه الموسم
وتم تفريط بالمحلييين وايضا الاجانب مثل ويلي
و رادوي بسبب الاستثمار مثل ماذكرت
رداوي عارفين سبب اعارته لكن ويلي
كان مركون على الرف يسالون هل المغربي يجي ولا لا
وهل اصابته تقعد 3 شهور ولا شهرين يعني كانه ويلي لاعب احتياط ولا له اي اهميه
والان لما عرفو ان الهلال مايمشي الا بويلي رجعووه بس سبحان الله
تم ايقافه ثلاث مباريات مهمه للهلال
من الاساس ليه تخلونه يرووووووح ليه يرووووح اقنعونا
لاعب ممتاز ماعنده مشاكل مرتاح بالسعوديه
حسبي الله ونعم الوكيل
قسم بالله شي يرفع الضغط


باذن الله الاداره الجايه
يكون رئيسها
بندر بن محمد
لاني ابي اشوف الهلال ياخذ كأس اسيا
ومحد قاد يجيب اسيا الا بندر بن محمد