[قشقوان]

بسم الله الرحمن الرحيم

هذه قراءه سريعه لمباراة الليله من خلال متابعتي لوضع الفريقين بشكل عام في هالموسم


بالنسبة للهلال الكل يعلم بالمشاكل اللي يمر فيها على مستوى الغيابات وعلى مستوى ضعف امكانيات المدرب
وعلى مستوى انخفاض العام لمستوى اللاعبين ( الفريق )

الاخوان في هالمنتدى اشبعوا هالمشاكل طرحاً وانا اليوم راح اتكلم عن الفريق فيما يخص مباراة الليلة فقط

اولا وفي وجهة نظري صحيح ان غياب ويلي راح يحرمنا من إضافه كبيرة للفريق قد يصنع فيها الفارق في مباراة الليلة لكن بما ان الغياب اصبح اكيداً فأنا راح اتكلم عن الشئ الايجابي في غيابه وهو :

* الكل يعلم ان ويلي ما انتظم بالفريق الا قبل كم يوم ولم يلعب اي مباراة مع الفريق صحيح انه مو غريب لكن كما تعلمون ان الهلال تغير واكيد راح يكون متغير على ويلي خاصة مع دول اللي قد لا يجيد توظيف ويلي .

* وجود ويلي في هالمباراة راح يسلط التركيز عليه داخل الملعب سواء من لاعبي الهلال بالاعتماد عليه وتجاهل بعض الحلول الاخرى وكذلك التركيز من فريق الاهلي بالمراقبه القويه عليه خصوصا ان ويلي مو غريب عليهم
- يعني - في حال فشل ويلي في تقديم المستوى او الحلول المتوقعه في هذه المباراة راح تربك الفريق وراح تأثر عليه وعلى العكس راح تعطي الاهلي احساس بالتفوق .

* ويلي راح يكون تحت ضغط خصوصا بعد الاحداث اللي صارت له مع ناديه وقضيه الايقاف وصحة لعبه من عدمها
وبصراحة ما اتوقع ان ويلي بيقدم اي اضافه في هالمباراة بحكم هذه الضغوط غير ضغوط رغبته بتقديم الاضافه والحلول لفريق الهلال بشكل سريع وبالتالي في حالة فشله راح يضر الفريق في هالمباراة وقد يمتد اثر هذا الفشل إلى المبارايات القادمة .

* لاعبي الهلال اللي راح يدخلون هذا اللقاء راح يحسون بالمسؤوليه اكثر بسبب انهم في وجه المدفع امام الادارة والجماهير والاعلام فبدل ان ننتظر الحلول من لاعب واحد وهو ويلي راح يكون بالفريق 4 او 5 ويلي بالملعب .


اما من ناحية لاعبين الهلال فأتوقع انهم راح يكونون على قدر عالي من المسؤوليه وراح يقدمون بإذن الله مستوى مشرف ..
الهلال مهما كانت ظروفه فقد عودنا بالظهور في مثل هذه الظروف خاصة وانه رغم كل الغيابات بالفريق الا انه يملك من اللاعبين القادرين على الفوز الليله ..

اما بالنسبة للاهلي صحيح انه الموسم هذا مقدم مستويات افضل من السنوات الاخيره لكن صدقوني مازال يملك من نقاط الضعف اللي لو استغلها الهلال الليله بهالاعبين وهالمدرب لا تستغربون لو فزنا الليله والاسباب كالتالي :

* قوة الاهلي تكمن في المهاجمين فيكتور وعماد ومن خلفهم صانع اللعب كماتشو فقط غير هالثلاثه الاهلي لا يملك اي حلول هجوميه او اي خطوره على مرمى اي خصم امامه وعند عزل هالثلاثه عن باقي فريقهم الاهلي فريق عادي جدا بل على العكس سهل الفوز عليه .

* خطورة الثلاثي الاجنبي الهجومي للاهلي تكون في اقوى حالاتها في حالة المساندة الهجوميه من لاعب الوسط تيسير الجاسم مع احد الاظهره في هذه الحاله الاهلي يكون خطر وممكن يسجل في اي لحظه .. ولتقليل او منع خطورة ثلاثي الهجوم للاهلي لابد من منع المسانده الهجوميه لتيسير الجاسم واحد اظهرتهم وذلك بالضغط الهجومي من اول دقيقه بالمباراة حتى آخرها ،، في هذه الحاله راح تنعدم خطورة ثلاثي الهجوم وخاصة فيكتور وعماد وراح يكونون معزولين عن فريقهم مثل ما صار بمباراة الذهاب ..

* اي تراجع وإعطاء الاهلي فرصه الاستحواذ وتكثيف الهجمات على الهلال راح يأكلها الهلال بسبب وجود مسانده لكماتشو إضافه الى تقدم تيسير اللي راح يفك الرقابه على كماتشو او احد المهاجمين .

* الاهلي لديه نقطة ضعف وااااضحه في متوسط قلبي الدفاع وبالحراسه خاصة التسديد من بعيد ولو تلاحظون مدرب الاهلي في حالة انه اراد ان يغطي هذا الضعف يلجأ إلى اللعب بأكثر من محور + مطالبة تيسير الجاسم بالقيام بالواجبات الدفاعيه وشئ طبيعي راح يكون على حساب المهام الهجوميه لتيسير مما يمكن وسط الخصم من إحكام مراقبة كماتشو وبالتالي عدم وصول اي كرات للاعبين الهجوم مما يضطرهم إلى التراجع للحصول على الكرة وبالتالي ابتعاد فيكتور وعماد عن مرمى الخصم وبالتالي عدم وجود اي خطورة على مرمى الخصم ..

كل هذا على اساس ان الاهلي متراجع بسبب ضغط الخصم - يعني - الاهلي مثل ما يقول المثل يا ابيض يا اسود اما انه يواجه خصم متراجع فيكون قوي ومسيطر او يكون خصمه يبادره الهجوم فيكون الاهلي ضعيف وسهل التسجيل عليه وبالتالي الفوز عليه ..

وارجعوا لجميع مبارايات الاهلي وركزوا على الفترات اللي يكون فيها متراجع يكون هجوميا سئ جداً وحتى في حالة تراجعه ما يكون تقفيله الدفاعي تقفيل محكم بالعكس كثافه دفاعية بدون اي فائدة وتكون على حساب الاداء الهجومي يعني توازن الفريق هجوميا ودفاعيا ضعيف ..

الاهلي بدون اجانبه الثلاثه في المقدمه لا يملك اي حلول من باقي لاعبيه
الاهلي لا يملك من يصنع الفارق من لاعبيه المحليين ، اعتمادهم الكلي على ثلاثة لاعبين في المقدمة متى ما تم عزلهم بالطريقة المذكوره سابقاً الاهلي يكون فريق عادي جداً وعلى المستوى الدفاعي خصوصا العمق الدفاعي يملك نقطة ضعف واضحة

المطلوب من الهلال الليله هو من بداية المباراة الضغط الهجومي وامتلاك الكرة وتناقلها بشكل سريع خصوصا في منطقة العمق مع الاعتماد على اللاعبين القادمين من الخلف وايضا تناقل الكره بشكل سريع داخل العمق الدفاعي نظرا لسوء قلبي الدفاع واللي دائما لا يملكون الا الاعاقه للمهاجمين - يعني - المطلوب من دول هو الايعاز للفريدي او الدوسري في حالة تواجدهم في العمق الاهلاوي بالمراوغه ولعب الون تو ..

ايضاً لا انسى بأن لاعبين الهلال راح يكونون اقل ضغوط من لاعبين الاهلي بحكم ظروف الهلال السيئة والغيابات وبالنسبة للاهلي راح يكونون اكثر ضغوط بسبب اكتمال صفوفهم وان المباراة على ارضهم وبين جمهورهم
وايضاً لا ننسى ضغوط الصدارة من الشباب وبنسبه اقل من الهلال ..

آسف عالإطاله مع تمنياتي للهلال بالتوفيق والنجاح ..