[الحياه كلمه]

.





بسم الله الرحمن الرحيم

السلام عليكم ورحمة الله وبركاته


هذا الشايب لا يخرج دائماً وخروجه وقت الحاجة وهذا ثاني خروج له ولكن هذه المره بشكل قوي


الشايب
حياك الله ياعبدالله

الحياه كلمه
حياك الله ياعم

الشايب
وراك معبس كذا وخلقك ما هو لذاك الحد

الحياه كلمه
لا الحمد لله ما فيه شي

الشايب
علينا يا عبدالله

الحياه كلمه
يمكن شوي ارهاق بس

الشايب
ارهاق ولا وضع الهلال ماهو عاجبك؟!!

الحياه كلمه
أيوه .. والله انك تعرف خباياي يا شايب الرحمن

الشايب
الله يهديكم بس!!

الحياه كلمه
آمين .. بس عسى ماشر .. عسى ماضايقتك

الشايب
أنا اقول الله يهديكم يالهلاليين ماهو انت بس

الحياه كلمه
ايييييه .. عندك علوم يا شايب .. أنت ماتظهر الا بالأزمات

الشايب
بس عسى ظهوري مفيد ماهو مثل غيري يظهر يزيد الوجع!!

الحياه كلمه
بدينا بالدق والكلام اللي ماله سنع .. عطني علمك واضح وصريح!!

الشايب
والله انتوا صايرين ماتبون الحقيقه كامله

الحياه كلمه
أفا وش العلم

الشايب
أجل هذي سوالف واحد تشبهونه بالفيلسوف وفيه من يدافع عنه

الحياه كلمه
أهاااااا .. قصدك الفريدي

الشايب
إيه الله يصلحه بس

الحياه كلمه
طيب يقولون باقي مانضج وتفوته بعض العلوم

الشايب
طيب ما اختلفنا .. بس ليش النفخ الزايد

الحياه كلمه
اي نفخ يا شايب

الشايب
هذا ماخليتوا ولا بقيتوا فيه الين الرجال صدق انه العلامه الفارقه بالفريق

الحياه كلمه
والله انت علومك اليوم على البلاطه يا شايب

الشايب
اللي يبي يعدل الأمور ويحب الفريق يعطي من الآخر

الحياه كلمه
طيب عطنا علمك كامل

الشايب
انتوا ليش تطيرون اللاعب وهو عادي ولا على كعبين ومحاورة كم لاعب طرتوا بالعجة !!

الحياه كلمه
يقولون انه يشبه ابو يعقوب

الشايب
الله يصلحك لا عاد تقول قدامي هالكلام تراك تزعلني .. أبي اسألك

الحياه كلمه
اسأل طالع عمرك .. شكلك مقفل أكثر مني ياشايب

الشايب
كم مباراه لعبها الفريدي مع الفريق .. كم سجل؟ وكم صنع هدف؟

الحياه كلمه
اوووووووف اثارينا ماخذين مقلب .. لعب 16 سجل 2 وصنع 4 اهداف فقط

الشايب
هيا بلاش مديح كذاب وتشبيه ماله سنع

الحياه كلمه
بس المدرب لك عليه

الشايب
المدرب ماهو كويس وعرفنا .. بس خلنا في فيلسوفكم الصغير .. الفيلسوف مايطيح مستواه الى هذا الحد .. الفيلسوف اذا حصل خلل بالفريق هو اللي يصنع الفارق تفهمون ولا لا

الحياه كلمه
والله انك صادق

الشايب
وبعدين النادي ماهو للطبطبه على الظهر .. يوم انه يقفل الجوال ويطنش ليه على راسه ريشه يعني؟؟؟

الحياه كلمه
وراك عصبت يا شايب؟

الشايب
لا تقول عصبت .. ورا الشلهوب أيام كوزمين يوم جمده برى ما سوى سواته؟!!!

الحياه كلمه
يا بوياه يالشلهوب وين تلقى مثله

الشايب
هيا تراكم معطين الفريدي مقام اكبر من غيره وأولهم الشلهوب

الحياه كلمه
لا يارجال الشلهوب في القلب

الشايب
ايه الحين الشلهوب بالقلب لكن لا سحب الفريدي كم لاعب نسيتوا الفريق وطرتوا به وهو نايم 4 او 5 مباريات

الحياه كلمه
طيب والمختصر انتهينا من الفريدي

الشايب
آخرتها اللاعب الكبير على قولكم ما يفعل هالفعايل والإداره لا بد تأخذ علم قوي ماهو كل ما طق واحد راسه قال بطلع من الفريق أولها عزيز ومشت ولحقه الحين الفريدي والدور من؟

الحياه كلمه
لا بإذن الله تتعدل الأمور

الشايب
ايه تتعدل بس فكوكم من التصاريح اللي مالها سنع

الحياه كلمه
أي تصاريح؟؟

الشايب
علة الهلال بدأت من نهاية الموسم الماضي

الحياه كلمه
كيف يعني ما فهمتك

الشايب
تصاريح المسؤلين نهاية الموسم الفائت تقول .. الموسم القادم راح نرفع مستوى الفريق للأعلى بكثير .. الكلام هذا سبب ضغط على الإدارة وبالتالي شف النتائج الحين !!

الحياه كلمه
طيب وضعنا لا بأس الحين

الشايب
ما اختلفنا وضعنا كويس نوعا ما ولكن نهاية الموسم الفائت اطلقت الوعود القويه والجمهور لا يرحم وكان مأمل على الوعود تلك

الحياه كلمه
طيب ماجات الظروف على ماتبي الإداره

الشايب
ما اختلفنا ولكن لا تطلق وعود بهذا الشكل الصريح وكفى!!!

الحياه كلمه
بيض الله وجهك يا شايب

الشايب
قبل لاتروح .. ترا النادي مو بطولات بس .. النادي كيان لا بد ان يحترم ومن لا يحترمه مكانه برى الأسوار ومداراة اللاعبين هي اللي تضيع الفريق وتضيع بطولات بسببها .. الله يستر عليك ياولدي.

الحياه كلمه
الله وياك شايب الرحمن.









تحياتي لكم

.