[هلالي البصيري]

السلام عليكم ورحمة الله وبركاته يازعماء ويازعيمات

أولاً: مبروك عليكم الصدارة اللي ماهي غريبة علينا حتى وحنا في أسوأ الظروف.

ثانياً:وباختصار أقول إننا كثرنا على دول وماخلينا شي ماحطيناه فيه وانتقادنا أكيد في محله لكن صدقوني المشكلة مو كلها من دول, المشكلة باللاعبين والدليل إنه إذا صارت المباراة ديربي وفيها تنافس يقدم الفريق مباريات حلوة مثل : الأهلي-النصر- الاتحاد-الاتفاق-حتى مباراة الشباب كانت أرحم من اللي قاعدين نشوفه مع فرق الوسط والمؤخرة.

ثالثاً:أنا أقول هالكلام عشان اللاعبين مايركنون على نقد المدرب وإنه خلاص إذا ماقدم الفريق شي يكون عندهم شماعة للنقد وهو أن المشكلة ف المدرب وهم في أمان من الانتقاد .

رابعاً: وهو الأهم ياأخي المدرب على الأقل متحمس ومتقطع من الحماس وشفناه في أغلب المباريات بس عاد هذي إمكانياته لكن المشكلة باللي عنده إمكانيات وقدرات لكن إظهارها ع حسب المزاج والنفسية .

خامساً:لايجي واحد ويقول إني مطبل للإدارة والمدرب أنا أقول دول مدرب محدود الإمكانيات وماينفع ولازم يمشي الآن وهذا شي مانختلف عليه .

دمتم زعماء ومع السلامة .