[Thiago Al-Harbi]

بسم الله الرحمن الرحيم


السلآآم عليكم ورحمة آلله و بركآته



في آلبدآآية , أنآآ لآ أقصد آلتهكم أو السخرية من أحد , لكنني ضقت ذرعآ و أنآ أشآآهد هذه المعضلة في الفريق , على الرغم من أن المشكلة وآضحة و جلية , و إدآرتنآ عرف عنهآ التغلب على أصعب المشكلآآت , لكن لآ أدري مآذآ حل بهآ هذه المررة ..!!!





سؤآلي هو :


هل شآهدت(أوفر أو عرضية أو سمهآ مآشئت) على مستوى عآلي من عبدالله الزوري تسببت في صنآعة هدف و عآلجهآ المهآجم برأسه في المرمى (سوآءً على مستوى النآدي أو المنتخب) في آلسنتين الأخيرتين ؟!!



أترك لكم الإجآآبة و لن أنسآآق كثيرآ في الحديث , لأن الكلآم في هذه النقطة بالذآآت مؤلم جدآ و نحن نتحدث عن حل يعتبر من أهم الحلول الهجومية في الكرة الحديثة أو القديمة (على حد سوآء), فكيف به لآيتوآجد في فريق بحجم و مكآآنة نآآدي الهلآآل ؟!! , وهو دآئمآ السبّآق و البآآحث عن البطولآت بمختلف مسميآتهآ






دمتم في رعآآية الله و حفظه

[هلالي fa]

؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟ محد فاهمك

[Thiago Al-Harbi]

إقتباس الرسالة الأصلية كتبت بواسطة هلالي fa ؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟ محد فاهمك

اتكلم عن نفسك .. لآ تتكلم بصيغة الجمع

[ماهموني لكن جرحوني]

```````````````````````````````



ورب الكوووون يارجال صاااااادق
ماقد شفت الزوري يلعب عرضيات ويتنهي بهدف راااااس
الله يعيييييين بس

وتحياتي يوسف العنزي

[عمر باهرمز]

كلامك جميل جداً ....الخلل من الوسط للأسف ....لاعبين الوسط لااحد منهم يجيد اللعب لا على الاطراف ولا مساندده الاظهره

وهذا الامر هو وراء ضعف الهلال للاسف الشديد...........

[Thiago Al-Harbi]

اللي مآ فهم قصدي :

أنآ أقصد أن الكآبتن عبدالله الزوري لآيجيد لعب الكرآت العرضية بإتقآآن و لم أشآهد له أي كرة عرضية متقنه سوآء على مستوى النآدي أو المنتخب , لكنه دفآعيآ (جيد الى حد مآ , وقد يكون هذآ هو سبب بقآءه الى الآن في الخآنة (كأسآسي) , امآ عن المنتخب , فالسبب بلآشك هو غيآب الشهيل للإصآآبة .!!



أنظروآ الى أظهرة الفرق الأخرى (الأقل منآ أمكآنيآآت و مستوى , ستجدون أظهرة على مستوى عآلي )



الطريدي في الإتفآآق و الصقري (رغم كبر سنه الا أنه تتوفر فيه جميع مقومآت الظهير) , و يآسر الشهرآني و القميزي في الشبآب و غيرهم الكثير

[ارين14]

لأ .. ماقد شفنا
أنا أتفق معك انه الزوري نزل مستوااه وهذا الشي أغلب الجمااهير متفقة عليه
لكن السؤال هنا ميين من البديل ؟؟
حسن معاذ ترااه نفس مشكلة الزوري مايعرف يرفع عرضية ولا يعرف يمرر كورة صح هو يمتلك السرعة وبس لكن السرعة بدون فاعلية مالها أي أثر
زيد المولد المفرووض انه يعتزل من زماان لكن مافي عرضية يرفعها الا تجي على راس اللاعب بالملي تقدر شوف الأهداف في اليوتيوب منها هدف ناصر على الريان القطري في اسيا
ومنها هدف على الأتحاد في الموسم الماضي هذا الي أذكره حالياً
أنا اعرف انكم رااح تقولون طيب هو يلعب أساسي مع النادي ومع المنتخب ؟
هذا الشي الى الأن مالقيت له أجابة
الي شاف مباراة أمس رااح يعرف انه لاعب سيء تعرفون ليه ياتارا ماقدر يأدي المطلوب منه لأن أي جناح في العالم مايقدر يلعب زين الا أذا كان الظهير الي ورااه ممتاز ويلي المباراة الي يلعب فيها ويكون وراه نامي مايقدم مستوى جيد لكن المباراة الي يكون ورااه لي يونغ دائماً يبدع
بالتوفيق للزعيم

[أبوصبا]

الاجابة نعم فيه اكثر من عرضية من قبل الزوري للعيبة الي خلف المرمى الي يقومون بعملية الاحماء واحيانا للكاميرا الخلفية والمصورون

[دافي العواطف]

إقتباس الرسالة الأصلية كتبت بواسطة أبوصبا الاجابة نعم فيه اكثر من عرضية من قبل الزوري للعيبة الي خلف المرمى الي يقومون بعملية الاحماء واحيانا للكاميرا الخلفية والمصورون

أضحك الله سنك

هههههااي

[يزن البقمي]

الزوري ضامن مكانه معظم الكرات اللي يستلمها تقطع منه وتمريراته اكثرها خطأ والا ختراقات معظمها من جهته يا ليت يصعدون شافي عشان يحس ان مكانه فخطر لان الزوي مايطبق تكتيك المدرب ومستهتر
والعتيبي منتهي ياليت يكون شراحيلي هو الاساسي دايما والله انه كفو خليفة الدعيع اما العتيبي مدري شيبي يخطي ويلوم غيره ياصبر الارض

[Thiago Al-Harbi]

إقتباس الرسالة الأصلية كتبت بواسطة يزن البقمي الزوري ضامن مكانه معظم الكرات اللي يستلمها تقطع منه وتمريراته اكثرها خطأ والا ختراقات معظمها من جهته يا ليت يصعدون شافي عشان يحس ان مكانه فخطر لان الزوي مايطبق تكتيك المدرب ومستهتر والعتيبي منتهي ياليت يكون شراحيلي هو الاساسي دايما والله انه كفو خليفة الدعيع اما العتيبي مدري شيبي يخطي ويلوم غيره ياصبر الارض

قد يكوون سبب قوووي ,, المشكلة حتى مع المنتخب .. درربه سهآآلآآت ,,, عليه حظ مآ شآء الله يكسرر الصخرر

[قمر الكون هلال]

انا ماشفت بس بقولك شيء

تابعت مباراة الفقر امس وهبلني مشاء الله عليه ياسر الشهراني
مهارة وتمرير وعرضيات
وانا اتابع تخيلته بقميص الهلال

يا اخي اذا ما يقدرون على قيمته يفتحون حساب للجماهير

وين اللي وعدنا بيجيبه وين كلامه .......؟

آه يقهر لو يروح لغير الهلال لعنبو الشيطان مرمط حسينوة بكذا كوره

[بن جبله المطيري]

الزوري مستوااااااه بهبوط مخيف ,,

اتمنى جلب الشهرااااااااااني ,,

[موهوب القصيم]

اذا تبي العلم

مامر على الهلال ظهير ايسر يعرف يرفع اوفر صح الا خالد الرشيد الله يذكره بالخير ويمده بالصحه والعافيه

حتى الجهه اليمنى عندما كان الدوخي موجود ماكان يعرف شي اسمه اوفر نهائياً

عموماً اغلب الاظهره عندنا بالسعوديه اوفراتهم صفر ع الشمال

ماقد شفت لاعب صح بالاوفر مثل طيب الذكر محمد شليه لاعب الاهلي

البقيه مجرد اسم ظهير لااقل ولااكثر

[HiLaLy 4 EvA]

الزوري تقريبا له 4 سنوات بالهلال ماله الا ثلاث اوفرات على الشباب نهائي كاس ولي العهد
على الاتحاد مباراه الخماسيه ومباراه الانصار اتمنى يكون احتياطي مشكله اساسي والاداره راضيه عليه ؟ اااااااه بس ياعساني اشوف الشهراني بقميص الهلال