[يزيد الفارس]

بسم الله الرحمن الرحيم

ألاحظ أنه في حملة قوية على عبدالرحمن بن مساعد بسبب مستوى الهلال وأنا أتفق مع الجماهير فمستوى الهلال سيئ جداً ولا يطمن محبيه وعشاقه

الجماهير تحضر المباريات وهي عارفة أنها تتابع قنبلة موقوته ممكن تنفجر في أي لحظه فالمدرب (رايح في أم أمها) والأجانب ما يقارنون بأجانب الوسم الماضي حتى اللاعبين المحليين مستوياتهم مدحدره وبصراحه أكثر بهالمستوى حتى للاسف دور ال 16 اللي سبق واني توقعت ان الهلال ما راح يتجاوزه الا اني اقول الحين حتى دور ال 16 ما راح نوصله

لكن للأمانه وللأمانه فقط ألاحظ أن الجمهور زودها شوي مع أبو فيصل يعني الرجل غير بالفريق وأخطأ وكل العالم تخطئ وتصحح أخطائها فجماهير الهلال المفروض عليها أنها تصبر وتشوف أبو فيصل كيف راح يصحح أخطائه في الفترة القادمة يعني لحسن حظ أبو فيصل أن فترة الانتقالات الشتويه قربت وامكانية تغيير المدرب ممكنة جدا.

خلو أبو فيصل يسوي اللي يبي حتى لو أبقى على دول او اقاله وعين الجابر بداله أو غير المحترفين الاجانب كلهم أو بعضهم...


أبو فيصل افعل ما تراه مناسباً, ما راح نستعجل بالحكم عليك, ولكن نهاية السنة راح يكون الحساب ( كنا نثق فيك ومازلنا ).


بالتوفيق للزعيم