[mjooode3]

هاردلكم التعادل .. ونقول الحمد لله على كل حال وباقي قدامنا الدور الثاني

الحيين يومياْ اللاعبين يروحون للنادي .. وش يسوون ؟ لأني ما اشوف اي لمحات فنيه تدل على ان لهم كم شهر يتمرنون سوا

فيه تمارين على تنفيذ الكرات الثابته ؟ فيه تمرين على تنفيذ الركنيات وكيف تمركز اللاعبين داخل ال 18 ؟ فيه مناورات بوسط الملعب على الهات وخذ بشكل سريع ؟ حتى تكتيك واسلوب لعب معدوم عندنا !

امس في مباراة الأتفاق جانا اكثر من فاول بمناطق حلوه واخرتها تنلعب بطريقة بايخه ! الفاولات تحسم مباريات وبطولات الا عندنا مقللين من اهميتها !!

دول انا اول مره انتقده لأني كنت من الي يطالبون بإعطاه الفرصه كامله .. الحيين اخذ فرصته كامله والفريق ماله هويه بوسط الملعب .. كرات مقطوعه وهفوات دفاعيه ووسط ضايع

بالله كم هجمه شفتوها بدت من عند العتيبي ووصلت للعربي بشكل جميل وطقطقه ومناولات ارضيه صحيحه ؟ تنعد على اصابع اليد الوحده

ايام قريتس من اهم اسباب قوة الهلال دقة التمرير واللعب الأرضي والهات وخذ .. هذي الطريقة تعدم الفريق الي قدامك لياقياْ .. وشفنا كيف في بعض الأهداف توصل لـ 20 تمريرة صحيحه قبل لا تدخل القول .. الحيين اذا كملت 5 تمريرات نقول الحمدلله

ندري ان الفريق الحالي جديد ومتغير جلد الفريق 180 درجه .. لكن حتى ولو المدرب الجيد يفرض اسلوبه حتى لو على فريق حواري .. موب معقوله 10 جولات وللحين الفريق ماله هويه ولا اسلوب بالملعب !!



# الزوري احد مقتنع فيه وبفهاوته ؟

# الدوسري سئ ومع كذا طاقها اساسي وتكملة عدد بالملعب

# الكوري متى بياخذ فرصته ؟

[ابوصالح العتيبي]

كلامك صح اللاعبين يجون للياقه لاكن مافيه تكتيك للمدرب

[اسبانيا]

هذا انت قلتها الفريق ماله هوية
من جد كل اندية الدوري تعرف تلعب وعارفين ايش راح تكون طريقة لعبهم الا الهلال
الخصم الي لازم تلعب قدامه بمهاجمين مايلعب الا بمهاجم واحد و ياكثر الي يصنعون هدف للمهاجم الهلالي الوحيد وهو مسكين ينسق مع مين ما يدري
واذا تبيه يلعب بمهاجم واحد تلقاه يلعب بمهاجمين ولا صانع لعب ممتاز
وكلها شخبط شخابيط
نبي نلعب كورة صح يادول لو الفريق يخسر بس لاعب صح ماراح نزعل لكن لاتكتيك وخساره او فوز بالحظ لا لا لا لا لا لا

لكن نتفأل ونشوف وش اخرتها يارب خير

[فراشه زرقاء]

# الزوري احد مقتنع فيه وبفهاوته ؟

نووو , لكن شنسوي مافيه غيره ضامنها أساسي

[[ سلطآإن,آلروقي ]]

يتدربون يعني وش يسوون؟؟!!

[هلالية العشق]

نفس السؤال اوجهه وش يسوون لاكرات ثانبه ولا تمرايرات صح

[يا بعد الدنيا]

يسلكون مواصير النادي

و الله أنك صادق متعبين انفسهم على اساس انه يستفيدون من التمرين وهم من جنبها

ما الومهم كله من السباك دول

وبالأضافه الى المرشدي + الزوري + حسن العتيبي +عبداللطيف الغنام

[first one]

هي وقفت على الزوري
عندك كذا لاعب مثل المرشدي

هذه عينة من اللاعبين الفريق هو اللي شايلهم ... وأنا متأكد لو أن الزوري والمرشدي في فريق ثاني غير الهلال
كان بانت حقيقتهم
لكن .. الله يخلي الاعلام اللي نفخ ذا العينات من اللعيبة !!!

وما أقول الله لك الله يا نامي .. الجمهور كل شوي يحط الحرة فيك


صراحة .. وهذا كان رأيي من موسمين .. المرشدي والزوري عالة على الفريق .. لكن الفريق وقوته مغطي على عيوبهم..

هذا بالنسبة الدفاع


أما الوسط


عندنا اللاعب العظيم .. زين الدين غنام .. ولا يهون بعض الشلة في الوسط من الصنف المزاجي وهنا لن أحدد اسامي تفاديا للهجوم العنيف من جمهور اللاعب

أنا استغرب وشلون نفرط بالبرقان على حساب الغنام !!

وبالنسبة للهجوم

فريق مثل الهلال تعجز مدرسته ( اذا كان هنالك مدرسة ) أن تخرج لنا لاعب مهاجم

يا قلب لا تحزن


عموما I HOPE ALL THE BEST FOR OUR TEAM

[البرق20]

مدرب داااااج احس انه كل يوم مخترع لهم تكتيك ..

[الكاتب الهمام]

يشربون شاهي وقهوة ويرجعون لبيوتهم !!!!!!!!!!!
عمل المدرب لياقيا لا أكثر ولا أقل وأتمنى يركز عليه حتى يهيئ اللاعبين للمدرب القادم.
يجب على الرئيس أن يكون حازما مع اللاعبين ويصير معهم حضرمي كل خطأ يضر بمصلحة الفريق يخصم من راتبه ولا يستبعد من اللعب إلا إذا توفر البديل له.