[I الزعيم I]

بسم الله الرحمن الرحيم

حبايب قلبي ، اتمنى تكونوا بصحه وعافيه ، انا بصراحه لست مقتنع بفوز الهلال اليوم ، وكنت اتمنى لو تعادل

وحتى خسر ايضا ، للاسف الهلال مستوياته متفاوته ، ومو كل مره تسلم الجره ، بصراحه نحن كنا في غنى

تام عن الوقت الاضافي ، يعني بالعقل يا جماعة الخير طول التسعين دقيقه ما نجيب الفوز ولا نجيبه الا بعد 95

دقيقه ، بالله واسالكم بالله هذا الهلال ، انا بصراحه ما شفت المباراه كنت قادما من الدمام الى الرياض ، بس

توصلني الرسائل من جوال النادي ، وتفاجات بتبديل ايمانا والفريدي ، ولكن بصراحه بصراحه ما ينلام دووول

وقراره سليم 100% ، معليش يا اخوان بصراحه ايمانا والفريدي مثل مزاجية نور للاسف ، يعني لاعبين

يلعبون بالمزاج ، يعني اليوم رايق يلعب كويس موب رايق انسى انه يبدع ، وبالعكس انا اعجبت اليوم

بدول لانه ما طول بالتبديل ، على طول شاف الحبايب فاشلين قام وغيرهم ، يعني معليش يا شباب لاعب

مو في يومه وش يبي به المدرب ؟!! عشان كذا غيره ودخل واحد من زمان ما لعب فاكيد ان عنده حماس

انه يبدع مثل المحياني اليوم ،،، وانا لاحظت اكثر المواضيع بالمنتدى تدعو لعدم رحيل المحياني ، وهذا يدل

على صحة كلامي ، ايضا انا اعيب على المدرب حاجه وحده بس ، اللي هي انه ما عمره لعب هرماش

لحاله حتى واحنا على ارضنا لازم محورين ما ادري وش سالفته بالمحاور ، ولكن هذا الشي جيد نوعا ما عشان

لازم يتاكد من المناطق الخلفيه ، عشان المواجهات القادمه قويه جدا ، بين الاتفاق والاتحاد ، يعني الله يستر

الزبده :

يعني الفريق فاشل وسيء جدا اليوم ، المباراه اعتبرها قرصة اذن ، وتنبيه قبل الاتفاق والاتحاد ، ايمانا والفريدي

يواصلون مزاجيتهم ، الجمهور دائما رائع وحلو ويقدم اللي عليه واكثر ، كنا في غنى عن الوقت الاضافي والاثاره

والجدل اللي بالمواقع عن زيادة الوقت او غيره ،،،


اسف على الاطاله ،،،


الكاتب : عبدالكريم الذيابي ،،،