[بَدْرْ]

مساء الخير

أضحكني الخبر اللي طالع عن شكوى ادارة الهلال على الاتحاد الآسيوي عشان القرعة

وكأن مشكلتنا الآسيوية هي القرعة

هالموقف ذكرني بالمثل القائل "من أشغلته عيوب الناس عن عيوبه هلك"

أتمنى من الإدارة إنها تنظر للخلل الواضح في تشكيلة الفريق وتصلحه بدل ما تركض وراء نظريات المؤامرة

الهلال يعاني (بكل ما تعني كلمة يعاني) من خط الدفاع

وإن كان جزء من الخلل هو بسبب الزوري والمرشدي, لكن المصيبة الكبرى هي في ظهير الغفلة محمد نامي

هاللاعب ما شفت إنسان محظوظ مثله

اللي بمستواه ما يلعب في فريق حواري, وهو ماسك أساسي في أكبر أندية آسيا

ما راح أعيد وأكرر بخصوص نامي, لأن القاصي والداني يعرف إنه دفاعيا (فاشل) ودائما ما ينكشف أمام الفرق الكبيرة

وأنا صراحة ما ألومه كثير, لأنه لاعب (خواف) لما ينزل الملعب, ولأن المثل يقول فاقد الشيء لا يعطيه

أنا ألوم الإدارة اللي لخبطت الفريق الصيف الماضي, وقللت من حظوظ الفريق في حصد البطولات

والنكتة إنهم يفكرون في الآسيوية, والله العالم الدوري يجي ولا ما يجي

المهم, الاقتراح اللي عندي إنه تتم مقايضة نامي بالشهراني (يعني ينباع فوق الصفقة) ويجيبون الشهراني بأي مبلغ

أنا ما عاد أطيق أشوف نامي لا أساسي ولا احتياط

هاللاعب محظوظ بشكل مو طبيعي, ما صدقنا افتكينا منه سنتين, إلا وهو راجع بعدها أساسي (

أتمنى من الإدارة سرعة معالجة الخلل الدفاعي اللي سببه نامي

وإلا قولوا على الآسيوية السلام

والدوري بعد

,,,

تحياتي