04/12/2011, 02:01 PM
|
| زعيــم متواصــل | | تاريخ التسجيل: 04/03/2005 المكان: الرياض
مشاركات: 85
| |
| هلا اخوي
اول شي ايمانا فيه مشكله كبيره جدا متعالي على الكوره او بالاحرى متعالي على الفريق الجمهور رقص به وطار بالعجه هو المحياني لاعب كبير على عيني وراسي بس الكوري افضل منه بمراحل لعده اسباب اهمها الكوري ما يلعب بس في الصندوق الكوري يقدر يلعب على الاطراف عله الهلال من بعد ما راح سامي الاطراف مشكله كبيره عند الهلال في ظل نوم الزوري الي ما اذكر انه صلح الا ثلاث اهداف من طلع مع الهلال دفاعيا كويس الزوري ( احيانا) هجوميا مع احترامي للسباح مو قد كذا.
نجي نمسك الهلال من الحارس لين الهجوم
الحراسه العتيبي شراحيلي السديري مافيه خوف على الهلال في هالمركز
نجي للمصيبه الي عندنا الدفاع
الزوري وفيه شافي الدوسري بديل بس الاثنين الزوري دفاعيا (احيانا) كويس هجوميا الي اذكره لين يومك من طلع الزوري ما صلح الا ثلاث اهداف ما اذكر اكثر بصراحه اتمنى الي عنده معلومه يصحح لي . الدوسري يلعب بروح مجتهدا جدا احتمال يكون الظهير الي تتكل عليه بس يبي له شغل على جمسمه ينفخه شوي علشان الاصابات والاحتكاكات
المرشدي عنده امكانيات رهيبه بس مشكلته اتكالي بزياده عن اللزوم ويفهي زي الزوري وصاير بطئ ما ادري وش فيه البدلاء ( رضوان فايز فلاته عبدالله الدوسري وخيرات ) ولا واحد اقنعني بامانه معدا فايز فلاته ما اعرفه ان شاء الله انه قدها
هوساي ما اقدر اقول فيه شي مستواه ثابت الا في بعض المباريات وكل لاعب له مباريات سيئه
محمد نامي الرجل هذا مجتهد جدا ويلعب على امكانياته هجوميا كويس بس الله يهديه يتهور بعض الاحيان بس ما نقول شي هذي امكانيته البدلاء ( السبيعي البيشي) الاثنين هذولا ما شفت الي يقنعي منهم بضراحه احتمال لين احتكوا كثير نتفجر امكانياتهم نحتري ونشوف
المحاور والوسط
القوه والاداء عندنا في ها المنطقه فعلا ماشاء الله قويه جدا
هرماش اداء جميل جدا بس لو يخلي عنه حركات بيرلو الذبات البعيده يصير خرافي
القرني ماشاء الله لا قوه الا بالله مشروع عزيز جديد ثابت لين الحين
الغنام الله يفكه من هالاصبات وبيرجع مستواه زي اول ما جاء للهلال
الحارثي وجهه جديد نبي له الاستمراريه بس ونشوف وش وضعه بعدين
صناع الالعاب الي عندنا
الشلهوب كان ولا زال يقدم كوره جميله بس السن له احكام
الفريدي كل ماله ويذكرني بابو يعقوب مع فارق الامكانيات طبعا بس المزاجيه زي يوسف بالضبط اول ما طلع يهمه يمسخر الخصم بس فرقه عن يوسف البرود الي ذبحني وقتلني والمشكله الثانيه اي كوره مقطوعه منه مرتده احتامل تصير هدف وارجعوا للمباريات
ابو العز الدوسري سبحان الله يذكرني بروبن الهولندي فنان فنان فنان بس المشكله انه قزازه اصابه يتكى فيه غرفه العلاج فتره طويله
العابد مشروع لاعب كبير جدا بس لو يخلي عنه الغرور الزايد شوفه النفس
ايمانا اخذ اكبر من حجمه كثير بس امكانيات فعلا رهيبه بس يركز ولا يتعالى الفريق واتمنى انه باي باي ويجبون لنا واحد زي نيفز يالله تخيلوا نفيز وقدامه العربي والكوري وش بيصير هجومنا
الفرج يبي له وقت بس ولا كويس يذكري كثير بالتيماوي
الهجوم
العربي لا تخليه قدام الباب لانه ممكن يهد الباب ماشاء الله تبارك الله ذكي كثيييييييييير بس ناقصه شوي حظ بس شوي
الكوري هذا اللاعب صدقوني بتغنون فيه بعد فتره من الصفقات الي كل الناس بتغني فيها واصبروا ارتقاء ماشاء الله كويس حس تهديفي عالي عالي عالي عالي وشف هدف الاهللى وتعرف كيف يفكر يلعب على الاطراف ما عنده اي مشكله
سالم الدوسري مستقبل مهاجم كبير في المنتخب بس يبي له شويات بعد
المحياني مافيه اخوه في المنطقه بس مع خطه الهلال ما ننفع الحين الا بدال العربي بس
المدرب ما ادري يا اخوان احسه لحسه ما اقنعني لين الحين ما اشوف لعب الماني التحامات قويه ما اشوف تسديد من برى ال 18 ما اشوف تبادل مراكز ما اشوف اعتماد على المحاور في صناعه الالعاب احيانا اشوفها لياقه الهلال في الشوط الثاني ينام دايم
عموما كل التوفيق لخوي صاحب الموضوع والهلال |
الوضع العادي
