انا سمعت تصريح للامير عبدالرحمن بن مساعد برنامج الملعب اعتقد قبل شهر يقول عن العربي ؟؟
جانا عرض من فريق تركي يطلب العربي قبل يوم من اقفال الانتقالات ولو جانا هذا العرض بوقت كافي كان
بعناه للفريق التركي ..
الحين الفرصه سانحه امام الهلال في بوردو ومرسيليا والفريق التركي اتوقع يرتفع سعره حتى لو ما ارتفع الفريق التركي عارض على الهلال زيادة مليون يورو للشراء العربي ..
تعجبني عقلية رئيسنا انه راح يتخلى عن العربي مو بس للفائدة العربي لاعب ( عــــادي ) يضيع اكثر من
مايسجل والمصيبه تلاحظون دايم يلعب كرات غريبه ويمرر تمريرات خاطئة ؟؟
الهلال بأيدي امينه وبأذن الله واثق ان الهلال يبيع عقد العربي ويجيب لنا مهاجم افضل منه لو على سبيل الاعارة
الجميع يعلم ان الامير عبدالرحمن بن مساعد من استلم الزعيم غير الكثير ومايهمني اليوم الحديث عنه استثمار الاعبين ؟؟ شيء طيب انك تجيب لاعب مبدع ويقدم الشيء الكثير للفريقك وبالاخير تبيعه بفائده كبيرة هذا قمه الفكر الرياضي والاستثمار مثل ماصار مع رادوي نيفيز والحين العربي ؟؟
انا عندي اقتراح واتمنى يلقى القبول من المسؤولين على الزعيم ؟؟
مثل العربي جبناه اعتقد حوالي 9 مليون يورو وللحين ماقدم المستوى المطلوب واتوقع الهلال ماراح يخسر لان فيه اندية تبي العربي واتوقع اذا مااستفدنا منه ماراح نبيعه اقل من ماجبناه ..
ليه نتعاقد مع لاعب بهذا المبلغ الكبير
اقتراحي ؟؟
ليه مانجيب مثلا ( دروجبا ) على حسب ماعرفت انه طالب مبلغ كبير لاكن نجيبه عن طريق الاعارة
مثل موسم واحد بمليون يورو او 2 مليون يورو وكذالك نجيب وسط عالمي اعارة مليونين يورو لمده
موسم واحد اعتقد مايكلفون نص قيمه العربي ..
والمبلغ المتبقي نجيب كم لاعب محلي يسد كم خانه او اذا الهلال مو محتاج أي لاعب محلي نسد
العجز بالنادي ليه هذا البذخ بلاعب او لاعبين ونص الموسم الفريق يعاني ازمه مالية ؟؟
بكذا استفدنا حاجتين ؟؟
. جبنا لاعبين عالميين ومعروفه مستوياتهم
. والشي الثاني ما نرهق الخزينه الهلالية ويكون عندنا فائض من المال
يعني كارثه دخل الهلال من موبايلي يروح بهرماش والعربي
بعدين كاجماهير الهلال مانبي استثمار بالاعبين احاين تصيب واحيان تخيب نبي لاعب عالمي مميز لاكن
مايرهق الخزينه الهلالية بكذا استفدنا من الثنتين
ايمانا
الجميع لا يخفاء عليه مستوى ايمانا منذ قدومه للزعيم ومشاكلة المتكرر والمصيبه الاغلبية يقولون نبي نصبر عليه مثل ويلي ؟؟
فيه بعض الاعبين تصبر عليه مثل ويلي تحس الاعب عنده شيء يقدمه هنا اقول اصبروا عليه لاكن ايمانا مااعتقد عنده شيء يقدمه لاعب غير منضبط ومتغطرس ولياقة بدنيه تعبانه وفي كثير من المباريات متنرفز
وزد عليها ( صانع لعب ) ولا قدم أي شيء يذكر ..
بسوي مقارنه بينه وبين ويلي ؟؟
ويلي هداف وصانع لعب ويدافع ويهاجم بنفس الوقت ومغطي الجهه اليمنى بالكامل ولاعب منضبط المشكلة البعض صدق كلمة ( الجميع عرف لعبه ) عندكم مسي ورونالدو الجميع يعرف لعبهم بس مااحد يقدر يوقفهم
يمكن تقولون هذولا غير عندنا الفريدي والشلهوب والدوسري وكثير جميع الاندية تعرف لعبهم هذي اسطوانه روجها الحاسدين ..
الاختراق من العمق لعب عقيم ولا زمانه والعب من الاطراف هذي هي الكرة المتطورة
ويكفيك ويلي مع منتخب اوروبي قوي على عكس ايمانا مبعد من منتخب بلاده الفرق شاسع اتمنى نجيب
ويلي بالانتقالات الشتوية واذا انتهى الموسم نجيب لاعب افضل من ويلي وايمانا ..
العربي
اتمنى نبيعه للفرق الفرنسية او التركية لان على حسب ماسمعت راح يستفيد الهلال زياده مليون يورو او حتى لو مااستفاد الهلال جاب نفس القيمة اللي اندفعت فيه من وجهي نظري نبيعه .
والله لاعب عادي بطيء وراح يغيب 3 مبارايات بالدوري و4 في كأس ولي العهد ومستواه عادي ويضيع الكثير
من الفرص من وجهي نظري ماهو بهذا الفرق اللي بينه وبين ياسر وعيسى مافرق معنا
بيونغ سو
اذا الاعب بقي على دكة البدلاء من الافضل نجيب مدافع آسيوي مثل ساشا لان من الصعب ندخل بطولة آسيا ونعطي البدلاء فرصه بطولة صعبه الحين توماس يعتمد طريقة 4- 5 – 1
ماله داعي نضيع اجنبي وعندنا خلل بالدفاع اذا تبي تجلسه بالاحتياط فيه المحياني افضل واحسن
الموضوع هذا كتبته قبل مباراة النصر وتأخرت بأنزاله للظروف لاكن الحين بعد مباراة الفتح لاحظت حاجات
بالزعيم لازم ننبه عليها ؟؟
توماس دول
اعتقد يسير بطريق كالديرون مع افضالية كالديرون كانتائج حققنا معه بطولتين بدون خسارة
توماس اليوم اثبت انه مدرب فآآآآشل بعد مباراة الفتح ؟؟
مدرب يعتمد على الانضباط واللياقة فقط مع اهمال الجانب الفني وقراءة المباراة بشكل صحيح
اللي تابع مباراة اليوم امام الفتح ؟؟
يعرف ان توماس دول لا يجيد قراءة المباراة بعكس الجبالي مدرب قدير قراء المباراة مع انه ناقص
لاعب من الشوط الاول ..
اول شيء
بدا المباراة بتشكيلة غريبه مهاجم واحد تمنيت لو لعب الكوري مع العربي والاحتفاظ بالدوسري كورقة رابحه بالشوط الثاني مع ان الدوسري لعب 90 دقيقة ماقدم أي شيء
الشيء الثاني
النتيجة كانت 3 – 1 لنا وبفارق مريح تغيير غريب يوم طلع العربي المفروض ينزل الكوري بديل الدوسري
ويلعب بمهاجمين انت كذا اثبت انك مدرب جبآآن وخواف سحبت مهاجم ونزلت مهاجم ماسويت شيء .
والله كل مباراة اقول المدرب هذا محظوظ مع الهلال عنده نجوم كبار لو يلعبون بدون مدرب
بأستطاعتهم تحقيق أي بطولة
العربي قدم مستوى عادي صح سجل هدف لاكن يضيع كثير من الفرص وزد عليها يلعب على عماه دايم يمرر
الكرة أي كلام
كذالك ايمانا ( صانع لعب ) ماقدم أي شيء يذكر بأستثناء الهدف
هرماش
افضل الاعبين الاجانب بس لاحظتوا فيه شيء من مباراة الانصار
الاعب يتعمد اخذ الكرت الاصفر
مباراة الانصار يدخل بقوة والمصيبه يروح للاعبين ( ويتخانق ) معه وكذالك مباراة النصر كرت اصفر مجاني
ومباراة اليوم امام الفتح دخل بقوة على الاعب والحكم مشاها احمد ربك والمصيبة يتخانق مع الاعب يبي كرت
اصفر بالغصب ؟؟
وينك يا سامي الجابر تكفى ادب هرماش الغريب بالدوري الفرنسي قليل ماياخذ كرت اصفر
بالنسبة للغياب اسامه هوساوي ؟؟
اتمنى يكون بعد نهاية الموسم لاكن اذا كان بداية في شهر يناير اتمنى نجلب مدافع آسيوي بديل بيونغ سو
صعب نعتمد على لاعب محلي مثل خيرات مع المرشدي او مثل فلاته توه صعب نزج بهم ..
تمنيت مانتعاقد مع فلاته مع اني مااعرف مستواه لاكن انا قلتها اكثر من مره ( رضوان الموسى ) مستقبل
الدفاع الهلالي صح له اخطاء بس مع الوقت راح يكون المدافع الاول وتلاحظون شيء ؟؟
الأولمبي على طريق الفريق الأول اسامه هوساوي يغطي عيوب المرشدي
كذالك رضوان الموسى يغطي عيوب عبدالله الدوسري
مستغرب من ناس يشيدون بالدوسري مع الاولمبي المنتخب والهلال تنتهي المباراة واحنا مادرينا ان فيه لاعب
اسمه عبدالله الدوسري ..
بالأخير
نجيب مهاجم قناص مثل دروجبا يكفينا عن مهاجمين مثل العربي وبيونغ سو
يمقن 
فيه ناس تختلف ويمقن فيه ناس تتفق بالاخير اتمنى التوفيق للهلال بكل بطولة يدخلها بالتوفيق لزعيمنآآآ 
الوضع العادي
