مثل ما وقعتوا مع فواز فلاته وقعوا مع ظهير .. هوســاوي الله معك وقلوبنا معك .. المهاجم النووي :: اعارتهم مطلب لتطوير مستوياتهم
السلام عليكم ورحمة الله وبركاتهـ ..
~
معليش اليوم كلامي طويل جداً [ قصة ]
---
1- هوساوي هلالي مهما كان الامر ..
فهو الذي ترك جميع العروض المغرية واتى للهلال ليس حبا في المال فقد ترك عروض اقوى بل حبا في الكيان الهلالي واتمنى من الجماهير والادارة والنادي ان تمنحه الاشارة الكاملة للاحتراف فقد يرفع من سمعة الهلال و الكرة السعودية فهو يمتلك صفات المدافع الصلب والبديل سيكون متوفر وبمستوى اسامه وافضل بأذن الله
وانا متأمل خير في فواز فلاته
2- [ حسن الراهب ] المهاجم النووي ..
افضل مهاجم بديل في السعودية من وجهة نظري بالاضافة الى المحياني لاني ماشفت له مباراة يدخل فيها بديل الا ويخربط دفاعات الخصم وراح يجي الهلال وبيلاقي وسط قوي وراح يحصل انواع الكرات وصناعة الالعاب ..
حيث ان وسط الهلال سيجعل من الراهب هداف قوي خصوصاً ان الراهب مشاغب ولايهدأ له بال حتى يعمل شئ اتمنى من الادارة الهلالية تاخذه بنظام الاعارة لمدة 6 اشهر وان ادى مستوى يشترون عقده
3- اعـآرة لاخذ الفرصة الكافية للتعود على اجواء المباريات ..
[ حسن خيرات ] ..
لاعب مجهول في النادي .. ماله مكان في الاساسي ولا له مكان في الاولمبي وبديل غير ناجح اتمنى اعارته الى اي نادي سعودي صغير عشان ياخذ مكان اساسي ويتعود على المباريات والاجواء ويجي السنة الجاية ومستواه مرتفع شوي .. واعارته مطلب لتطوير مستواه خصوصا بعد التوقيع مع فواز فلاته واحتمال شراء عقد اللاعب عقيل بلغيث ..
4- سالم الدوسري [ مستقبل الوسط الهلالي ] ..
لاعب من طراز دي ماريـا .. اتمنى المحافظة عليه وان يجلس معه سامي الجابر ويقدم له النصائح حتى يحافظ على نفسه وعلى موهبتة
5- ولهامسون , ايمـآنا
قرات الكثير من المواضيع تتحدث عن اعارة ايمانا واسترجاع ولهامسون ..
انا مع اعارة ايمانا حيث انه ماقدم شئ يشفع له لدرجة ان بعض المباريات مالمس الكورة الا 15 مرة و يعتبر اقل واحد .. لدرجة ان حسن العتيبي كان اكثر منه في عدد اللمسات ..
اما بالنسبة لولهامسون لاعب مستهلك قدم الكثير للهلال وقدم كل اللي عنده ولن يقدم اكثر من اللي قدمه ولن يكون بالمستوى اللي كان فيه بالمواسم الماضية ..
ومن وجهة نظري اعارة ايمانا < رغم اني احببت هاللاعب ..
وجلب لاعب من فئة جيباروف , نيفيز وو الخ
ينشط الملعب .. يوزع كرات .. يلعب لمسات .. يسدد تسديدات .. يفتح للمهاجمين .. يربط بين جميع ارجاء الملعب .. وو الخ
6- يوسف العربي , يو بيونق سو
انا اعتبرهم [ سيـف ] ذو حدين ولكن حالياً ينقص السيف الحدة حيث انه لم يتم استغلالهم بالشكل المطلوب فتارة يلعب بيونق في الجناح و العربي صندوق والعكس
او احدهم في الاحتياط .. وهذا يفقد قوة الهجوم الهلال 50%
7- عآدل هرمـآش [ الونســو الهلال ]
لاعب غير عادي والكل شاهده في المباريات وكيف لمن رجع للهلال و الهلال مستواه متصاعد اتمنى له التوفيق وصدقوني لو يكون معه محترف في الوسط مثل جيباروف او نيفيز راح يكون الوسط ناااااااااار والهجوم نار ..
8- عقيل بلغيث .. فواز فلاته .. ماجد المرشدي .. رضوان الموسى
انا اشوف ان الدفاع الهلالي سيكون متوازن اذا تواجد اللاعبين اللي ذكرتهم بعد رحيل هوساوي
اللاعب عقيل بلغيث لاعب متطور و شاب و حماسي و دفاعه قوي و ان شاء الله اذا قدم للهلال راح يضيف الشئ الكثير للنادي وللدفاع الهلالي
فواز فلاته سيكون المدافع رقم 1 بالهلال واراهن على كلامي ..
ماجد المرشدي .. والله العظيم هاللاعب محيرني ففي غيابه نشوف الدفاع الهلالي مختبص ومحتاس وبوجوده نلاقي الدفاع متوازن ومرتب لكن لو يتجاوز بعض الاخطاء البدائية وبس
رضوان الموسى .. مدافع قوي البنية و مستقبل الدفاع الهلالي باذن الله
9- ياسر الشهراني
اتمنى من ادارة نادي الهلال انها تصرف النظر تماما عن ياسر الشهراني وتتركه بدل ماتدفع الادارة 18 مليون الافضل انها تدفع لاحد الكشافة 100 الف ريال ويجيب لنا ظهير ممتاز مثلما فعلت الادارة مع فواز فلاته ..
10- اتمنى من الجماهير الهلالية مراقبة [ بدر النخلي - ربيع سفياني - المقهوي ] ..
سيكونون الفارق في الفريق الفتحاوي يوم الجمعه
سؤال ع الطاير [ مــتى نشوف فواز فلاته ]
واسفين على الاطالة
الوضع العادي
