بعد مرور 10 جولات .. حان الوقت الحكم على اجانبنا ..
السلام عليكم ورحمة الله وبركاته
أبارك لكم الفوز على النصر <<< بدري
راح اتكلم عن اجانبنا .. ولا تحرمونا من آرائكم واقترحاتكم ..
أولا راح اتكلم عن عادل .. يقدم مستويات ممتازه مع الهلال .. مستواه مع مرور المباريات راح يتصاعد أكثر .. عادل يوم بعد يوم يثبت نفسه .. بس انا لاحظت عليه
انه من النوع الى يتنرفز بسرعه .. اتمنى انه يضبط اعصابه .. لأن مانبي كروت .. نبيه يلعب معنا كل المباريات .. والله يوفقه مع الهلال
ثانيا عن ايمانا .. بكل صراحه ياجمهور الزعيم .. استغرب من الجمهور الى يقول .. ليت ايمانا ماجا .. والى يقول مانبيه صرفوه بيناير .. وش ذا الكلام .. اول شئ انتم الى طالبتم بإيمانا .. ولما جاء ايمانا اعجبكم لعبه وقلتم راح يترك له بصمه في الهلال .. وبس عشان صارت سالفه بينه وبين المدرب .. قلتوه مانبيه
مايصلح هالكلام .. المدرب استبعده من المباراه .. وهاذا عقاب ايمانا ويستاهله .. ايمانا لاعب عنده خبره كافيه .. ومااتوقع هالتصرف بيطلع ثاني مره من ايمانا ..
يوسف العربي .. لاعب كبير وهداف .. حاليا سجل 6 اهداف مع الهلال .. مشكلة يوسف انه بطئ بالحركه .. ومرات يضيع فرص ماتتضيع .. وهو صرح وقال من الظلم انكم تحكمون علي الحين .. فإحنا راح نستنى ونشوف وش بيسوي في المباريات القادمه ..
يو بيونغ سو .. لاعب سريع ومهاري .. سجل هدف واحد مع الهلال .. يو كان يمر باصابه وتوه يرجع منه .. فلازم نعطيه فرصه عشان يثبت نفسه اكثر واكثر .. والله يوفق يو مع الزعيم
اشوف بعض الجماهير تطالب برجوع ويلهامسون للهلال .. ورحيل احد المهاجمين .. والبعض يقول رحيل ايمانا .. طبعا محد يختلف على نجومية ويلي .. ومحد ينسى كل الى قدمه للهلال .. فــ لو حضر ويلي للهلال .. راح تكون اضافه للهلال .. ولو ويلي ماجا للهلال .. الهلال بيكمل ولا راح يتغير فيه شئ ..
ختاما حبيت اقول شئ .. الهلال في هالمستوى ماراح يحقق اسيا .. انا مو قصدي اني احطم احد .. لكن فعلا هلالنا الى الان لم يصل لقمة مستواه .. اتمنى في قادم الايام .. ان مستوى الهلال يتغير للأفضل .. الهلال حاليا مستواه تصاعدي .. وان شاء الله قبل اسيا بيكون هلالنا في قمة مستواه ..