[ابو رمش9]

السلام عليكم ورحمة الله وبركاتة

اعظم الله اجركم في وفاة الامير سلطان بن عبدالعزيز الله يرحمة ويسكنة فسيح جناتة

حاب ادخل في الموضع بدون مقدمات

استغرب من بعض الجماهيرالي محملة المدرب نتيجة الشوط الثاني في مبارة القادسية ؟


وخاصة في تغيير الفريدي !!

شي طبيعي لاتقدمت بنتيجة تقفل وتلعب على الهجمات المرتدة والمدرب غير الفريدي

اضطراري باصابتة وادخل محور وش المشكلة هنا ؟

المدرب قفل بمحورين لاكن الجماعة الي ورى فاتحين شوارع وش دخل المدرب !!

لو تلاحظون كل الاهداف اخطاء دفاعية نامي والزوري وخيرات ولايهون العتيبي

صدقوني لو المدرب دخل لاعب وسط بدال الفريدي وصار الي صار قالو لية مادخل

محور ثاني وهو متقدم يحافظ على النتيجة !!

اتمنى مانرمي كل شي على المدرب وكانة هو المدافع والحارس في كل مبارة

المدرب لها اخطاءة ولاكن ليس كل شي ولابد نكون داعمين لة لاخر

سوال واتمنى احد يرد لي بجواب من ادارة او احد الجماهير الحاظرة لتدريب دائمنا

الزوري يتدرب مع المجموعة ؟

استغرب من لاعب يلعب بشعار الزعيم واساسي ولاعب دولي مايعرف يرفع اوفر !!

اكثر لاعب يتقدم الزوري وكل رفعاتة خطاء %100


تحياتي

[sssalehh]

مأحد حمل المدرب اي خطأ .......... الخطأ من لاعبينا وهي ثقافه ولا وش الانهيار الغريب
في الشوط الثاني يعني كان الفريدي شايلهم ؟؟؟ لا بس المجموعه كلها تتحمل الهبوط
والله يوفق في قادم الايام ولا نشوف مثل هذه المباريات للزعيم نبي فريق يدعس دعس

موفق اخوي .......

[الشلهوب -10-]

المباراة عدت بخيرها وشرها

والحمدالله اهم شي الـ 3 نقآط

بالتوفيق لـنـآ امآم الرآئد

[AHMED999]

كب نكسات الهلال بدفاع من الاعب حسن خيرات لاعب نكبة ... ومزعجنا بقصاته القزع ... والله ثم والله مدري كيف هذا يلعب كورة ولا بنادي الهلال ...

والله اسيا ماراح تجي فيه في الهلال لاعب مثلة ..

[ع ـبود الودعاني]

مآفي لاعب احتياطي يغطي مكان الفريدي وهذا ما لاحظته

[HiLaLy 4 EvA]

يارجال ترى مو اول مباراه يصير فينا كذى نسينا مباراتنا مع الفقر لما تقدمنا اربعه خلال ربع ساعه جابو ثلاث اهداف
مباراتنا مع الغرافه فزنا بذهاب ثلاث صفر بالاياب خسرنا 4:2 !!مع الاهلي كاس ولي العهد متقدمين 2:0 ثم عادول بشوط ثاني من بدايته !!
لاعبين كلهم في حال تقدم الهلال نتيجه كبيره يجيهم برود غير طبيعي
ان شاء الله المدرب يشوف لنا حل بهذي مشكله
اتفق معك نقطه الزوري
لاعب من بعد اصابه مستواه نازل بشكل كبير اتمنى اعطاء شافي فرصه

عوافي

[شــجــاع]

الخطأ ما كان في التبديل لكن الخطأ صار في التوظيف ..

مشكور

[azragaweiah4ever]

اخوي الخطا في عقلية الاعبين مو من المدرب وترى تغيراته كانت صح بستثناء ايمانا لانه يبي يحافظ ع النتيجه اكيد بيدخل محور ثاني ويسحب لاعب وسط مهاجم
وع عقلية الاعبين ان شاء الله المدرب يشوف لها حل
والف شكر ع الطرح


اتمنى الاداره تنتبه في المواضيع قبل الرفع عشان في مواضيع كثير متكرره

[مجنون الزززززعيم]

كلامك سلللليم \\\




سبحان الله بحمده سبحان الله العظيم



سبحان الله بحمده سبحان الله العظيم



سبحان الله بحمده سبحان الله العظيم

[ومازال للمجد بقية]

والله مشكلة اذا الاعبين ما أدوا ونحطها في راس المدرب

ولا هي اول مره يصير فينا كذا عد واغلط

[ابو سلطان اليامي]

بسم الله الرحمن الرحيم

من وجهة نظري المدرب لم يخطئ وان اخطأ

كلنا شاهدنا المباراة
انا بصراحة تابعتها من الدقيقة 24
تفاجأت صراحة من النتيجة
وتفائلت بالخير وخصوصا بعد ماتوجوا النتيجة بهدفين

وتفاجأت في الشوط الثاني من المستوى الاكثر من سيئ جدا
وتحليلي للشوط الثاني ان الخطأ من اللاعبين وخصوصا من المدافعين
اللي ما غطوا ولا جهة على حساب جهة اخرى
بالعكس فتحوها على الغارب من جميع النواحي (كل الطرق تؤدي الى المرمي)

فلا احد يلوم المدرب المدرب ممتاز واكثر من رائع


بالتوفيق سيد توماس دول
بالتوفيق لزعيم اسيا
بالتوفيق للجميع
وشكرا

[ROMA HAC]

يارجااال كل الي قالو خسرنا علشان الفريدي طلع صدقني ذولا مايفهمو بالكوره شي ومشجعي الاعب الواااحد فقط واكد اجزم نصهم ترك متابعتها يوم طلع اقصد يلي يحملون تبديله سبب النتيجه المدرب ما اخطاء لاحظ على الاعب الاصابه وبدله وبعدين يوم تحملو المدرب لانه بدل الفريدي مو مدافع يعني حتى لو كان موجود وش بيسوي يصدها بيده ولاتبون تطبلون علشان تحسسون ان للاعب قيمه وادفعو الملاين في واحد خانته مشبعه من النجوم الشبان والمنتمين للنادي حقه الي يستاهله بيجيه ومن وجهت نظري لاعب عاادي يبدع بالمباريات الصغيره ويختفي بالكبيره
الخطا واضح وضوح الشمس وبلا مكابره وعناد الخطا عقلايات وتفكير لاعبينا والاستهتار من خيرات والعتيبي مال الفريدي دخل ولا المدرب
يعطيك العافيه وتسلم يمناك

[MzaGei]

آن شاء الله هذي المبااراه تكون درس للاعبين الزعيم وينبهون لآخطائهم في الجولآت القآدمه

[بثينه الصاعدي]

إقتباس السلام عليكم ورحمة الله وبركاتة اعظم الله اجركم في وفاة الامير سلطان بن عبدالعزيز الله يرحمة ويسكنة فسيح جناتة

وعليكم السلام ورحمة الله وبركاته
اللهم امين
,,,,,,,,,,,,,,,,,
والله وانت صادق

إقتباس المدرب قفل بمحورين لاكن الجماعة الي ورى فاتحين شوارع وش دخل المدرب !!

عدت ع خير الحمد لله ونعوض ان شاء الله

[alwaly3749]

انا معك في الي تقول ,,

بس سوال المدرب حط اللوم كله على لاعبي الهلال طيب قبل العام والعام انواع الخمسات بدون تهاون من الاعبين

ليه قبل كانت عقليتهم احترافيه ومعك لا ,,


ياخي المدرب بختصار ليس مدرب ربما مدرب لياقة ,,