[9 مشتاق للذيب سامي 9]

السلام عليكم ...

أول شي مبروك الفوز بخماسية هلالية ...

للأسف الشوط الثاني جدا محبط , ولو أستمر الهلال بنفس مستواه بالشوط الأول
لكانت النتيجة 10 وفوق .. لكن نقول الحمد لله على كل حال

اللي أبغى أتكلم عنه اليوم هو الجماهير الحاضرة للملعب , للأسف فيه جماهير متخلفة
جدا يعني المطلوب من الجماهير انها تساند الفريق وتشجعه ..

مو تسب وتستهزئ و تتمسخر باللاعبين ..

هذي بعض المواقف :

واحد من المشجعين جزاه الله خير يبغى الجمهور يتفاعل , قال وبصوت عالي :

( هوساوي , هوساوي , هوساوي )
على اساس انه يبغى يساند اللاعب المميز اسامة هوساوي ..

يجي واحد من الجماهير المتخلفة ويقول له بصوت عالي :

( مع نفسك يا حبيبي مع نفسك , ههههاي )
!!!!! الحين بدال ما تقول معاه تجي تستهزئ وتسوي نفسك سخيف ؟ !!!!!

والا بالشوط الثاني بعد الهدف الرابع للقادسية , واحد من المتخلفين كل ما تجي هجمة للقادسية يقول :

( تكفى هدف تكفى برّد قلبي وخلي توماس دول يتعلم , أفااااا ليش ضيعتها ؟ الله يسامحك بس )

!!!! الحين بدال ما تدعي ان النتيجة تبقى على ماهي تقول كذا ؟ على الأقل اذا جت هجمة للقداسية قول ( هوووووه ) عشان المهاجم يفقد تركيزه شوي !!!!


ومواقف كثيييرة ما ابغى اذكرها ....

فاللي ابغاه يا احبابي يا جمهور الزعيم .. ياليت نساند الفريق بوقت الشدة أو الرخاء
مو نجي الملعب ونستهزئ ونتمسخر باللعيبة !

أخيرا هذا فديو من تصويري للقطة أوروبية خاصة بجماهير الهلال :

لقطة الفلاشات للجمهور الهلالي بمباراة القادسية - YouTupe

والله يسامح القناة الخشبية ما عرضتها !!!