السلام عليكم
صبحكم / مساكم الله بالخير يازعماء
اولا الحمدالله عالفوز بطعم الخساره
بصرحه ما ادري وش اقول وش اخلي بس ما اقول مثل ما قال المدرب للاسف هذي عقلية اللاعبين شفنا شوط اول خورافي واهداف بكل الطرق والاشكال وللاسف هذي عقلية لاعبي الهلال يضمن النتيجه ويبدا يلعب بكل برود واستهتار
عالعموم انا بقول وجهة نظري فلاعبي الهلال اليوم الي يتفق معي ولا الي يخالفني فاختلاف وجهات النظر لايفسد من الود قضيه وان اختلفنا بالاراء نتفق على حب الكيان الازرق
حسن العتيبي
لاعب عمره على ما اعتقد 36 واخبر انه اصغر من الدعيع بسنه وحده بس والله كنت اتمنى ان العام اخر عام له ويعتزل بصرحه من بداية الموسم وحنا نشوف اغلاط من حسن بدائيه والله مايسويها حراس فئة الاولمبي والشباب اليوم حسن ترا ولا كوره جت عالمرمى وردها والله قهر وظلم لخالد شراحيلي والله انه هو الي يستاهل يكون حارس العرين الازرق
عبدالله الزوري
من الموسم الي راح وهو نايم ومستوى من اسوأ الى اسوأ وبرود غير طبيعي اعتقد انه خلاص لازم ينركن بالاحتياط ويعطون شافي الفرصه الهدف الاول والثالث للقادسية كلها من جهته وارجعوا للهدفين وشوفو كيف
حسن خيرات
باختصار لاتعليق بس نلتمس له العذر من الموسم الي راح مالعب ولا مباراه واعتقد انه فاقد حساسية المبارايات
اسامه هوساي
يعتبر افضل السيئين واتمنى انه يراجع حساباته ويرجع اسامه 2009 _ 2010 ومع ذلك يعتبر افضل مدافع هلالي وثاني افضل مدافع بالسعوديه بعد اسامه المولد
محمد نامي
والله اني معجب فيك من الناحيه الهجوميه اما من الناحيه الدفاعيه فلا والله بس ما الومك لانه مو مركزك ومع ذلك تعتبر افضل من الزروي
عادل هرماش
والله انه من اول ما جا للهلال وانا متفائل فيه كثييير وراح يكون افضل من رادوي ماشالله ثاني مباراه له واول مباراه يلعب اساسي وشفتوا كيف توزيعه واستخلاصه للكورات وتمريراته ما شالله ومن وجه نظري افضل من لعب الشوط الثاني هو شفنا كيف يتقدم ويضغط ويصنع مره نشوفه فقوس منطقة الجزاء الهلالي يخلص كوره ولا بنص الملعب يوزع كوره وشفنا كيف يتقدم عشان يضغط على حاملي الكوره من لاعبي القادسيه ويرجع بسرعه يغطي انا والله اراهن عليه راح يكون افضل لاعب اجنبي فالمحور وراح تتاكدون من كلامي واوعدكم انه قبل نهاية الموسم او فنص الدور الثاني راح تطالبونه وتطالبون الاداره انه يكون كابتن الفريق لانه وبكل صراحه فكل ناي لعب معه ويشوفون قتاليته وروحه وانبظباطيته وفنه عطوه الكبتنيه ويكفي ان دومنيك مدرب المنتخب الفرنسي حاول يقنعه انه مايلعب لمنتخب المغرب وكان يبغاه يلعب للمنتخب الفرنسي بس رفض صدقوني كسبنا لاعب كبييييييير وراح تشوفون كيف راح يشيل الوسط الهلالي والفريق كله
محمد القرني
يوم لعب الشوط الثاني كان الفريق كله سيئ فما نقدر نحكم عليه لاهو ولا المرشدي
محمد الشلهوب
بصراحه لاتعليق والله اننا نحبك يامحمد ونحترم تاريخك بس خلاص محمد صار يلعب شوظ واحد بس اتمنى انه يكون احتياط لايمانا والفريدي والعابد او يكون اساسي ويلعب شوط واحد بس
عبدالعزيز الدوسري
شوط اول ممتاز بس بصراحه شوط ثاني ناااايم ولا كوره شفتك تضغط على لاعبين القادسيه ولا كوره بالشوط الثاني حسستنا ان عندك شي تقدمه بس نقول توك راجع من الاصابه ويبغالك شوية وقت
ايمانا
والله كنت خايف منه وكنت متوقع انه يكون اسوا اجنبي بالهلال بس بصراحه من مباراه الى مباراه وهو في تحسن وماشالله تحركات حلوه مهاره عاليه تسليم واستلام صح بس يعاب عليه انه مايبحث عن الكوره هو ينتظر الكوره تجيه واتمنى انه ينبته لهالشيئ ومانقدر نحكم عليكم ومن الظلم نحكم عليك من الحين
احمد الفريدي
والله انه مجنون وخورافي اتمنى من المدرب انه مايلعبه فالمحور والله بالمحور انه نص قوته وفائدته تورح الفريدي خلوه ورا المهاجمين وخصوصا اذا كان ورا مهاجمين اثنين وشوفوا كيف يبدع وشوفوا مباراه الاهلي لعب صانع العالب وقدامه الكوري والعربي وشفتوا كيف لعب اما اذا لعب بالمحور والله ما الومك اذا مالعبت زين بهالخانه
يوسف العربي
ما شالله اليوم مبدع تحركاته اليوم كلها صح وازعج المدافعين بتحركاته ومشالله عليه رجل قويه يعاب عليه انه اول ماتجيه الكوره يشوت وبس مع انه له فرصه ومساحه انه يتقدم اتمنى بس ينتبه لهالنقطه
توماس دول
اليوم والله الفريق كله لعب صح وتغيراتك كلها صح الفريدي للمعلوميه ترا طلع مصاب تغيره وهوساوي برضو يعني لا احد يلومه بالتغيرات انا متفائل فيك كثير والله يوفقك عندنا مشكله وحده وهي الدفاع الدفاع الدفاع لازم تشوف لنا حل فيه واتمنى انك تعتمد على شافي وسلطان الدوسري بالاظهره وخالد شراحيلي تعتقد انه خلاص جا وقته وجا وقت انه يكون الحارس الاول بالهلال
اليوم شفنا اهداف القادسيه اثنين جت من جهة الزوري وواحد جا بالحظ الي هو الثالث اما الرابع فلاتعلييييييق ياحسن خيرات ولا حسن العتيبي
جمهور الشرقيه بيض الله وجيهكم وماقصرتوا وهذي هو عوايدكم دايم
العابد والله اشتقنا لك والله يعينا على المنتخب من اولمبي الا اول الله يرجعك لهلالنا
اتمنى اشوف وجهات نظركم فكلامي واسف على الاطاله
الوضع العادي
