[غِريّد آلع ـيون]

السلام عليكم

قلتها من قبل مرار وتكرار

الهلال محتاج دفاع ثم دفاع ثم دفاع

والله ثم والله من شفت حسن خيرات والعتيبي والزوري

عرفت ان المباراه فيها شيء رغم تقدم الهلال بخماسيه

والله حتى أحد اخواني سالني قال لي خلاص النتيجه انتهت للهلال

قلت له هذا وجهي 3 مرات؟؟

والله ثم والله دام فيها الزوري وخيرات والعتيبي عارف ان النتيجه راح تنقلب

ايمانا عالواقف يلعب!!!! خير ان شاء الله فيك امساك والا وش فيك؟؟؟

هرماش<<<انت تلعب بالدوري السعودي ماهو بالدوري الهندي جالس تتفلسف علينا
مشكور على صناعه الاهداف لكن البلنتي وين عايش فيه انت!!

الشلهوب<<يرحم والديك كلم المدرب قله انا لاعب وسط وصانع العاب ماني جناح وماني محور اذا ماعندك لسان نعطيك ونسلفك ترى!!

الفريدي<<<نفسي اعرف ليش غيره المدرب؟؟؟؟؟ منذ خروجه اختلفت المباراه

هوساوي<<<رجعت مثل ماكنت بالوحده شوارع في شوارع اقول راجع نفسك بس
الحاج خلاك مثل اللعبه

نامي<<<الظاهر المدح اللي فيك كبرك شوي!!

الزوري<<<اقسم بالله للحين ماني هاضمك يااخي هذه كره ماهي تنس ارضي جالس تتفلسف رح شف لك نادي ثاني يرحم والديك

يوسف العربي<<<مشكور على الاهداف وكثر الله خيرك بس ناقصك اشياء كثيره

الدوسري<<< غير هدفك مافيه شيء اما الباقي خلك بالدكه ابرك بس

العتيبي<<< الظاهر ناوي نرجعك بالدكه ونخليك تصبر صبر ايوب مره ثانيه
والا اقولك خلك عند الحلال مع ابوك ابرك ونرجع شراحيلي احسن

القرني<<< ياريتك مادخلت بس

من باقي بعد امممممممممممممممم

المرشدي<<<ماتنلام في هذي المباراه

حسن خيرات<<<من شفت قصه شعرك وانا غاسل يدي منك
الحاج بوقاس مدري بوقيس والله ان خلاك مثل العجين

نقاط مهمه:

-الشلهوب لابد ان تكلم المدرب عن مركزك.
-العتيبي لابد انك تروح تجلس عند الحلال تراجع نفسك
-هوساوي خروجك نتيجه الحاج بوقاس مدري بوقيس اللي خلاك خاتم بيده
-ايمانا مدري وش مركزه بالضبط مهاجم والا لاعب وسط!!
-العربي بيض الله وجهك بس فيه كرات سهله واهداف
-الدوسري الحين زمن من يسجل مو زمن المهارات خلها على جنب
-خيرات يبي لك شغل كثير
-الزوري والله لو تصير هداف الدوري<<وهذا بالاحلام طبعا...
ماراح اهضمك ولا راح ارتاح الا لما اشوفك بالدكه
-نامي جهتك صارت شوارع من ياسر وربعه
-هرماش ياريتك ماسددت البلنتي وياريت تلعب زي الناس ابرك
-توماس دول لاتنسى ان المباراه 90 دقيقه ماهي 45 دقيقه
ليش تسحب الفريدي المفروض تزيد الغله وبعدين طلعه

بوفيصل: يبي لك تعطي كل لاعب كلمه بالصميم على مابر منهم بالمباراه

اخ ياسامي العثرات لو واعوذ بالله من قوله لو كان اللاعبين الحين عرفو وحسو بالمباراه

مبروك الثلاث نقاط

ولكن مثل ماقلت بمباراه الفيصلي:

الدفاع + المحور الدفاعي<<<<<<<<<<< ضياع في ضياع في ضياع

العتيبي اتمنى من المدرب مايلعبك

توماس:
وين مبارك البيشي
وين المحياني
وين اللاعب اللي حط هاتريك عالحماده
وين سلمان الفرج<<<ابرك من الزوري بمليون مررررررررره
وين حسام<<<ابرك من القرني والدوسري

الهلال<< فلتوا من الفيصلي ومن القادسيه ترى الجاي اصعب

والله راح تشوفون هالخماسيات تنقلب عليكم

والحين الجماهير بتتفرغ للتواقيع ولليوتيوب

من اجل وضع خماسيارت الهلال على الانديه

اتمنى من الجماهير توجيه الانتقاد