[مشكلني حبك يانواف]

السلام عليكم ,,

ما ابي مقدمات ولا ابي شي ,,

إلى متى وقناه الرياضيه تستفز جمهور الهلال وتحاول إخفاء جماهيره الغفيره في الملاعب ؟؟؟؟؟

اليوم مباراه الفيصلي وا لله كن المباراه مافيه مدرج جماهير ,,
حتى هدف الشلهوب جاب على الجمهور من زاويه مشطوفه وكانت الكاميرا منسدحه بعد شكل المصور مبيت النيه ,,
بس حلوه اول مره اشوف مصور سادح الكاميرا .

ماجاب الا على الجمهور لقطتين او ثلاث وكلها مقربها مره ماطلع فيها الا عشرين رجال ياويلك من الله يا اللي تصور , ,,

الملعب مليان يا جماعه الخير والناس هذي جالسه تخفي معالم جماهيرنا ليش ولحساب من ؟؟؟

مسؤولين الهلال وينهم عن هذا الإستقصاد الواضح في إخفاء جماهير وشعبيه الهلال في الملاعب !

لا تطالبون احد بالحضور دام مسلسل المهزله هذا حاصل في قنواتنا الرياضيه خلو الناس في بيوتها يحضر ولا مايحضر كله واحد فيه ناس ماراح تعرض الجمهور


المباراه جمالها في الجماهير والناس هذي جالسه تلعب لحساب ميولها والله حاجه تقهر !

واذا جاب الصوره علىجمهور الهلال قررررب الزوووم مايطلع الا عشرين رجال !!!
وين رجال الهلال عن هذا التعصب وهذي المهزله في الإخراج المستقصد على جماهير الهلال ؟

انتهى شوط الهلال الأول وانا متنرفز من هذا الإخراج اللي ما هو الا مسلسل المهزله لمباريات سابقه اخفو معالم جماهيرنا فيها وبالصدفه حطيت على مباراه الفقر واذا هدف الاول يأتي والكاميرا تمشي من اول المدرج لين آخره ,,

حتى في مباراتنا مع الأهلي كانت الواجهه مليانه ومع ذلك يركز على الألتراس الهلالي والأهلاوي وكأنه يقول هذا الجماهير متساويه ,,
حتى التراس الهلال والحركات الحلوه اللي سووها ماجابوها ,,

ومباريات كثيره مانشوفها الا بتصوير بعض الأعضاء الحاضرين مثل حركه الموج في مباراه الاتفاق الموسم الماضي 3/2 للهلال , وغيرها وغيرها وغيرها ,,




والله ماهمتني المباراه ولا همني الفوز كل اللي هامني جماهير الهلال اللي حقها يضيع بسبب مخرج ومصورين متعصبين ,

اذا انا ما عندي سالفه اقولكم ركزو في المباريات الجايه وبتشوفون ,

والله الحركه واضحه يا جماعه حرام اللي قاعد يصير استفزاز عيني عينك ,

ياجماعه خوفو ربكم هذا عملكم امانه في ارقابكم ,,

ما اقول الا حسبنا الله ونعم الوكيل على كل من يخون امانته على حساب ميوله وتعصبه ,,