ياخي انت اكبر منا لاتمشي معنا .... العاطفه الى أين .!! ... عرض ولا بالاحلام (هديه مجانيه , تسلم من الكافتيريا ؟؟)
السلام عليكم ورحمة الله وبركاته
مسائكم / صباحكم ,, ورد يا اطلق وافضل جمهور
كلنا سمعنا عن موضوع توماس دول واللي اطلق عليه نكتة الموسم
خلوا مدرب الهلال يطلع ولا ترا مانكمل المباراه ,!!!
قلها صريحه طيب انت اكبر من مستوانا ولا نبيك تشوف فضايحنا
دامك منت واثق من قدرات فريقك ليه سمحت للجمهور يحضر للمباراه
وش معنى توماس دول بالذات اللي نقلت همه وصرت تعيش داخل حلقه الى درجة انك عزمت على انك ماتكمل المباراه وهو موجود ؟
عموما ماهي قضيه والمباراه هي الفيصل يالفيصيلي ,,, وراح يكون رد توماس بالملعب ماهو بالحجج والتبريرات اللي مالها اي سنع
................
العاطفه
هذي بالذات راح تذبحنا كجمهور
كلنا نعرف ان جمهور الهلال هو الجمهور الاول والرقم واحد بالمملكه بل بـ اسيا
جمهور واعي مثقف مايهمه صغيره او كبيره
ومثل هالامور ان ناظرنا فيها نعلق فقط فقط فقط ... ونتركها للقله الحاقده على الهلال من صحافه ومن ناس تحاول تسوي شي من لاشي
ولا ننجرف وراها وتصير همنا الاول والاخير ويقلب المنتدى كله عن حدث معين بالعكس نبين للكل وهم يعرفون .. بأننا مانلتفت ورا .. ونظرتنا قدام مثل ماهو مركزنا قدام
............
(
هديه مجانيه , تسلم من الكافتيريا ؟؟)
سمعنا عن تحفيز الجمهور للحضور مباريات الفريق
وكان التحفيز ( سياره , اشتراكات ارقى الصالات الرياضيه ,, وغيرها )
اما تحفيز الجمهور بوجبه ... لاتعليق
وعلى فكره الوجبه ناقصه بطاطس
.....................
استودعكم الله
الوضع الشجري
