[أبو المعاريف]

في البداية نبارك للشعب الهلالي العظيم الفوز المستحق على التماسيح
تمنيت الهدف الخامس يجي واخسر عليه فلوس بعد
والحمد لله الأربعة فيها خير وبركة

الهلال قدم مستوى جيد وسيطر على المباراة وتسيد الملعب ولعب وامتع وسجل
بس اللي حبيت اوضحه من هالموضوع ،،

خلال متابعتي لمواضيع الأعضاء يتحسرون انه اللاعب الفلاني يكون احتياط

مثلاً يقول لك القرني والفرج والحارثي وهرماش كلهم مبدعين حرام مثلاً الفرج يكون احتياط حرام القرني يكون احتياط حرام الحارثي حرام هرماش لازم نجيب بديل في المركز الفلاني بدل هرماش ،،

اقول لهذا الجمهور حرام عليكم انتم ،،
بالعكس هذي ميزة ولازم نشوفها في كل المراكز ،،
انه يتنافس اكثر من لاعب مبدع على نفس المركز ،،

نفس الكلام طلع في خط الوسط والمقارنات بين الدوسري والعابد الفريدي وايمانا والشلهوب وغيرهم من النجوم ،،

في الهجوم ليش يلعب العربي والكوري مثلاً احتياط حرام ،،
المحياني مظلوم ما اخذ فرصته ،،

هالشي يا جماعة الخير ايجابي ويبشر بالخير والبطولات طويلة ونحتاج للجميع ،،
بدون استثناء وكلهم نجومنا وكلهم نحبهم ،،
وكلهم يمتعونا ،،

يا ليت ما نحابي نجم على آخر ونترك القرار للمدرب ،،

وكم اتمنى يكون في تنافس في خط الدفاع ،،
ونشوف من شباب الهلال من ينافس اسامة والمرشدي ونامي والزوري ،،

صدقوني هذا اللي يحتاجة الهلال ،،


ولا تقولون حرام يجلس على الدكة ،،

نبي الجمهور يقول للاعب قدم مستوى اكبر وابذل جهد اكبر عشان نشوفك اساسي ،،

لازم ما نحسس اللاعب ان اللي قدمه كل شي ،،

بل نطلب منه بذل المزيد من الجهد ،،

طموحنا أكبر من فوز و 3 نقاط ،،

طموحنا اكبر من دوري وكأس ،،

طموحنا اكبر من آسيا وقارة تزعمناها 6 سنوات ،،

طموحنا كاس العالم ،،

يطبع على الفانيلة الهلالية لسنوات ،،

لا تقولون مستحيل ،،

بالعمل الجاد وتشجيع الجمهور للكيان فقط فقط فقط ،،

راح يوصل الهلال لما هو أبعد ،،

يا ليت ما نكون جمهور النجم الفلاني والنجم العلاني ونشجع الفريق ككتلة واحدة ،،
ونساند الأساسي ونشجع الإحتياط انه يرتقي بمستواه كي يلعب أساسي



وألف مبروك الفوز والله يديم علينا المسرات ،،

ومن فوز إلى الفوز ،،

ولا تنسون بالشكر تدوم النعم ،،

اشكروا الله على هذا الفوز ،،



تحياتي
ابو المعاريف