[اسير الورد]

ما ضاع جهدٍ يرتكي له على رجال ** ولا خاب ظن اللي يحب الزعامه
دامك هلالي و عشقك الأول هلال ** لك الفخر كله و انسى الملامه
والله ما ظقنا و لا ينشعل بال ** على الهلال و نفتخر في هيامه
حنا عشقنا ولا عشقنا من هبال ** هذا العقل و هلالنا هو الفهامه
ياللي لك الإنجاز بعزك اختال ** فوق النجوم و لا يهمك كلامه
هذاك اللي لا حكى ماله جدال ** البوم ما صوت إلا لهدامه
والله ما مثلك و لا لغيرك انقال ** انت الفخر للمجد في كل عامه
انت الهلال و لا ذكرناك يا هلال ** انت زعيم القرن و هذي الزعامه

إقتباس القصيدة السابقه لأخي سعود بن محمد العبدالله الفيصل لها سنه عندي و حرام ما تظهر حبيت احطها لكم

منقولة من تويتر الامير محمد بن خالد