السلام عليكم جميعا يا اخواني الهلاليين
وياكم الفلاسي من أبوظبي - دولة الامارات العربية المتحده
يشرفني الانضمام لمنتدى الزعيم الاسيوي بلامنازع
مع اني عاتب على ادارة المنتدى "وايد طول تفعيل حسابي، فوق الثلاث شهور"
بس كل شي يهون من اجل الهلال
عندي موقف حدث لي في البطولة الاسيوية الموسم الماضي
شي يحزن
بس في نفس الوقت يبين كم هو عظيم هذا الهلال
التقيت بالكابتن سامي الجابر قبل مباراة الهلال والجزيره في الموسم الماضي وسألته عن سر جماهيريه نادي النصر
وقلت له ياكبتن سامي النصر صار لهم ستين سنة مافازو ببطولة مازحا
قال لي بطريقة حلوة ومؤدبه
لا من قال النصر نادي كبير وله بطولات وله جماهير كبيرة "شوفو الادب واحترام الخصم"
خلصت من كلامي وياه.....وشكرته ومشيت
وقت مباراة الجزيرة والهلال
شفت منظر استفزني
حصلت كذا واحد من جماهير النصر باعلامهم وفنايلهم الصفرا
قاعدين بين جماهير الجزيرة
يشجعون نادي الجزيره ضد النصر
رحت للكبتن سامي الجابر قلت له معقولة هالحركة
قال ماعليك هم احرار يشجعون اللي يريدون
شوفو قمة الادب
والله كبر في عيني سامي الجابر صراحة...
وفي نفس الوقت احتقرت هالاشكال من جماهير نادي النصر ...
وايضا ايقنت كل اليقين بأنني عشقت النادي اللي يستاهل ان الواحد يتابعه ويشجعه
وتقبلو تحياتي / الفلاسي
وشكرا
الوضع الشجري
