ترى عندنا فوتشوب زيكم هههههههه , " صور " ايمانا يبي شكشوكــه ( مواضيع مدموجة ) - نادي الهلال السعودي - شبكة الزعيم

هلالية العشق · #1 16/09/2011, 02:17 AM

سم الله الرحمن الرحيم
اول شي حاسه فيكم ياجمهور الهلال وانا اعظم منكم قهر على المستوى الي شفناه بس هي كلها امور فنية وبتحل بااذن الله ندخل في موضوعنا الاهم وهي الصورة الي انتشرت في النت وقالوا عنها البعض ان لم يوقف الاعب ايمانا فشباب المملكة وبناتهم في خطر

واحتمال كبير بعد نسبة الجرائم تنتشر من ورا هالصورة وورا هالاعب الي جابه الهلال

هذي الاصل منها ومعروف ان الصورة اقدر العب فيها بالطريقه الي ابي على العموم الصغار الي طلعت اصواتهم بعد هزيمة الهلال ماراح يصدقون مهما سوينا وجبنا اثباتات لانكم عارفين الهلال قد ايش اوجعهم وقد ايش راح يكون صراخهم على قد الالم الي جاهم من الهلال
الي ابي اوصل له ياابو فيصل يااميرنا وتاج روؤسنا انت
والله اعرف ان الاخلاق حلوة والطيبه حلوة والذوق يمدحونه بعد
لكن عندك وسط الرياضي مقرف ممكن تبعد الاخلاق والذوق لانه ماينفع معهم وانت اعلم مني بمدى تعصب وسطنا الرياضي راح اقولك السيناريو الي بيصير او اقولك ليش

راجع وش صار مع رادوي وراح تلقاه كله موجود في خلال الاسبوع الجاي
ارجوك يااميرنا جمهور الهلال يبي يشوف رئيس يعرف وشلون يسكتهم ندري احنا مو عادتنا نرد بوسائل الاعلام وتعودنا على الرد من خلال الملعب لكن المعاملة بالمثل عدل ابو فيصل نبيك تدافع عن لعيبتنا راح تقول كيف ادافع ماراح اقول انزل لمستوى تفكيرهم لاوحاشاك ياسمو الامير
لكن انا قلت لك دافع وبترك حرية التصرف والقرار لك لاني اعرف رئيسي قد ايش يمتلك من العقل والذكاء والحكمة الي تخيلني متطمنة انك بتاخذ حقنا
في نقطة اخيره احب اقولها
الا وش اخبار اعلامنا الهلالي لي فترة مااسمع عنه شي ؟؟؟؟؟؟؟؟

ان اخطئت فمن نفسي والشيطان وان اصبت فمن الله سبحانه وتعالى

@هلالي مرعب@ · #2 16/09/2011, 02:28 AM

السلام عليكم ورحمة الله وبركاته,,,

اولاً: هاردلك يا زعماء على الخسارة قدر الله وما شاء فعل الله

ثانياً: الموضوع واضح اتكلم عن ايمانا يقولون انه فعل حركة لا اخلاقية وركبو عليه صورة مفبركة
انتهى بعض الصحفيين العنصريين من رادوي وبدأو يبحثون لقمة عيش من ايمانا

لله درك يازعيم كم انت كبير
ما اقول الا حسبنا الله ونعم الوكيل

ملاحظة: جمهور الهلال احظرو وازرو ليعود الهلال كما كان والله العناصر قوية لاكن المدرب ما يعرف كيف يوظفهم لاكن ان شاء الله يعودنا كما كان.
وشـــكـــراً,

mr.almonther · #3 16/09/2011, 02:47 AM

بسم الله الرحمن الرحيم

الكل شاف فبركة جماهير النصر لصورة ايمينا و جعلها صورة لا اخلاقية

لا و طالبوا بشطب اللاعب بعـد !!

هالصـورة اكبر دليل على ان صورتهم مفبررركـة ..

ترى عندنا فوتوشوب زيكم

طارق عيون14 · #4 16/09/2011, 02:53 AM

بسم الله الرحمن الرحيـــم

هاردلك الخساره يا زعماء لا اود التعليق على مجريات المباراة .. الفريق يعاني من النقص و بداية موسم و معسكر سيء يجب علينا مساندة الفريق الان و عدم التخلي عنــه مهما كانت الاسباب .. لان المشجع الهلالي الواعي يجب ان يكون مع فريقه " ع الحلوه و المُره " و انتم رجال و جمهور واعي وعودتونــا على وقفاتكم مع الهلال و لاعبيـه

’

ترى عندنا فوتشوب زيكم

!

صراحه استغربت من بعض جمهور النادي الجار بعد طرد ايمانا وصلتني رساله من احد اصدقائي يقول " وش حركة ايمانا الوسخه ننتظر ايقافه "

رجعت البيت شفت الصورة .. حسيت ان الجار لهم يد بالموضوع ف لازم نرد عليهم بصورتيــن تجبرهم ع السكوت

صورتين مع التحيــه

ايمانا يبي شكشوكــه

اترك لكم التعليــق

faisal الهلالي · #5 16/09/2011, 02:54 AM

لو ايمانا فعلا سوى الحركه .. فهي مصيبه ويجب شطبه ..
ولو ماسواها .. فالمصيبه اعظم !! هذا تزوير وكذب على شخص بريء .. الله ينتقم ..

الصوره مو انا مصممها بس لقيتها ..

راقــي بأخــلاقي · #6 16/09/2011, 03:00 AM

لاتعليق

راقــي بأخــلاقي · #7 16/09/2011, 03:02 AM

ارجو الرفع ، لكي يعرفو الحقيقه

الامـــيرال · #8 16/09/2011, 03:12 AM

بسم الله الرحمن الرحيم

كعآدت اولئك المرضى الذين يكذبون ومن ثم يصدقون كذبتهم

انتشرت صوره مفبركه عن ايمانا لاعب الهلال

حبيت انقل لكم اكثر من صوره تبين حقيقة مآحدث

هنآ الدليل القآطع على برائة ايمانا

@هلالي مرعب@ · #9 16/09/2011, 03:18 AM

للرفع
للرفع
للرفع
للرفع
للرفع

زعيميه · #10 16/09/2011, 03:20 AM

مساكم الله باالخير ياالزعماء والزعيميات...
هاردلك الخساره لسى بدري لاعبين مصابين وجدد وشباب..الحمد لله على كل حال..معاك يازعيم باالحلوه والمره وعلى فكره مافيه فريق مايخسر ثلاث مواسم والشباب راح يكون له بصمه قويه فريق جاهز...المهم انتشرت صوره لايمانا وانا اقووول بدينا خلصنا من رادوي وجينا على ايمانا..الله يكفينا شرهم..

..بس للعلم لجنة الانظباط ما تاخذ باالصور يعني هاردلك راحت عليكم.لوووول..

وفيه ايضا احد المشجعين الهلاليين بفبركه صورة ايمانا وقال حنا عندنا فوتوشوب مثلكم ههههه

هذي الصوره الحقيقيه..

وهذي اللي سواها المشجع

الشرهه على الاعلاميين اللي صدقو وقالو عيب مثل بتال القوس وعبد العزيز البكر هو اللي ضحكني شوفو وش يقول
((
لجنة الانضباط يجب أن يكون لها وقفه مع تصرف إيمانا بعد الطرد بتصرفه اللاأخلاقي . مثلما تحدثا العام عن دعس حسين عبدالغني وكوع سعود كريري .))الحين من جاب طاري كريري تأكد اول...انت وراك جماهير تتابعك مو على طوول انضباط وعيب المشكله اعلامنا متعصب قبل الجماهير والتعصب معميهم..بس اشوفه كأنه اقتنع ان الصوره مفبركه

...الله يوفق الهلال فوق كل ارض وتحت كل سماء
حسبنا الله ونعم الوكيل..حسبنا الله ونعم الوكيل...والله عيب والله عيب وش بيقولون كل اللاعبين مو بس ايمانا..وصلت لتغيير الصور,,لاحول ولاقوة الا باالله..

واتمنى ان لاننجرف ورى من يحاولون ان يخدعو العالم فاالزعيم اكبير بكثيييييييييير...