ماذا يريد جلاااال ؟؟؟ سامي زاد الطين بله ؟؟؟؟ والهلال الى الهاويه وانت ياسيدي بموقف المتفرج !!!!
من وين ابتدي من اخر شي والا من الاول محتار لكن خلني ابدأ من الغصه الي بالبلعووم وبعدهااا انزل للي قطع شراييني ....
الحكم خليل جلال الذي وقف ضد كل ماهو هلالي بعين قوويه ولدرجة انه يحكم بميووله ونسى الحديث الشريف :
اية المنافق ثلاث : اذا حدث كذب واذا اؤتمن خان واذا وعد اخلف
هذي امانه ياخليل بلنتي الاول امام عينك لاعب يضرب الكره بيده وتمشي مع انك قريب نقوول يد ثابته ومشي لكن عمر الغامدي يدخل بقوه على رجل العربي ودفع باليد لظهر العربي وسقوط وبلنتي وااضح ثاني وتمشي ؟؟
ماذا لو كانت الكوره خارج منطقة الجزاااء هل يحتسب فااول ؟؟ وياليتها كانت لصالح الشباب لحتسبها دون تردد
كونه اهلاووي الميوول والكل يعرف من اخرج الاهلي من منافسات كثيره وموقف سامي من خليل جلال في مباراة النصر بحد ذاته بيخلي هالحكم يأخذ صفه من صفات الحديث الشريف المذكور اعلااااه
نجي لايمانا والاستهداف الواضح من الحكم ؟؟؟ بدون مبرر لانه نجم الصفقات لهذا الموسم لانه في الهلال يحارب زيه زي رادووي بالاول ...
ياحكم دوورك انك تهدي اللاعبين مو تشحنهم وتنرفزهم والنوايا وااضحه من الفاول الاول وهو ناوي يطلع الكرت الاحمر بس المرشدي تدخل وانها الحاله الغريبه الي كان فيها الحكم المشحوون ؟؟
مدري هي الغيره هي الحسد الله اعلم مايدوور في خلد هذا الحكم ....
ادارة الهلال المفترض لنا مواقف مع هالحكم سابقه لكم حق طلب حكام اجانب بأرضنا المباراه اقل شي غيرووه حتى لو حكم اخر سعودي غير جلال المهم ... لاااااااااااتعليق اساسا الاداره سبااات عميق zzzzzz
سامي الجااابر ؟؟؟؟ اااااااااااااااااه ياسااامي انت مو بس زدت الطين بله انت ذبحتنا من الوريد للوريد
ياسر للعين ,, عزيز للشباب ,, من باااقي ؟؟؟؟؟؟
القرني معاقب ... الحارثي اساسي ومازلت تصر عليه وتراهن بعد ؟؟؟ ياخي ارحم عقوولنا يكفي الي صار للحين مقلب احمد علي وكالديرون ماعديناه ... ركز تكفى ترا مابقى فينا عرق ينبض ....
سامي احترمك كلاعب ونجم واسطوورة اسيا وليس الهلال فقط , ولكن كلنا خطائون وخيرنا من يصحح الخطأ ...
ياسامي هناك الاهم والمهم :
الاهم هو نقاط المباريات بكامل جاهزيتك وكامل لاعبينك
المهم انك تعاقب لاعب لانه اخطأ خطأ معين
يعني ما ارمي له هو القرني وذمتي هذي مباراته ومن المفترض انه لعب اساسي بدال الحارثي الي ماعنده مميزات اللاعب الفذ يبيله لسا المشوار طويل قدامه لاعب صغير قصير القامه بطيء مرتبك ...
لماذا نطبق العقووبه على لاعب مهم وعندنا عجز في خانته ياخي الحسم من المرتب وغيره من الامور كان اجدى من انك تخسرني ثلاث نقاط في بداية المشوار ..
هل كان الحارثي مغطي خانته صح ؟؟ اكيد لاا لان لايوجد مساند لنامي وكل الاهداف جت من الباك اليمين للهلال بسبب عدم المسانده مما اضطر خروج هوساوي وخسارت خانته والمحووور الحارثي مدري وين كان يغطي ؟؟؟ الله يرحمك يارادوووي كنت مريح الدفاع ومرعب الفرق ... انا انتقد عشان يطور مستواه وعشان نترك بعض القناعات الي انهكتناااااا ..
الشي الثاني والمهم توماس دوول يستحق ان يأخذ فرصته كامله لاعتب ولا ملامه عليه ولكن هنااااك موضوع يؤرقني ... هل انت ياسامي موجود بدنيا فقط وجديد على الهلال .. وين فطنة سامي ودهائه وتركيز سامي ورائحة الانتصارات في خلطاته السحريه في الملاعب ..
1-ليش العابد يمنح اجازه وبعد العووده لم يتم ضمه وهناك مباريات مهمه لنا ؟؟؟
2-وليه الزوري يلعب وهو مو جاهز ؟؟؟
3-وليه الاسطوره الحارثي ماعنده تعليمات بمساندة ناامي ؟؟؟ واذا كانت عنده تعليمات بذلك فالمصيبه اعظم؟؟
ياسامي لاتلطخ تاريخك فأنت مازلت وسوف تبقى الاسطورة الاول لنا كهلاليين في خانت الهجووم ولديك حس المدرب الناجح بأذن الله ... ولكن عتبي عليك اذا كان صاحبنا دوول مايعرف الفريق انت موجود وفيك الخير والبركه ومن المفترض انك وضعت التشكيله المناسبه لكل مباراة واقنعت المدرب بهاا ...
على سبيل المثال مباراة هجرياسامي من المفترض انك تنور المدرب وتعلمه ان هذا فريق جديد وتوه صاعد وماكان التحفظ له داعي مع فريق بمستوى هجر مع احترامي له لعبنا بأثنين محاور دووون الحاجة لذلك والزوري كان سيء جدا من ايام المنتخب ومع ذلك لعب وفوق هذا تم تغييره وتحسن الاداء بسبب نزول لاعبين جاهزين ...
كذلك مباراة اليوم لم يكن الزوري بيومه ولم نرا انطلاقاته المعروفه وخطوورته ؟؟؟ مالسبب ؟؟ عدم جاهزيته او هناك اسباب اخرى ..
كذلك العب بمحور جديد وصغير وضعيف جدا لمثل هذه المباريات لاينفع يضرنا ياكابتن ياليت القرني لعب على عذاريبه كان بعد توفيق الله هناك كلام اخر ؟؟؟
لو كان الامر بيدي لوضعت هذه التشكيله :
العتيبي
البيشي/شافي/الزوري ,,,المرشدي,,,, هوساوي,,,,, نامي
الغنام/ الفرج ,,,,,,,,,,,,,القرني /هرماش
الشلهوب/ العابد,,,,,,,,, ايمانا,,,,,,,,,,,,,,, الفريدي
العربي/الكوري يوو/ المحياني
*طبعا اللاعب الجاهز هو الي يشارك وفي المباريات المهمه لابد من اشراك حتى اللاعبين المعاقبين لان المصلحة النهائيه هي للهلال وبعدها تستأنف العقووبه ...
كلمة لسمو الامير عبدالرحمن بن مساعد لاتقف موقف المتفرج ولابد ان تضع النقاط على الحروف وتكون لك بصمة ولاترخي الحبل كثيرا لان الهلال وبكل بساطة الى الهاوية اذا استمر على هذا النهج وسوف نخسر نجومنا بسبب قناعات شخصيه تمس بالمصلحه العامه للهلال ... ياسيدي انا من عينة الجماهير البسيطه والفقيره الى الله هل يعقل ان اكون مطلع اكثر من سموكم ومن الجهاز الفني على الهلال واعرف مالاتعرفونه ؟؟؟
هل الجماهير هي من تفهم كووره والمدرب ومساعديه مايفهمون ؟؟ او هي قناعات وسياسات شخصيه!!!
ايمانا مالقى لاعب فاهمه مدرب لايقرأ المباراة جيدا ؟؟؟ ويشرك لاعبين غير مقتنع فيهم ويخرجهم بمبارتين متتاليتين ؟؟؟
ياسيدي ضع انت التشكيله او اتركوا لنا الهلال ....
اما انتم جمهوور الزعيم يهمني رايكم بالموضوع واتمنى الكل يشارك ومن لديه غيره على هذا النادي ان يرد بكل شفافيه يمكن انا نظرتي غلط للامور او قرائتي غلط او العكس والهدف يعلم الله مصلحة الهلال لاغير ..
اعتبروا هالموضوع استبيان نبغى نعرف رايكم يمكن الجمهور يفهم كووره اكثر من الجهاز الفني في الهلال ..
(( اللهم اني ان اصبت فمن توفيقك واني ان اخطأت فمن الشيطان استغفرك واتوب اليك ))
الوضع الشجري
