[سموالصاحب]

من المعروف ان الهلال نادي جماهيري ومن اكثر الأنديه جماهيريه(وهذا ليس موضوعنا)
ولكن جمهور الهلال هل يواكب انجازات الفريق وبطولات
وهل انت راضي عن اداء الرابطه
مع اطلاقة الالتراس الهلالي
هل مع هذا الجمهور يمكن ان ينفذه
ماهو الالتراس
هو الشيئ المتقن بزياده
ومن مبادئ الالتراس
1- التشجيع طوال المباراه
2-ان يكون المدرج كتله واحده
3-عدم الجلوس الا بين الشوطين
الهلال لازم مدرج بدون كراسي
هل يعجبك تفاعل الجمهور مع اللاعبين طول المباراه
اتكلم عن نفسي واتوقع اغلب الهلالين يوافقونني الرأي
لسنا راضين عن حال المدرج الهلالي
عزيزي الهلالي
عندما تحضر لمباراة فريقك فأنت سوف تحضر لأفضل فريق
ستشاهد فريقا متكاملا
فريقا محترفا
يملك افضل الأجانب بدون منازع
ولا عبين محليين هم ركيزة المنتخب السعودي
اذا انت تشجع فريقا والجميع يحسدك على هذا الفريق
وعندما تسمع من يقول ليت الله ما خلقنينصراوي (مثال فقط)
فهو يعاني من فريق
لا يحقق طموحه
لاعبيه الاجانب مقالب
ومحليه معتزلين من انديه
عندما تسمعهم يجب ان تقول
الحمد لله اني هلالي
طيب ليش حضورنا بارد
تشجيعنا سلبي
ادري ان البعض ما يعجبه كلامي
ويمكن يقول متحامل على الجمهور
اقول انا حضرت مباريات للهلال في جده
والله تمنيت اني في المدرج الاتحادي
طبعا مو عشان الاتحاد
الا عشان حماس الجمهور
شعله من النشاط
حماس طول المباراه
اللي ابغى اوصل له
اني ابغى جمهور نار
تشجيع مستمر
اذا سجل الفريق هدف صحنا وشجعنا
خلاص الهدف جا وينك قبل الهدف
واتمنى الملعب ما يفتح الا قبل المباراه بدقايق
يجي الجمهور ويرقص على الأغاني (اتمنى الغائها)
ويتعب قبل المباره
واذا بدأت المباراه الا تعبانين طافين
ويجلسون كأنهم يتابعون محاضره
ياخي لاعبين الهلال خصوصا المحليين
اذا سجلو هدف ما في حماس حتى مع الهدف
ابغى اللاعب له حركه معروفه
او يجيب أي شي تعبير عن الفرحه اهم شي حركه لها مدلول
ابغى اللاعبين المحليين الثابتين في الفريق
يكون لهم حركه جماعيه للاحتفال بالهدف ومعروفه على طول السنين ويطبقونها مع أي اجنبي يحضر للفريق
ياخي اذا شفت الفرق اللي ما تفوز الا بعد كم مباراه
طريقتهم وتعبيرهم يحمسك لو الفريق مستواه منخفض
واتوقع ان مشكلة اللاعبين انهم من برود المدرج ما يهتمون بطريقة تعبيرهم واحتفاليتهم بالهدف
هذا ما اتنماه من الجمهور الهلالي
ولكم خالص هلاليتي