09/09/2011, 11:50 AM
|
 | زعيــم مميــز | | تاريخ التسجيل: 13/10/2002 المكان: الهلال
مشاركات: 1,761
| |
|
هذا تعامل رجال أمن نادي بحجم نادينا!! / صورة للإدارة
السلام عليكم ورحمة الله وبركاته
تحية طيبة لجميع الزعماء .........
ومبروك على الجميع تدشين الاطقم الجديدة الله يطرح فيها البركة والتي تم تدشينها بحفل مصغر رائع لاينسى بالتعاون المشترك ( الهلال – موبايلي – اديداس ) .
امس الخميس الموافق 10/10/1432 هـ حصل لي موقفين في النادي للأسف الشديد لن أنساها بسهولة أو اني لن احضر للنادي مرة اخرى مادام رجال أمن النادي بهالجهل العجيب .
في البداية وسأختصر بقدر المستطاع حضرت لحفل تدشين الاطقم الجديدة وتوجهت انا واخي الصغير للبوابة الرئيسية للنادي وعند البوابة تم استقبالنا بقمة الاحترام والأدب من قبل رجل أمن تعامله في قمة الرقي ويشهد ربي انه ترك في صدري بصمة رائعة عن النادي والتوجيهات الي التزم فيها بالاضافة لاخلاقه الي يملكها قبل أي توجيه .
توجهنا للمسرح الذي سيقام فيه حفل التدشين وعند وصولنا استقبلنا عند بوابة المسرح رجل أمن لايقل في الأدب والاحترام عن رجل الأمن الموجود عند البوابة الرئيسية وقال تفضلوا بكل ذوق .
حضرنا الحفل واستمتعنا ولله الحمد فوق المتعة الي يعيشها أي مشجع ومحب لناديه لما يكون داخل اسوار النادي .
انتهى الحفل وكان اخي الصغير في قمة المتعة وطلعنا من المسرح متجهين للبوابة الرئيسية للنادي للخروج للمواقف وللاسف اعترضنا رجل أمن بطريقة عجيبة غريبة وتكلم بصوت عالي وين وين وين وين انا اندهشت بصراحة وناضرت وراي أبي اعرف من يكلم ووش السالفة وهل أنا لي علاقة بالكارثة ولالا ! وصل عندي وكنت أول شخص ووراي بعض الجماهير متوجهين لنفس البوابة .
قال وين رايح ... ضحكت وقلت بروح لبيتنا قال اقولك وين رايح قلت والله بروح لبيتنا ههههه قال ممنوع قلت وش ممنوعه وش فيك عسى ماشر قال روح للبوابة الثانية من هنا ماراح تطلع انا استغربت لان البوابة قريبة جداً مني وعندها سيارتي وماكان فيه أي سبب يخليه يتصرف بهالتصرف قلت له تبيني اروح هالمسافة الماراثونية كلها على شان اوصل لسيارتي !! قال ايه ضحكت وقلت له وش مسوي لك انا بدى يرفع صوته وفجأة وصل مسؤول من مسؤولي النادي وواضح انه كان مصدوم من تصرف رجل الأمن معي ومع بعض الجمهور لأنه توجه له مباشرة وقاله وش فيك وش السالفة ليش ماتخلي الناس تمشي بعدها رجع رجل الأمن كم خطوة للوراء وقال معليش معليش تفضلوا تفضلوا انا منصدم وماتحركت من مكاني وعرفت ان القرار كان صادر من راسه وفجأة جاني نفس المسؤول ومسح على ظهري واعتذر مني بيض الله ذاك الوجه وقالي لاتضايق نفسك رح مع الطريق الي تبغاه وفعلاً توجهنا للبوابة الي دخلنا منها وفجأة مر اللاعب الكوري من قدامي والتفت علي اخوي الصغير وقال اقدر اصور معه !!
قلت غالي والطلب رخيص ووقتها كان فيه كذى شخص يصورون معه .. اللاعب كان محترم وفي قمة الأدب وكان جاهز اني اصور اخوي الصغير معه . فجأة اعترضني رجل أمن آخر قال وش بتسوي ضحكت وقلت شوفت عينك بصور هالطفل مع اللاعب قال لا ممنوع قلت وش لون ممنوع وقدام عينك شف الناس تصور معه بعدين ماراح آكله قال آسف وتفضل برا وصعقني بهالكلمة وبديت اتنرفز شوي قلت له تراه لاعب ماهوب رسول وش تحس فيه قال لو سمحت اطلع برا قربت من رجل الأمن مره وهمست له وش فيكم تتعاملون معنا كذى فيكم شي تبغون تحسون بالسلطة ولا وش قصتكم قال انا بطلع سلطتي عليك وش عندك !!
ناضرت فيه وضحكت قلت له الكرامه ماهيب لك لي ولهالنادي مشيت كم خطوة واعتذرت من اخي الصغير وخاطره مكسور حسبي الله على من كسره .
طلعت من النادي وانا كاره نفسي وكاره النادي بصراحة ومنفعل كيف اوصل ماتعرضت له ومايتعرض له غيري للادارة وهل جمهور الهلال بهالسهولة بيتعرض للاهانة داخل النادي !!
انا ما اتكلم عن رجال أمن استاد الأمير فيصل بن فهد أو رجال أمن استاد الملك فهد هذولي مالنا سلطة عليهم لاكن رجال أمن النادي في يدنا ..
آسف للاطالة .. فأنا محروق لما تعرضت له وكنت اتمنى اكتب هالموضوع بطريقة مغايرة جداً عن هذه الطريقة لاكني متنرفز وماني قادر اركز لذلك كانت الغاية ايصال الموضوع بأي طريقة ... وأتمنى توصل شكواي للادارة بواسطة هالمنبر الخاص بكل الهلاليين وأتمنى أكثر اني اقتنع أنا وكل هلالي إن كرامتنا غالية عند نادينا
كل الشكر والتقدير لمنبرنا الحر .. |
.. من جد حرآم اللي يصير !! 
الوضع المتطور
