مساء الخير جميعآ...
بصراحه لفت نظري مستوى وتهديف لعبنا الكوري سو
ماشاءالله عليه واللهم لا حسد ولا فسد..
من جميع النواحي -تمركز صح-سرعه خارقه-تهديف بالقدمين-
تهديف بالرأس- تعاون مع اللاعبين- حماسي- لياقه مميزه-
والزبده في الموضوع هو استمراراه في الاهداف وغزارة اهدافه
من اول مباراه لعبها مع الهلال امام الفريق الالماني سجل هدف بالقدم
وامام الفريق اليوناني سجل بالرأس ولا اروع وامام التعاون سجل هدفين
بالرأس والقدم وامام الاتفاق سجل هدفين...
مجموع اهدافه في اربع مباريات (6) اهداف
الفريق الالماني (1)
الفريق اليوناني (1)
التعاون السعودي (2)
الاتفاق السعودي (2)
وفي كل المباريات سجل وهذا معدل كبير للاعب لاول مره
يلعب وصغير بالسن وفي اجواء جديده عليه وفي فريق غير منسجم
ولم يلعب مع صناع لعب صح لغيابهم مثل ايمانا وتذبذب مستوى الشلهوب
وشفنا احمد الفريدي لمن ابدع وصار يتفرغ لصناعة اللعب وخاصه مع الاتفاق
اعطى للكوري اكثر من سبع كورات صحيح الكوري يضيع كثير لكن هذا
لايعني ان اللاعب تركيزه ضعيف اواي شي اخر مجرد توفيق والدليل
انه يسجل في كل مباراه ويعجبني ماعنده فلسفه ويتمركز صح ويجبرك تعطيه
بس لاحظت مشكله عانى منها الكوري وهي في فردية عزوز الدوسري
والبيشي والعابد وبعض الاحيان الفريدي وهذي مشكله كبيره لاعبين
صناع لعب ومهارييين ومهمتهم صناعة اللعب ويلعبون للاستعراض
وتسجيل الاهداف والركض بالكوره بدون فائده اتمنى من كل قلبي
من المدرب وسامي تنبيهم على هذا الشي مهمتهم صناعة اللعب فقط
وليس الاستعراض يعني بعض الاحيان تشوف الكوري متمركز صح
ولايعطونه الكره وتشوفه مقهور ..........
دام بدايةالكوري قويه وغزارةاهداف وابشرو بالخير
تراالعربي بدا باول هدف وشوي شوي نشوفه يهدف بغزاره
وبقى شيخ القبيله ايمانا وهرماش......
بقى نقطه اخيره عن مبارك البيشي اشوف
الجمهور اعطاه اكبر من حجمه واللاعب
لازال صغير وفي بدايته وفردي بحت
من المفترض تشجيعه ولكن ليس بهذي الصوره
وخيل لي وكأنه لاعب اسطوره ولاشفنا
منه شي مجرد موه عدى بالكوره من واحد
طار الجمهور باقي المشوار قدامه طويل وخلوه يشد حيله...
(روحي الوجله-مزيون الليل)
الوضع الشجري
