[9 مشتاق للذيب سامي 9]

السلام عليكم أخواني الزعماء ..

جمهور الزعيم والجمهور السعودي بشكل عام لازم يتطور , وفكرة الالتراس هي مجرد بداية ان شاء الله .. واخذوها مني , اذا نجحنا بالالتراس من البداية , راح نسوي الشي الشامخ بالمستقبل , خاصة اذا صار لنا ملعب خاص بالمستقبل ..

لكن كيف ننجح من البداية ؟ راح أحط لكم أمور مهمة لنجاح الالتراس من البداية :

1- أكبر مشكلة , لا أحد يجي بثوب وشماغ ! وين رايح انت ؟ عرس مثلا ؟
2- لا أحد يجيب معاه حب ويفصفص لنا ! احنا جايين نحترق للاعبين مو نستريح ونفصفص ونتفلسف !
3- الكل يجي بقميص أزرق , والأفضل نجي بنفس طقم فريقنا ( بشرط لا أحد يجي ولابس لي طقم تشلسي ولا البرازيل ! انت جاي تشجع الهلال مو نادي أخر ! )
4- لازم نكون نشيطين وحركيين , عشان نسوي حركات الالتراس الاساسية ( الزلزال والموج )
5- لازم تجي وانت متحمس , فرجاء اذا ماكان لك خلق تتحرك وتحترق من أجل الفريق , تابع المباراة بالسعودية الرياضية !
6- نحتاج الى اعلام كبيرة فيها شعار الهلال أو خطوط أبيض وأزرق
7- الحضور الجماهيري المرعب , ضرووووووووووووووووووووري يا شباب , نبغى الملعب فللللللللللل

مشاكل قد تواجهنا :

- عدم السماح بدخول الاعلام الكبيرة من قبل رجال الأمن , فنحتاج الى حل لهذي الشكلة , فالأعلام الكبيرة أمر مهم ويعطي جمال للجمهور

تقريبا هذي المشكلة الوحيدة اللي بتواجهنا .. .


[ من لا يشكر الناس لايشكر الله ]

ومن الذي ينسى ماقدمه لنا الأشقر السويدي ويلهامسون ؟ اللاعب الذي اتفق عليه معظم الرياضيين بأنه أفضل محترف مر على المملكة ! القادم من فريق روما الايطالي الى الكتيبة الزرقاء , ومن لايعرف نادي روما !

اللاعب الذي صنع وسجّل , اللاعب الذي يلعب من أجل شعار الفريق , 3 مواسم من العطاء والاحترام للجمهور وعقده مع النادي , فهل يستحق الشكر ؟

تكفون يا زعماء اللاعب عشق الكيان الهلالي وعشق جمهوره واللاعبين , وقدم عطاء كبير ومستوى رائع جدا بالثلاث السنوات الماضية , صنع وسجّل وحسم , فياليت يا شباب نعمل توديع حاااررررررر للاعب السويدي ويلهامسون , تكفون يا شباب طلبتكم , هو أكيد بيروح من مطار الرياض , فشدو الهمة يا أهل الرياض نبغى توديع حار , نبغى لوحات وداعية وحضور جماهيري كبير , عشان يطلع وفي نفسه يقول اني حطيت بصمة للفريق , وعشان ما ينسى السنوات اللي جلس فيها معانا , زي ما احنا ماراح ننساه

لا تتركوا ايمانا يخليكم ماتردو الجميل ...

في النهاية هذا موضوعي وان شاء الله اعجبكم