[بو فيـصـل]

بسم الله الرحمن الرحيم ..

من رحيل الدوخي و حنا نعاني من خانة الظهير اليمين .. و ما نسينا هالخانة إلا يوم تعاقدنا مع لي يونغ ..

طيب الان رحل لي يونغ .. و رجعت لنا مشكلة الظهير اليمين اللي مدري متى بتخلص ..

من نهاية الموسم و أنا انتظر بنتعاقد مع مين في هالمركز ..

تدرون ليه ؟

لأن ما فيه ظهير يمين سعودي بيريحنا إلا اثنين بس ..



حســــــــن معــــــــاذ أو راشـــــــــد الرهيــــــــــــــــب


بالنسبة لحسن معاذ .. أدري إن أغلب الجماهير الهلالية تتمنى تتعاقد معه .. لكن من الصعب إن الشباب يفرط فيه .. من جدكم الشباب يتركه لنا .. أنا أشوفها مستحيلة ..

يعني حنا مثلا هل نرضى نفرط بالفريدي أو العابد أو هوساوي ..

خلونا واقعيين .. عشان كذا المفروض نريح أنفسنا و ما ندخل في مفاوضات مع الشباب ..



طيب الثاني اللي هو راشد الرهيب .. من وجهة نظري إنه أفضل من حسن معاذ .. على الأقل يرفع ( بعض الأحيان زي الناس ) و أنا متأكد إنه راح يشكل ثنائي قوي جدا و لا يقهر مع ويليهامسون ( اللي تقريبا تأكد بقاءه )

أنا أعرف إن في بعض الجماهير يقولون ما نبيه يرتدي الفانيلة الزرقاء و من هالكلام ..

أستغرب بصراحة .. هل لأنه ذهب للاتحاد .. اللاعب جاه عرض أعلى من اللي قدمناه و إدارة ناديه أعارته للاتحاد ..

أو لأنه تداخل مع ياسر القحطاني في كرة مشتركة .. ياخي وش تبيه يسوي .. تبيه يقول لياسر تعال اضربني عشان ما يكرهني جمهور الهلال ..

كل الأسباب اللي يقولونها غير مقنعة ..

اللي يقول لي ما نبيه يجي .. أطلب منه يجيب لي لاعب مكانه .. و لا يقول حسن معاذ .. لأنه مجيئه مستحيل ..


بعض جمهور الهلال يقول ما نبي راشد الرهيب .. نعتمد على نامي و البيشي

يا جماعة الخير نسينا يوم كان نامي الظهير وش كنا نسوي ..

نسينا الأخطاء و الأهداف اللي جات من جهة نامي ..

أما بالنسبة للبيشي .. لاعب جيد .. لكن في الأولمبي .. يعني يبيله شوي و ما يصير يبدأ مرة وحدة مع الأول ..

يعني في البداية يكون بديل في الموسم القادم و هكذا ..

لكنه إلى الآن ما يصلح يكون ظهير في الفريق الأول .. و أنا مسؤول عن كلامي لأني أعرف اللاعب و متابعه في الأولمبي ...



أما بالنسبة للاعب ياسر الشهراني ..

ينطبق عليه نفس الكلام اللي ينطبق على سلطان البيشي .. توه صغير يا جماعة الخير .. حتى في القادسية ما لعب أساسي إلا يوم فاوضناه ( هههههههه ) .. و ما يستاهل أبدا المبالغ الضخمة اللي طالينها فيه

ما يصلح يكون ظهير للفريق الأول في نادي زي الهلال ..



عالعموم أنا أطالب براشد الرهيب ..

إدارة ناديه طلبت 12 مليون ريال من الاتحاد و رئيسهم رافض و ما يبونه ..

فرصتك يا شبيه الريح .. تكفى نبي نرتاح من مشكلة الظهير اليمين .. حتى لو كان الثمن 12 مليون ..

اللي أعتقد ممكن تكون أقل مع إعارة بعض اللاعبين من عندنا ..


المركز حساس و إذا ما تعاقدنا معه للأسف راح يكون هالمركز شارع و لن نستفيد من التعاقدات الأجنبية الهجومية ..


آسف عالإطالة .. لكني أتكلم من حرقتي على الزعيم ..