الأندية الأخرى تتسابق في جلب اللاعبين المحليين .. وإدارة الهلال تتفنن في تسريحهم ..!! - نادي الهلال السعودي - شبكة الزعيم

ૐ° هماي أنا °ૐ · #1 16/07/2011, 06:48 PM

بسم الله الرحمن الرحيم ..

رأينا نادي النصر يجلب هوساوي والآن فلاته القادسية وقبلهم سعود حمود وهم لاعبين مميزين
وكلهم لو تجمعهم ماجت قيمتهم من مقدم عقد أحد لاعبي الهلال الدوليين ..
لماذا إدارة الهلال فاشلة في جلب اللاعب المحلي .. لامن ناحية مادية مبالغ فيها ولامن ناحية فنية ؟

المصيبة الآن .. البرقان لاعب مميز قبل فترة وجيزة سمعنا أنه تم تجديد عقده لمدة ثلاث سنوات ..
والمفاجأة سمعنا أنه إنتقل للإتفاق (مجانا) ودي أفهم إدارة الهلال ماعندها كرامة .. الحين الدوسري
يسحب فيك ليل نهار وبهذلك بالرهيب وبالأخير أنت تعرف إن اللاعب يبي يروح لهم وبسهولة تخلي
اللاعب يروح .. ياخي اللاعب مميز لكن مشكلته فيه لاعبين مميزين بالهلال يعني يعطي إلى أربع سنوات
قدام ليه أفرط فيه ..
كذلك واضح أن إتجاه الإدارة بيع عقد المحياني على حسب موضوع أحد الأخوة الثقات ..
الآن سمو الأمير مو كل شوي وطالع تقول انا أراهن على اللاعب ..
ما أدري ياطويل العمر تراهن عليه في الهلال وإلا في الشباب ..!!
شبيه الريح الآن أنت بنفسك تقول لايمكن الأندية تفرط بلاعبينها المميزين .. وأنت تفرط بالبرقان
والآن عيسى ومن التالي ..؟
أنا معك فرط بنصف لاعبينك لكن أحضر بديل محلي ..
أنت من أول ماجيت ماجبت لاعب محلي يملى العين ..حتى عيسى ماأخذ فرصته حتى نحكم عليه ..
بالأرقام عيسى أفضل من ياسر .. هماكم تحبون الأرقام .. الأرقام تثبت بالنسبة والتناسب أن عيسى
أفضل من ياسر بمراحل .. لايعني هذا أني أطالب برحيل ياسر أوغيره أعني أننا بهذه الطريقة
سيفقد الفريق نجومه .. وكذلك لن يتحسن مستوى ياسر بمثل هذه المحاباة الواضحة وستخلق
في الفريق عدة مشاكل بين اللاعبين .. لاعب يعطى فرصة موسمين ولم ينجح
ولاعب يعطى (الفضلة) ومع ذلك يقال أنه لم ينجح وين العدل .. العدل أني أخلي عيسى
هذا الموسم أساسي وبعدها أحكم عليه صبرنا على العنبر والصويلح سنوات ماعندنا مانع
نصبر على عيسى سنه واحدة كفيلة بالحكم عليه ..
***
الهلال سابقا لم يكن يحضر محاور أجانب إلا نادرا .. كان وسط هجوم دفاع هذه أماكن الأجانب ..
أعلم أهمية المحور ولكن من وجهة نظري أقوي الهجوم والوسط على حساب المحاور
ولكن ليس على حساب الدفاع ..

من وجهة نظري النصر يهتم بالمحلليين (المغمورين) ويدعم فريقة وقد وفق بكذا لاعب ولو أستمر
بهذه الطريقة وجلب لاعبين أجانب مميزين سيذهب بعيدا ..
بخلاف الهلال الذي يركز على الأجانب ويضع جل ثقله عليهم .. ويفرط بالاعبين المحليين ..
وللأسف هذي سياسة إبن مساعد منذ أن أتى لايدفع في لاعب محلي إلا إذا كان مميز
أما البحث عن مواهب في أندية مغمورة فهذه السياسة مفقودة في الهلال ..

أخير سمو الأمير أجلب لاعبين محليين مميزين (وليس شرطا مشهورين ) وبيع اللي تبي ..

تحياتي للجميع
..
..
...

روما الأمل · #2 16/07/2011, 10:12 PM

ادارة النصر كسبت لاعب مميز جدا بالمحور اللي هو عبدالعزيز فلاته

اتمنى من الاداره الهلاليه أنها تعرف انه مستحيل اللاعبين الاجانب لحالهم يسوون لك شي

أيضا نحتاج تدعيم بظهير أيمن يلعب مكان نامي

BēśɧόΌ · #3 16/07/2011, 10:26 PM

صدقت في كل كلمـه قلتهـآ ،

وربي رآح ننـدم على بيع عقد عيسىى ، !

ويآليت عبدالرحمان بن مسآعد يعآمل عبدالعزيز آلدوسري وآلبلطآن مثل مآيعآملونآ ،

<هلاليه> · #4 16/07/2011, 10:29 PM

يسلللللللم راسك يا شيخ
كتبت نفس موضوعك وللأسف مانشر
بس الحمد لله ان موضوعك نزل لعل وعسى ان تقراه الاداره وتعدل عن قرارها
ياخي اذا لابد من تسريح المحياني ياخي استفيدو من هالصفقه بتبادل مع لاعب ظهير عندهم
مو منطق كل من بغى منا لاعب عطيناهم اياه بلاش او برخص التراب ولحنا نموت ماعطونا احد
البلطان لنا كم سنه نطلب منه احد الاظهرة وهو رافض مو عشانه محتاج بس قوته هي أضعاف خصومه
ليش ماتفهمون كيف تقدم نقاط قوة للخصوم باردة مبردة

●άЈмℓ αήѕαŋα « · #5 16/07/2011, 10:31 PM

ااااااااااخخ ي القهههر
عيسى لاااايرووووح
!!!!

ع ـبود الودعاني · #6 16/07/2011, 10:39 PM

كلام سليم
اكبر غلطه لاداره الهلال اذ فرطت بالمحياني
واتمنى التركيز على لاعبي الدرجه الاولى والله مواهب كثير

بحرالعيون · #7 16/07/2011, 10:42 PM

http://www.youtube.com/watch?v=MQNBCgOdCtk

من ست سنوات ياسر لم يحسم نهائي واحد فقط تمويه على حارس بهدف الفريدي على الاتحاد

ولم يحسم اي خروج مغلوب باسيا رغم الفرق الضعيفه بعكس سامي يحيم النهائيات واسيا

ومع ذلك مستغرب اذا طالبنا بهداف يحضرون احمد علي ليلو وسئول وجيلسون

هل يريدون ان نقتنع بانه افضل هداف وكابتن ونجم لايحسم اي نهائي ؟؟

بحرالعيون · #8 16/07/2011, 10:43 PM

‫دوري زين السعودي 2010 2011 الهلال Vs النصر هدف التعادل لـ الهلال عن طريق اللاعب عيسى المحياني موقع نادي الهلال السعودي‬‎ - YouTube

عمر الزعيم · #9 16/07/2011, 10:45 PM

من جد العنوان اللي كتبته يكفي ويوفي لحالة الهلال مع المحليين
صراحه شي يرفع الضغط
تعامل الهلال مع الانديه السعوديه سيء وساذج وينلعب عليه بكل سهوله
امدحه بكلمتين يعطيك اياه مجانا ولا يعطيك بسعر مخفض ولا في الخيال
والمشكله اذا بغوا يتعاقدون مع محليين قالوا اسعارهم غاليه
اسلوبكم في التعامل مع الانديه هو اللي يخلي الانديه الاخرى بها الشكل
بعدين يا اداره يرحم امكم ادفعوا فلوس في المحليين تراهم اولى من الاجانب
المحلي يخدمك اكثر من 10 سنوات
الاجنبي كلها فتره مؤقته ويروح

همتٌ بهٌوآكـِ · #10 16/07/2011, 10:46 PM

كلام سليم
اكبر غلطه لاداره الهلال اذ فرطت بالمحياني
واتمنى التركيز على لاعبي الدرجه الاولى والله مواهب كثير

عمر الزعيم · #11 16/07/2011, 10:49 PM

إقتباس

الرسالة الأصلية كتبت بواسطة بحرالعيون


	http://www.youtube.com/watch?v=MQNBCgOdCtk من ست سنوات ياسر لم يحسم نهائي واحد فقط تمويه على حارس بهدف الفريدي على الاتحاد ولم يحسم اي خروج مغلوب باسيا رغم الفرق الضعيفه بعكس سامي يحيم النهائيات واسيا ومع ذلك مستغرب اذا طالبنا بهداف يحضرون احمد علي ليلو وسئول وجيلسون هل يريدون ان نقتنع بانه افضل هداف وكابتن ونجم لايحسم اي نهائي ؟؟

يا شيخ انت قريت الموضوع ولا لا

ياشين النوعيه اللي مثل تفكيرك الحين وش جاب طاري ياسر وحسمه للمباريات

حتى عندك مغالطات كثيره

المهم حنا نتكلم عن تفريط الاداره بعيسى والمحليين

لاتدخل موضوع ماله داعي ولا له دخل ابدا