صباح الوررررررد
طبعا بتسالون مين حمودي هذا ؟
حمودي اخوي الصغير عمره سبع سنوات
بعد مبارة الزعيم والاتحاد المشؤمه يوم الاربعاء جاني اخويا حمودي وقالي:
منو انا بشجع الاتحاد :
هوا قالها وهوا خايف مني لانو عارف اني انا طيوبه
الافي مسائل اللي تخص الزعيم
انا لمن سمعته قال كذا انصدمت
قولتله اكيد تمزح
قالي لا الهلال ماعد يفوز من خساره وحده مليت اجل كيف لو كنت نصراوي اش كنت سويت شكلك بتنتحر
والله الرجال من جده اقصد البزر من جده يتكلم بكل ثقه
انا بديت الحرب معاه وقعدت اصرخ عليه واقوله الهلال فيه وفيه والاتحاد فيه وفيه
الاوالولد مو معي خلاص مقرر وخالص
عرفت انو في تاثيرات جانبيه عليه
بعد الصراخ جات امي قلتلها الهرجه كلها
رئي امي في الموضوع :كل وحد له الحريه في اختياره
والا الدمقراطيه تطبق في دول العالم العربي وماتطبق في بيتنا الموقر
بس كمان مايمنع ياحمودي انك غلطان لازم تكونون كلكم في البيت يد وحده مومعقوله اخوانك كلهم يشجعون نادي واحد وانت تختلف عنهم
ماقتنع الولد مصر ع رائيه قررت اني اعرف مين اليد الخفيه في الموضوع سالته وقالي برهوم برهم اخويا الموقر الكوره في الشرق وهوا في الغرب
طلع مغري الولد بالهديا والالعاب واذا راح لصحابه الرجال الكبار ياخذه معاه عاد البزوره اللاولد اذبخيهم عند بروح عند الرجال
انا عادي عندي حرية رائي
الافي الميول الرياضيه انا ضده بعدين حمودي صغير وانا متاكده انو اذا كبر راح يلومني ليه ماوجهته ع الطريق الصح
بديت في اول طريق لاستمالة حمودي صرت حبوبه معاه اخصص له اي شي من مصروفي الخاص
اتكلم معاه واقوله قصص وعبر في ناس غير هلالين كيف حياتهم؟والله الولد تاثر قولتله عندك اكبر مثال مضاوي اختي تشجع النصر اش استفادت ؟صحيح هيا من المشجعين القدام لكن شوف كيف حالتها اولادها يشفقون عليها
طبعا اولادها هلالين زي خالتهم(يعني انا)
والله يمضاوي خليتك مصخره للبزوره
بعد الالعاب وعبرة مضاوي عاد اخي المصون لهلاليته واشهرها في وجه برهوم
دوختكم بالقصه صح:
:
الي عندوه مخزون قصص من هذا النوع يشاركني من فضله اثر في احد تاثر باحد وهوا صغير عادي قولوا لاتستحون اذا مثلا شجعت النصر وانت صغير او الاتحاد قولوا ومانعلم احد
تقبلوا احترامي و ودي
الزعيم اولا واخيرا
الوضع الشجري
