[قلبي الزعيم]

بسم الله الرحمن الرحيم


اكثر خبر افرحني في الفتره الماضيه هو اعفاء كالديرون وتعيين سامي بديل عنه


احسنت ادارة الهلال صنع بااعفاء كالديرون فا كالديرون منذ ان اتى للزعيم لم يضف للزعيم اي شيء

بل بلعكس كانت تخبطاته واضحه في المباريات الكبيره وانكشفا لنا في المباريات الكبيره فكلنا نتذكر مباراة سباهان عندما لعب بخمسه مدافعين وكاننا نلعب امام برشلونه وايضا كلنا راينا تخبيصاته في مباريات الاتحاد
كالديرون ماضي و راح وافتكينا منه الله لايعيده

الزبده

اتمنى من ادارة الهلال ان تفعل ما يجب فعله وهو جعل سامي مدربا لنا الموسم القادم فسامي يملك فكر كروي كبير و يملك خبره كبيره وثقافه عاليه وروح وقرب من الاعبين
ترى كوزمين جاي ودرب الهلال وعمره 38 سنه يعني انا متاكد ان كوزمين مو افضل فكر ولا خبره ولا ثقافه ولا روح من الذيب سامي

واتمنى ان ياتي لادارة الكوره بنادي الهلال احد هؤلاء الاعبين:

نواف التمياط
فيصل ابوثنين
فهد المفرج
محمد الدعيع

اخ بس لو ما صالح النعيمه ممنوع لكن انسب لاعب لأدارة الكره


صدقني ياشبيه الريح سامي بيكون مدرب ممتاز وممتاز جدا يكفيك معاشرته لمدربين كبار على راسهم جيرتس الموسم الماضي وكلنا نعلم ماقاله جيرتس عن سامي
سامي ابخص بالهلال وابن النادي وبيكون ارحم علينا وبيوفر لنا قيمة التعاقد مع مدرب
صدقوني سامي بيكون جوارديولا جديد بتشوفون ترى جوارديولا درب البرشا وهو صغير برضه واول مره يدرب وشوفو ويش سوى في البرشا

وبالنسبه لأدارة الكره بنادي فا انا ارى ان ناتي بأحد الاسماء المذكوره كل واحد افضل من الثاني طب واختار بس


لان تندم يا شبيه الريح سامي مدرب اقنعوه وسترون



توكل على الله وسوها ياشبيه الريح


اتمنى من المشرفين رفع الموضوع وعدم حجبه لاني والله طفشت من حجب مواضيعي ونقلها

ختاما
ان اخطأت فمن نفسي والشيطان
وان اصبت فمن الله
لااله الا انت سبحانك اني كنت من الظالمين

تحياتي
اخوكم سعيد القحطاني
دمتم بود

[قلبي الزعيم]

مشكورين على الرفع

نبي تفاعلكم ياالاعضاء

[AL-KRAZY 8]

والله الجميع يتمنى سامي يستمر مدرب
هي سهله حط معه 2 مساعدين له
وبيكون جوارديولا التدريب في السعوديه

[ξــٱڜق » Ŝ]

والله مافيها اي مشكله لو حطوه مدرب بالعكس سامي يملك خبره كافيه بالمجآل الكروي والاداري
لكن مثل ما قال الفراج .. الجمهور الهلالي ما يرضى الا بـ اسم ( مآركه )

الله يختآر اللي فيه خير لزعيمنآ ,,

[14الأزوري الآسيوي20]

يرحم والديكم فكونا من احساس فلان وعلان وارحموا عقولنا شوي

الاتحاد مو فريق درجه ثالثه وبعدين الخمسه للحين مابردت قلوبهم نبي فقط مستوى

انسوا وفكروا بالموسم القادم بس

[mshaalawy]

سامي كفوا لهذه المهمه لكن أخشى عليه من جماهير الزعيم والأعلام

لأن الهلال إذا خسر سوف تنهش الأنياب سامي ولن ترحمه

ولا أتمنى له ذلك وسوق يصبح لقمة سائغه للأعلام الناقص.

[جنون الزعامه20]

::

إقتباس الرسالة الأصلية كتبت بواسطة mshaalawy سامي كفوا لهذه المهمه لكن أخشى عليه من جماهير الزعيم والأعلام لأن الهلال إذا خسر سوف تنهش الأنياب سامي ولن ترحمه ولا أتمنى له ذلك وسوق يصبح لقمة سائغه للأعلام الناقص.

آآآآآآآآآآآآآآآآه مو هذا الموت وهذا اللي انا خايف منه

جماهير الاصفرين الصغار واعلامهم ما يهمونا ولا يهمون سامي بس جمهور الزعيم لا قلب عليك وش يفكك

اتمنى استمرار سامي مدير للكره مو لعدم ثقتي بسامي التدريبيه بس خوف عليه من جماهيرنا المحترمه لو لاقدر الله فشل

[silva 21]

سامي كن مدرب الهلال الموسم القادم


سامي ذكي ذكي ذكي ذكي ذكي ذكي
وربي راح ينجح لو حصل بيئه كويسه
واكبر دليل على فهمه وقرايته للمباريات
شوفوا تحليله في الجزيره يتكلم درر جواهر لبى قلبه
ومدرب الا رسنال فينجر مدح سامي على فكره وتحليله لمباراه في اليورو 2008

[سهم القناص ---->]

إقتباس الرسالة الأصلية كتبت بواسطة قلبي الزعيم اخ بس لو ما صالح النعيمه ممنوع لكن انسب لاعب لأدارة الكره اخوكم سعيد القحطاني دمتم بود

ليه ممنوع !!!

اما بالنسبه لسامي هو عقليته كبيره ومآشاءالله عليه مايفوته شي
لكن من الغلط نحكم عليه قبل يبدأ بالمهمه

[فراشة الابداع]

سامي كحل مؤقت اي نعم لكن للسنة القادمة لا اتمنى ذلك يمكن ماينجح مع الهلال وتقوم الجماهير على سامي
انتوا للحين ماشفتوا مباراة بكرا يمكن يصلح ولالا ولا سمح الله خسرنا بتشوفون كيف بيقوم الجمهور على سااامي
الي مفرووض نتمناه اللحين ونسوية ندعي للزعيم بكرا يطلع في مستوى طيب مالنا غير الدعاء وبعدها نفكر مين يصير
مدرب الهلال

[عدنان 10]

بالتوفيق الزعيم

وسامي يارب التأهل بكرة

[opk]

ابوعبدالله قدها وقدود والله يكتب الي فيه خير للهلال

[هلاليه فوق]

خوفكم نخسر وتقوم القيامه على سامي
الله يعينه بس
يارب انه يكون متهيء نفسيآ لصدمه الي بتجيه

مدري ليه انا مو متفائله بالفوز بس ودي نطلع بمستواء طيب ويبيض الوجه

[لاللتعصب]

والله ما ادري وش اقول لكن اصبح حب سامي لدى البعض اهم من الزعيم
اخواني الاعزاء سامي كان لاعب كبير لاشك في ذلك كان داهيه في الملعب لا احد يختلف على ذلك خصوصا الهلاليين
اما اداري فهو متوسط واما مدرب فقد اثبت فشله لانه وبصريح العباراه كان مدرب الهلال بوجود كالديرون الذي احضرة
مع احترامي وتقديري لك صاحب الموضوع ولكن الهلال اكبر من يصبح مرتعا لاهواء البعض ومسرحا للتجارب
من جهه اخري اعتقد بل اجزم ان عبدالعزيز الخالد افضل بمراحل من سامي كمدرب
اتمنى تحكيم العقل قبل العاطفه

[الإخطبوط الأزرق]

حسبت الموضوع مهم للدرجه هذي


سامي كفو لكن نبي مدرب مدرب مدرب غير سامي ليس قصور في سامي ولكن نبي مدرب إسم مدرب