[الليل الأزرق]

قررت اداره الهلال قبل قليل وبالاجماع
اقاله المدرب كالديرون بعد تدريب
هذا اليوم وذلك لعده اسباب
منها التشكيله والخطه الغريبه
التي ينوي اللعب فيها امام الاتحاد
وكذلك افتعاله مشكله مع احد اللاعبين
المميزين في تمرين الجمعه وقرر استبعاده
من القائمه المشاركه رغم النقص الحاد
في صفوف الفريق للظروف المختلفه
بالتوفيق للكابتن سامي في قياده الهلال
للوصول للمباراه النهائيه بأذن الله
يذكر ان عدد اللاعبين المسافرين لجده
غدا السبت ان شاء الله 16 لاعب فقط
وبالنسبه للمدرب القادم
كانت الاداره اتفقت مع المدرب مارتن اونيل
لتدريب الهلال لمده سنتان واشترط المدرب
الحضور للرياض ليرى منشأت النادي
ومقر السكن لكن عرض نادي تشلسي له
جعلت الامور غير واضحه للطرفين

[هلالية العشق]

متاكيدن ابي افرح مو بكره اقوم والقاه اشاعه وانا قايلته من زمان كالدي باعها حسبي الله عليه الخائن تلقاه الحين بيلعب بخطه دفاعية وبيخلي المحياني مادافع دلخ يسويها

[عاشق شروكي]

كفوووووووووووووووووووووووو ياسامينهو على وزن مورينهو ههههههههههههههه من زمان ابيه يدرب

[مـٍلآمـح شمـآلـيّ]

لان كالديرون بان عليه انه يتعمد خسارة الهلال قدام الاتحااد
يلعب بتشكيلة غريبة قدام الاتحاد مافزنا عالاتحاد من جا
الوضع صار باين
وبالنسبة للاعب اللي اشتبك مع كالدي المرشدي

حسبي الله عليك ياكالدي

[شمــ الهلال ــوخ]

موقع تويتر لبتآل القوس ، يقول بأنه افتعل مشكله مع المرشدي !
والمدرب عنّد وكرشوه ، أتوقع فعلاً ممكن برضوآ التشكيلة نآوي يخترع اخترآع نيوتن !!

الحمدلله افتكينآ منه الله لآآآ يرده
ع ـوآفي

[м̶я.źєźǿ»20»]

بالتوفيق يارب ، وان شاء الله نشوف سسامي يسسوي شيء بالمبارااااااة ..

[Abo 3yham]

آة للأسف القرار جاء متأخر

كان الصح يقال بعد الاسيوية

والمشكلة كانت مع ماجد المرشدي حسب ماذكر نايف الثقيل مع بتال القوس في العربية

[(FLAH)]

المفروض القرار يطلع من بعد الخروج من الاسيويه

عوافي

[brh00m]

“@battalalgoos: كالديرون كانت له مشكلة اليوم مع ماجد المرشدي. الادارة حاولت حل المأزق لكن المدرب عاند. هذا سبب لكن يبدو لي ان القرار نتيجة تراكم اشياء اخرى”

بالتوفيق لسامي

[ابو مازن الهلالي 9]

مشكور على توضيحك لسبب إقالة المدرب
وإن شاء الله يكون خبر الإقاله صحيح

[ع ـــبدالع ـــزيز]

يع ــني ماهي قنــاعة بأنــه داج ؟

ياليتــك ياللي سـويت مع ــه مشـــكله مســويها بدري وفاكنــــــــا منه


بالتــوفيــق لابـو ع ــبدالله

[Moath434]

يارجال احسن خله واتوقع سامي راح يسويها
لكن من اللاعب اللي تمشكل مع المدرب

[ابتهال تعشق الهلال]

كويس انو اقالوه لانو ملينا وحنا نشوف تشكيله مدري وش تبي قدام الاتحاد

[Adviser]

.


السبب الاكيد تخبطاته التكتيكية وعدم الاستفادة من العناصر المميزة في الفريق
اقالتة خبر مفرح لمشجعي الهلال وبداية " تصحيح " لاعادة عرين الهلال الى مستواة المعروف .

بالتوفيق لسامي الجابر
وبأذن الله نرى ثِمار المنصب الجديد للجابر على أرض الملعب في مباراة يوم الاحد .



.

[HRS.Eng]

المرشدي كان احسن لاعب المبارة اللي فات ونقص ويبي يستبعده الله واكبر
الفار بدى يلعب في عبي فيه ايه ياخونا <<< وش ذا المصري على تالي الليل
المهم هو شكله قاصد خسارتنا سابقا ويبي ويكملها بعد هزلت

الله يوفقك يابوعبدالله
لاتنسون الجابر من دعائكم ياحلوييين