[محلل فاهم]

كلاكيت عاشر مره ونهاية الموسم مشكلتنا؟

انا قلت كلام العام وكثير ماصدقني وكثير قام يتمهزأ ..
بعد مبارات الخمسه العام هذه المباراة السادسه ولم نستطع هزيمة الاتحاد والسبب لو ترجعون للمباريات السته الاتحاد يلعب بنفس النهج والتكتيك وهو قلبي دفاع وظهيري الجنب مهام دفاعيه ١٠٠٪ وامامهم محورين دفاعيين ١٠٠٪ وظهيرين اضافيين لهم مهام دفاعيه وهجوميه ٥٠٪ واثنين في المقدمه وبكذا يهاجم باربعه ويدافع بثمانيه وعشان كذا الهلال لم يستطيع اختراق هذ الحاجز المنيع .
وهنا يتضح سبب ان الاتحاد اي فريق كان صغير او كبير يسجل في مرماه اهداف بسهوله ماعدا الهلال لان المباريات الاخرى الاتحاد يفتح الملعب ولا يطبق نفس الخطه والتكتيك الا مع الهلال لانه لايستطيع مجارات الهلال وفتح الملعب وفي المقابل الهلال يفتح الملعب على مصرعيه وتحدث الاخطاء والمشاكل وتلاحظون ان في المباريات الست السابقه التي يكون في الهلال مصحصح ومنضبط دفاعيا تخرج المبارات بالتعادل ( يعني الاتحاد ماشي بمبدأ رحم الله إمرئ عرف قدر نفسه والهلال متعالي نوعا ما)
والسؤال هنا وين المدرب الغبي وين مساعديه مايشوفون عساهم العمى لعبو معاهم ثلاث مباريات ولافهمو عساه مالبلا
يامدرب الغفله ليش مالعبت بنفس التكتيك والتقفيل الدفاعي وخصوصا ان الفريق يعاني من نقص واعتمدت على اخطاء الخصم وكان المفروض يدخل بخطة ٤-٣-٢-١
لكن وش نقول حسبنا الله ونعم الوكيل

ملاحظه هامه ان الاتحاد في المواسم الاربع الاخيره مايصحى الا نهاية الموسم نظرا لكبر لاعبيه ومن المستحيل ان الاتحاد يلعب اربع او خمس مباريات متتاليه بنفس الروح والقوه كان تلقون نص اللاعبين في العياده او مصابين. والهلال من بداية الموسم وهو يجتهد ويقاتل ويبدع ونجي باخر الموسم نصير لقمه سهله لغيرنا قبل ثلاث مواسم الاتحاد هزمنا بالاربعه وقبل العام الشباب بالاربعه والعام الاتحاد يهزمنا مرتين متتاليه هذا غير الخروج من الاسيويه ٩٠٪ يحدث نهاية الموسم وهالسنه الكارثه اكبر وجت جميع .
اسف عل الاطاله لكن القهر الي في القلب اكبر واعظم وانشاء الله نفرح في المباريات القادمه لكن بعد مغادرة المدرب.