[@ عــ المملكه ــز @]

قبل المباراه وبعدها ودام اللاعبين موجودين

بالنسبه لي متوقع الخساره من الاتحاد

لانهم باختصار لاعبين ( ماينغزى بهم )

لذلك .. ماعندي مشكلة من الخروج

اسيويا ومحليا ..

لكن !!

اللي بيرضي الجمهور الهلالي

هو اننا نشوف قرارات ابعاد

بحق اللاعبين اللي ماعندهم روح

ولا يستفيدون من اخطائهم


انا كـ هلالي /

اتمنى اي مدرب قادم وبعيد عن السي في وتحقيق البطولات
اتمنى بس مايكون ( مدرب جبان ) !

اتمنى لاعبين زي
المرشدي والخالدي والجيزاني ونامي ( مانشوفهم بشعار الهلال )

اتمنى اشوف
ياسر القحطاني والفريدي والشلهوب ( في دكة الاحتياط الموسم الجاي )

اتمنى يسمحون ل رادوي ولي يونق واحمد علي ب الرحيل
وان كان بيروح بعد ويلي
ترى شي كويس ..

التغير لو مايكون زي كذا ..

ولا من الحين لين يتغير هالجيل .. انا ماعندي امل يجيبون اسيا او بوقت الحسم نشوف لاعبين يخدمون الفريق .. مو زي الحين ( اسم الهلال يخدمهم )


التغيير جربناه هالموسم على اسم واسمين .. ولا فاد شي .. !!

لذلك لازم تغير موسع وكبير .. ونعطي العابد والدوسري وشافي فرصة التمثيل اساسي ..


/

ان لم يكن التغير بهذا الشكل ... ماظنتي مابيختلف موسمنا القادم ..

في لاعبين كثير الحين يحتاجون ابعاد لان وجودهم ضرر على الفريق ككل
لانهم يلعبون باسماء مافي روح وبالاصح ( روحهم انهزاميه )
ماتشوفهم الا لا لعب الفريق ككل ..
او تلقاه يتفرج ع الملعب والجمهور .. !!

ومن الاخير .. فريق يملك لاعبين كثير روحهم انهزاميه ومستسلمين دايم ( مثل ياسر )
ولاعبين امكانيات ضعيفه ومجرد طفرة مباراه ويرجعون عشر مباريات صفر ( مثل المرشدي )

فريق يملك هالنوعين من اللاعبين لاتحط عليه امال كثير في انه يحقق انجاز


جدا سيء مظهر اللون الازرق وهو تحت رحمة انصاف اللاعبين / ولاعبين مهارات ب روح انهزاميه ..


الله يعينك يابو فيصل وش تغيّر وش تخلي .. !!!

بس تكفى طلبتك .. عزيز اول من تضحي فيه لاي نادي
ونجيب لاعب وسط محلي بداله ..



آخيره /

علمّني الجيل الحالي للهلال .. من اللاعبين

آن لا اتآمل كثير في مراحل الحسم .. واصبحت عاده سنوية

ان ينتهي موسمي ب زعل واحيانا ب ابتسامة ساخره مثل الليله ...