[20 بنت الرياض 20]

بسم الله الرحمن الرحيم
السلام عليكم و رحمه الله و بركاته
قبل كل شي احب انوه احب اقول (( انه الكلام الي بقوله وجهة نظري الخاصة .
و اتمنى انه يفهم بكل دقة و لا يظن احد انه اقلل من احد أي كان و لكن هذي وجهة نظر اذا كانت صح الحمدلله
و اذا خطا الحمدلله بعد لانه كل واحد له وجهة نظر خاصة و (( الاختلاف في وجهة النظر لا يسفد لود قاضية ))
فاتمنى انه ما القى رد يجي يقول (( انتي ناسية مدري من و من هالكلام )) انا احترم كل من يعمل في الهلال و خاصة
اعضاء الشرف )) هذا اولا .
ثانيا :
انا اتمنى من الامير عبدالرحمن بن مساعد او أي رئيس بعده انه يكون ملعب نادي الهلال القادم
يكون باسم الاسم الكبير و والد الجميع صاحب السمو الملكي الامير ( مساعد بن عبدالعزيز ال سعود )
طبعا راح اقول السبب :
اولا انا اعرف انه الامير مساعد ( الله يطول في عمره و يشفيه و يعافيه ) جاهل في شي اسمه رياضة
او يعني ما يحب الكرة او الرياضة مو عاد الهلال
و هذا واضح جدا لانه اذكر الامير عبدالله و عبدالرحمن يقولون (( اذا كنا عند الوالد ما نجيب داري الكرة ابدا ))
و هذا الكلام يوضح اكثر كره الامير مساعد لكرة او الرياضة كاسم نادي او بالاحرى ما يحب يشوف مبارة
و الا اكيد انه يمارس الرياضة . كصحة له .
مو هذا الموضوع
المهم الي ابي اقوله : السبب الوحيد الي اقصده انه يسمى الملعب الجديد الي ان شاء الله راح يكون حقيقة
عشان الي معه موضوع هالملف هو الامير عبدالله بن مساعد فاكيد انه تقدير له و ما عمله في هالملف
يجيب الموضوع هذا اهم شي يكون له اقل شي للي له الفضل الكبير بعد الله في حياته عامة و في جميع الاعمال
ادري البعض راح يقول : في كم رئيس مر على النادي ليه ما حط ملعب لابوه او مدري ايش ؟؟
طبعا كل من راس الهلال على العين و الراس
بس هذا الموضوع مو عشان الامير عبدالرحمن رئيس اقول هالكلام
انا قلت حتى الرئيس القادم .
بس انا مثل ما قلت لانه الامير عبدالله هو الي متولي هذا الملف من اكثر من رئيس
و ادري انه البعض يقول : في الشيخ عبدالرحمن بن سعيد ليه ما حط ملعب في اسمه
بمانه موؤسس الهلال .
انا قلت السبب و اعتقد واضح جدا
فعشان ما يظن احد اني ما احب احد
انا اتمنى انه لكل رئيس يجي الهلال يكون له ملعب باسمه او باسم والده
و خاصة الشيخ عبدالرحمن بن سعيد و الامير عبدالله بن سعد ( الله يرحمه ) الامير هذلول بن عبدالعزيز
و الامير بندر بن محمد
بس بمانه ما يكفي لازم كل واحد ملعب فجبت وجهة نظري على اساس واحد فقط
الي : الامير عبدالله بن مساعد الي متوالي الموضوع من اوله الى اخره و كل صغيرة و كبيرة ترجع له
فحطيت موضوع ملعب والده على هالاساس .
اتمنى الكل فهم الموضوع و لا يظن اني اغلط على احد
عموم بالتوفيق للجميع اعضاء شرف الهلال
تحياتي لكم

خارج الموضوع : احب اقدم احر و اصدق التعازي و الموساة الى :
صاحب السمو الملكي الامير : سلطان بن عبدالعزيز ال سعود
صاحب السمو الملكي الامير : نواف بن فيصل بن فهد بن عبدالعزيز ال سعود
في وفاة المغفور لها باذن الله : صاحبة السمو الملكي الاميرة : منيرة بنت سلطان بن عبدالعزيز ال سعود
الله يرحمها و يغفر لها و يغمد روحها الجنة و يصبر ابناءها و احفادها و اخونها و اخوتها و جميع افراد الاسرة
المالكة الكريمة الصبر و السلوان ,
تحياتي