[المُلهَم]

سلخير عليكم .. أتمنى يكون الجميع بألف خير ..
طبعًا كلنا شاف المواضيع اللي تتكلم عن رادوي , رادوي امكاناته امكانات لاعب أوروبي "من الطراز المتمكّن" أمثال اللاعبين اللي زي لعيبة برشلونة وريال مدريد والدوري الانجليزي .. يعني مش لاعب متواضع التسديد دقيق والتمرير وشخصيّته شخصية قائد , يعني لما يخطئ لاعب مرة مرّتين .. ويجيلك واحد كاتب في موضوع "أدري انكم بتقولون اني ما أفهم في الكورة وادري وادري " لأنه عارف انه "دلخ" كرويًا , يحط كلام سابق للحكم .. لجل يبرر اللي بيقولوه , صدّقوني يا شباب هاللاعب من تكسيره لرؤوس النصراوية والاتحادية وغيرهم .. وهم أنفسهم مشاركين معنا في المنتدى يجيك بعد فترة ويعترف يقول انا اتحادي او نصراوي ويسوي نصائح على الفريق الجار اللي ينافسه زي لو كان اتحادي يتكلم عن الاهلي ويحط نصائح ضد عبدالغني أو أهلاوي ويحط نصائح ضد محمد نور لردعه .. هالكلام مفروغ منه وفاهمينه كويس , ياليت كل واحد يقول حكي مقبول ونصائح وارشاد يرفع من رتم الفريق وعدم محاربة اللاعبين بصورة تقلل من امكاناتهم

رادوي صحيح مُحارب وحتى ياسر القحطاني محارب ويحصل أكثر من اللي يلقاه رادوي ليه ما قلتو خلي ياسر يروح؟ والله ان تبطون يالنصراوية ويالاتحادية!!
النصر بذاته قعد يحارب الروماني كوزمين اولاريو لين راح والحين يفاوضونه وماسحين الحيا ع الآخر .. أمس طاردينه واليوم يبونه مدرب لفريقهم ..
انا شفت ناس مهايطين وقليلين خاتمة بس زي كذا أبد ما شفت


ياليت تكتبون شي ينفع الفريق بدل هالتسدح قدام الكمبيوتر وكتابة مواضيع مالها أي داعي , انا نفسي لو المنتدى يعملون تقييم لكل الاعضاء مو بس مجموعة معينة .. كان شفنا الشي الزين اللي ينفعنا ,

الله المستعان