[عاشق الزعيم.]

بالبدايه ياخوان ياليت اللي بيرد يقرا الموضوع من كل جوانبه ماياخذ جزئيه منه ويرد برد يمكن يكون جوابه بباقي الموضوع


اولا ياخوان قبل ابدا بالموضوع عبدالرحمن بن مساعد أفضل رئيس نادي بالكره السعوديه حاليا بغض النظر عن البطولات مع اني البطولات شيء بصف الادراه وصالحهم لكن فيه عمل فيه احترافيه فيه صرف للنادي


لكن لامانع من الانتقاد ودايم اعيد واكرر ان انتقادنا عتب مُحب وليس تشفي بالادراه كما يفعل بعض الصحفيين المحسوبيين على الهلال للاسف واللي يشخصنون الأمور


عشان نكون بالصوره انا من عُشاق رادوي مثل الجماهير الهلاليه اللي احبت هذا اللاعب المخلص واللي قال عنه عبدالله بن مساعد انه افضل محترف أتى للهلال بعد ريفالينو


لكن بالمقابل ماعندي مشكله يذهب للعين اول غيره بشرط جلب لاعب بمستواه او أفضل منه لان الحب للهلال اولا واخيرا وهذا اللي صار مع التايب عندما غادر واتى بدلا عنه نيفيز


لكن مايؤسفنا الطريقه او بمعنى أصح السبب اللي جعل رادوي يقرر الرحيل ومنها ان الاجواء بالسعوديه غير صحيه للعب كرة القدم ويقصد بالاجواء الكرويه


انتقادات حملات منظمه تدخيل الدين بالرياضه


المشكله ان عبدالرحمن بن مساعد ساعد هذي الحملات بحسن نيه وبطريقه غير مباشره واقصد بالتحديد قضية الصليب وطلبه من رادوي ان يغطيه بربطه من باب سد الذرائع


اعرف ان الامير تعامل من هذا المبدا ومبدا الباب اللي يجيك منه ريح سده واستريح لكن بالحاله هذي اي لاعب بيجي للهلال مستقبلا بيكون مُعرض للاستفزاز بهذي الطريقه او بطريقه اخرى


كنت اتمنى ان اللادراه ماتناقش رادوي بالشيء هذا وتبعده تماما عن الاجواء المحتقنه بهذي القضيه بالذات صدقوني بينفتح الباب على مصراعيه مع كل اجنبي للهلال والسبب هذي الطيبه الزائده


بالنهايه ياخوان كلنا مسلمين وكل واحد دينه اولا واخيرا لكن الاسلام علمنا احترام الاديان والمشكله كل قضية رادوي غير صحيح كما قيل انه يقبل الصليب بعد كل هدف للاسف الادراه ساعدت الاعلام الضد بهذا المخطط الدنيء


واللي بكل صراحه نجح وبامتياز والدليل تصريح رادوي بان الاجواء غير سليمه بالسعوديه