[ابو ردح الهلالي]

بسم الله الرحمن الرحيم

جمهور الهلال عاطفي جدا جدا
ياسر مبدع 2007 ومنها لحد 2011 مافيه مستوى ويقولون خلوووه يبي يرجع ياسر زمان
المرشدي مبدع كاس الخليج 2007 يمكن ومن بعدها مافيه مستوى ويقلون لا تجحدون حيرجع ماجد زمان
رادوي قل عطاؤه هو وويلي بفترات من الموسم والاداره تقول تبي تجيب احسن منهم ونقول لا نبيهم ولا لا !!

ياجماعة الخير فكروا بعقولكم رونالدينو صنع كل شي للبرشا واسطوره الفريق نزل مستواه سنه
ركنوه احتياط وجابوا اللي احسن منه.
وغيرهم الكثير

حنا نحب لاعبينا ومن صنع الفرق بالزعيم
لكن نحب مصلحة الزعيم اولا واخيرا

ياسر شارك بصنع المجد مع زملاؤه واعطاه الهلال وجماهيره حقه
فاللاعب اخذ الشهره والمال وحب الجمهور وانا منهم لكن الزعيم يعطي من يعطيه
على عيني ياسر والمرشدي بس خلاص انتهى كل شي عندهم وكثر الله خيركم ماقصرتوا
الاحتياط او الاعاره هو الحل.

اما موضوع رادوي وويلي والله اني احبهم ومعجبني مستواهم لكن اذا الاداره تبي تجيب افضل منهم
ليش نقول لا خاصه اننا نثق بقدرات الامير عبدالرحمن وحسن اختياره فالاستفاده من بيع عقود هؤلاء
النجوم واحضار الافضل من الطبيعي هو الحل الاسلم.

ياجماعة الخير لا تصيرون زي النصر وغيره ممكن يبكون على الاطلال ويرفعون اللاعبين على
تاريخهم لا على ما يقدمونه بارض الملعب.

فكروا بكلامي ووحدو الصف

تحياتي