[R.o.y]

السلام عليكم ورحمه الله وبركاته

مساء / صباح ... الزعامة !

بدخل على طول في الموضوع


اولاً : بداية الموسم كيف كانت :


توتر الأوضاع بسبب قيرتس
خروج مرير من كاس اسيا امام ذوب آهان
إعلان عبد الرحمن بن مساعد إستقالته
ذهاب قيرتس للمغرب

ثانياً الجمهور /


كوني أنا واحد من هالجماهير كنت أقول هالموسم للهلال بيكون فاشل
الدوري بيروح علينا و ولي العهد و اسيا و بطولة الملك
واجانبنا بيروحون نفسية لاعبيننا تعبانه , كل شيء ماكان يبشر بالخير
لكن إداره النادي سوت نقله كبيره في نفسية اللاعبين وأهمها

1/ تحقيق الدوري بدون ولا خساره وحسم الدوري قبل انتهائه بـ اسبوعين
( وأنا اعتقد ويتفق معي كثير من المحللين اذا سمعتهم أن بطل الموسم هو بطل الدوري )

2/ تحقيق كأس ولي العهد


3 / خروجنا من كأس اسيا وهذا الي احب اتكلم فيه

الجمهور والأعلام وتصويرهم لكاس اسيا وكأنها أهم بطوله وأهم شيء يلعب له الهلال أثر على اللاعبين بشكل سلبي تشوفهم يمشون طول الموسم بسمتوى ممتاز
لكن وقت حسم اسيا ممكن تلاحظهم مرتبكين وكل هذا من الظغط
وتكبير الأعلام بطوله اسيا , أنت فكر وش يصير أذا فزنا بأسيا ؟
ووش بيضيف للهلال وأيش بينقص من الهلال اذا ما تأهلنا ؟
الهلال بغنى عن هذي البطوله متى ماجت الحمدلله اذا ماجت قدر الله وماشاء فعل
وانا ما أدري ليه الجمهور والأعلام مخليه عقده للهلال فقط !
نادي الاتحاد من 2005 ماجابوا هالبطوله ليه ماتكون عقده ؟
يعني قبل ( 6 سنوات )
وإذا ماجت اسيا في عهد الأمير عبد الرحمن بتجي مع الإداره الي بعدها
يعني أسيا تطل علينا كل موسم فما هي شغله صعبه أو ننتظرها كثير .
خلاص أنسوا الي مضى وفكروا بالقادم صحيح اللاعبين قصروا في مباراة لكن مايعني ننسى مجهوداتهم الي قدموها لنا
الاتحاد بين ارضه وجمهوره ويبي يختم موسمه لو بشيء لجمهوره وكان دافعهم قوي وأعدوا المباراة صح
والمباراة بين كبيرين 50% , 50%
والله ماكتبها هلاليه ومعوضينها ان شاء الله





ثالثاٌ المدرب /


كان أختياره شبه ( تسليك ) لهذا الموسم
تعاقدنا معاه لأنه فاهم الدوري السعودي فقط !
لكن ماكان قد الطموح طبعاً


رابعاٌ المحترف الرابع /


أحمد علي نفس تعاقد كالديرون ( تسليك )
اعاره 6 شهور



لكن في المجمل الهلال في هذا الموسم قدم شيء ماكنا نتصوره
ومر هالموسم كموسم ناجح بتحقيق رقم قياسي في الدوري ,
- الي ابي اوصل له أن الأداره سوت كل هالاشياء على اساس ان الفريق يمشي هالموسم مظبوط على أقل تقدير
لكن كنا حنا أبطال هالموسم وبكل جداره وبشهاده الجميع



كاس الملك /

بإذن الله نضيف لخزينه الهلال البطوله 53 بطوله كاس الملك الي الهلال الى الآن ماحققها
وتكون نهاية موسم افراح وخير



عبد الرحمن بن مساعد وهلالنا الموسم القادم /


هو مايثلج الصدر كلام عبد الرحمن بن مساعد بتطوير الفريق الموسم القادم
وبنشوف تغييرات جذريه على كلامه
بإذن الله بنشوف هلال مغاير مثل ماعودنا
ومستوى وطموح وروح لاعبيننا تتجدد ان شاء الله


نقاط عن بعض اللاعبين بشكل سريع /


ماجد المرشدي : لاعب حماسي لكن يعيبك التوتر والارتباك في المبارايات الصعبه ان شاء الله يطور نفسه


ياسر : يحتاج مهاجم اجنبي !

الفريدي : ياليت تتخلى عن برودك في بعض المباريات على أقل تقدير توضح للجمهور حماسك وأحساسك فيهم , وماننكر ان الفريدي كان نجم هالموسم ويفرق كثير اذا لعب ولا لا

العابد الدوسري : لهم مسقبل كبير مع الهلال لكن توهم في بداية المشوار وباقي لهم الكثير ومستواهم متذبذب مع الأسف

رادوي : ان شاء الله رادوي مايروح خصوصا ان خالد عزيز ماتضمنه ولا تقدر تحط ثقتك فيه مع الأسف والبرقان والغنام بإعتقادي موب كفؤ لهذي الخانه كأساسيين لكن احتياط جداُ ممتازين ورادوي ماسك الخانه صح وزياده على كذا
هداف , وقائد في الملعب وروح الفريق ما أنكر ان رادوي موب زي الموسم الي راح لكن اخطائه تعتبر عاديه جداً بس لأننا ماتعودناها من رادوي صارت كبيره
ولا الفريق هالموسم كلهم تجي منهم اخطاء

لكن رادوي يعيبه شيء واحد , العصبيه والنرفزه وان شاء الله ان جدد معنا الإداره لازم تنبهه في هالموضوع

وبخصوص طرد رادوي اليوم في مباراة الفيصلي حبيت اوضح ان الطرد كان من أمر كالديرون على حسب ماسمعت لأنه طرد احترافي 100%
عشان اذا تأهل الهلال بإذن الله .. ورادوي لاعب محترف اذا كان يبي يمشي يكلم الإداره وماراح يسوي هالحركات بقصد انه يبي يمشي ( حركات بزران )


أحمد علي / شكراً لما قدمته وان شاء الله نشوف في خانتك مهاجم أجنبي هداف



* فكره أتمنى تطبقها الاداره الموسم الجاي


الدوري وأسيا : للفريق الأول .

ولي العهد و كأس الملك : للشباب والاحتياط


نكون منها حققنا 3 أشياء مهمه :


1/ مانرهق لاعبين الأول كثير
2/ لاعبين الاحتياط مانعدمهم مثل ( عيسى , نامي , البرقان , ... الخ )
3/ اكتشاف مواهب ولاعبين جدد للهلال مستقبلا ُ




وأساسا صعب على الفريق الأول يكوش على كل هذي البطولات لان جمهورنا طماع يبيها كلها






همسه :

تفائلوا بهلالنا الموسم القادم فهو بأيدي أمينه ( عبد الرحمن بن مساعد - نواف بن سعد - سامي الجابر )