[فهد الهلال]

السلام عليكم ورحمة الله وبركاته

حيالله جمهور الموج الأزرق حيالله الأمة الهلالية

الصراحة العنوان سيكون الأكبر بعد لقاء الهلال الاتحاد لو انتهى بفوز الاتحاد
فسيكون الضحية كالديرون وبعض اللاعبيين مثل المرشدي وحسن وغيره
في كل مررة عند كل اخفاق يظهر الشامتون بالهلال ليبرزوا قضية خرووج الهلال
بأنها قضية الموسم وأن نادي الهلال فاز بالدوري بسبب المجاملات

ما أردت ذكره هذا اليوم أننا لا ننسى تحقيقنا بطولة الدوري وبطولة كأس ولي العهد
وفي حالة الخسارة لا قدر الله وإن شاء الله ان لا تكون ,, فسيخرج لنا كتّاب العاطفة
ويبدأون في سن السكين على اللاعبين وعلى الإدارة والمدرب .

يا أحبابي الهلاليين لو خسر الهلال هذا اليوم لا يعني الخروج عن المألوف وتقليل من
شأن الهلال,, الهلال بطل سواء خسر أو فاز وإذا لم يفز هذا اليوم فالموعد السنة القادمة
مثلما قال رئيس النادي الأمير عبد الرحمن وصدقوني هذا الشيء راح يخفف العبئ على
اللاعبين ولا يرهقهم نفسياً مثلما العام الماضي ..
ودمتم سالمين

على الطاير
&& أنا متفاؤل بالفوز على الاتحاد لدرجة أنني راهنت الكثير من أصداقائي على الفوز &&
&& اليوم الكلمة ستكون للاعب حسن الشاطر وسترون ذلك &&
&& إذا لعب الهلال بمحورين فلا أحد يستطيع التسجيل عليه والدليل المباريات السابقة &&

[قـناص20]

الهلال باذن الله فائز واذا خسر لاسمح الله اكيد بطل ولايزال افضل فريق هذا الموسم .

[مواصل من يومين]

لا سمح الله وخسرنا اليوم
هذا لايعني إن فريقنا هالموسم سيء ولا تخلون الإعلام الأصفر يؤثرعليكـم بإن كأس اسيا في كفه وجيمع اللي راح في كفه وينسيكم انجاز هالموسم ( كأس ولي العهد + الدوري ) .!
إذا فزنا الحمد لله والشكر له
وإذا خسر لاسمح الله فهذا مقدر ومكتوب والحمد لله على كل حال
..........

[أحساس فسقانه]

الحمدالله اقل شيء حققنا بموسم واحد بطولتين والثالثه جايه بأذن الله

وبعدين الاتي مو بمستواه كل مره ينزل ويطلع مستواه مو مثلنا ان شاء الله مستوانا ثابت

وان شاء الله الفوز هلالي بثقتي بالله ثم بالعمل النظيف الي تقوم عليه الاداره والاستقرار

[أحساس فسقانه]

بعدين وشسمه الله اكبر يالاصفرين من زينهم ومن زين مستواهم حتى جمهورهم مو راضي عليهم

روح شوف منتدى الفقر كيف ثورات ومدري ايش على رئيسهم الله لايبلانا

ولا منتدى الاتحاد كله خايفين ويهوجسون

احنا الحمدالله عندنا ثقه وغير كذا الي كاتبه ربي بنرضى فيه

وبس

[عاشق ديل بَيرو]

شوف اخوووي اذ اللعيبه قدمو مستوى وعاندهم الحظ ماراح نزعل بس اذ صار فيه تخاذل وصارت اخطاء كوراثيه من الحارس ولا الدفاع الله يعينهم هههه والله البطوله هاذي استعصت بقوووه اذا خسرنا لاسمح الله يصير هذا خامس مره نطلع على التوالي. واحس من موضوعك انك متشائم مره ليه .

[فهد الهلال]

أحساس فسقانه

إقتباس وبعدين الاتي مو بمستواه كل مره ينزل ويطلع مستواه مو مثلنا ان شاء الله مستوانا ثابت

صادق والله الاتحاد مرة فوق ومرة تحت

[فهد الهلال]

حبيبنا عاشق ديل بيرو

إقتباس واحس من موضوعك انك متشائم مره ليه

والله إني متفاؤل لكن نسبة الخوف تساوي 20% فقط
لأن الهلال يجيك أيام ما تحس ان هؤلاء لعيبة بل أشباه

[هديل الزعامه]

الحمد لله فرحنا في بطولتيين وغيرنا يفحط يبي يلعب نهآئي خخخخـ

صحيح رآح نزعل اذا خسرنا لكن لن ننسىآ مجهود الإدآره طوآل الموسم

[بحـــر]

لا سمح الله وخسر هلالنا، لايعني ابداً ان هلالنا سيء

بالعكس الهلال كان الافضل من الدوري لكاس ولي العهد، ماظنتي مباراة خروج مغلوب

يخسرها الهلال يكون الاسوء، لابد من الجميع يكون حاط بباله عند الخاسره مانبي مواضيع استفزازيه

وردود محرجه وصبيان لا يعون مايقولون، الي نتمناه مثل ماللفوز شكر وفرح يكون للخساره تهدئه وصبر

وتحفيز اللاعبين للقادم لانه احلى وماظنتي الاسيويه الي بايدينا صعبناها بإذن الله بنخليها سهله وبايدينا.

دعوات الجميع بتوفيق زعيمنا الليله.

[$الشفق الأزرق$]

والله ياخوك انا هلالي لو نخسر كل البطولات

يكفي انه متصدر بالرصيد البطولي لو احد تجاوزنا بعدد البطولات ممكن وقتها

تقفل معاي واشن حملات على اللاعبين

لكن الحمد لله خسارة بطوله مو نهاية المطاف والوعد السنه القادمه

لكن بإذن الله انه الفوز اليوم لنا

[**عاشق الازوري**]

الحمدالله اقل شيء حققنا بموسم واحد بطولتين والثالثه جايه بأذن الله

وبعدين الاتي مو بمستواه كل مره ينزل ويطلع مستواه مو مثلنا ان شاء الله مستوانا ثابت

وان شاء الله الفوز هلالي بثقتي بالله ثم بالعمل النظيف الي تقوم عليه الاداره والاستقرار

[فهد الهلال]

أخوي الشفق الأزرق

إقتباس يكفي انه متصدر بالرصيد البطولي لو احد تجاوزنا بعدد البطولات ممكن وقتها تقفل معاي واشن حملات على اللاعبين لكن الحمد لله خسارة بطوله مو نهاية المطاف والوعد السنه القادمه

صادق والله عين الصواب