[خـيـالـيـه]

السلام عليكم رحمة الله وبركاته ..
صبآحكم / مسآكم نور وسرور يآ رب ..

مبروك التتويج ..
آحس آني مبسوطه كبر رآآآآسي ..
مع آني مآ شفت التتويج ..
بس يكفي أللي شآفوا عني ..

المهم:
اليوم جيت آبي آفضفض لكم عن موضوعين ..
مع آني مآآميل للموآضيع اللي كذآ ..
بس طفح كيلي ..

آول حآجة:
آنا عندي روآيه آكتب فيهآ لي 3 سنين وشوي ..
كتبت الجزء الآول منها، وآغلب الجزء الثآني، بآقي فيه الخآتمة ..
والحين، لي سنة تقريبآ ما كتبت فيهآ شئ ..
كل مره آمسك الدفتر، وآقول خلآص اليوم آن شآء الله بختم هالجزء ..
بس مآآدري وش اللي يجيني، يتقفل مخي ومآآقدر آكتب شئ ..
المشكلة: الفكرة برآسي، بس ماادري .. مآني قآدرة آكتب شئ ..
قبل آسبوعين آو ثلآثه كذآ ..
جآآ الآلهآآم ..
وسويت حفلة، وآروح طآآآآآآآآآآآآآيره وآمسك الدفتر وآفتحه ..
وآكتب .. وآكتب .. وآكتب .. وآكتب ..
كتبت تقريبآ 4 صفحآت وجه وقفى ..
ومستآآآآآآآآآآآآنسه ..
مآسكه الدفتر وآدور بالبيت من الفرحة ..
وآجي قلت خلن آقرآ الروآية من الآول .. << فرحآآنه مش مصدقة ..
وآقرآ .. وآقرآ .. وثم آقرآ ..
آلين وصلت الجزء اللي آنا كتبته ..
لما قريته، صآآر وجهي كذآ >> ..
توقعوآ وش صآآر ؟! ..
كل اللي آنآ كتبته ومبسوطه فيه، يختلف تمآمآ عن الجزء اللي وقفت عنده ..
يعني وقفت عند شئ، وكتبت شئ ثآآني ..
حسيتوآ بطعم القهر اللي عشته ..
جتني الصيحه .. والاحبآآط .. وكل آبو كل شئ ..
آخذت الدفتر وصكيت به بالدرج ..
قلت: لآ آبوك من روآآية عيت تخلص ..

سؤآآلي هو:
آبي آرجع لجو الروآآية هذي .. بس كيف ؟! ..
عطوني حل ..
عجزت .. مليت .. قآلوا لي: آرجعي آقري روآيآات وكتب ومدري وش بعد ..
قريت آلين طلعت عيوني .. مآفي فآيده ..
وش آسوي ..




الحآجة الثآنية:
جآآمعة الآميرة نورة ..
بقولكم على كم قصة .. آحس تسبدي تنفطر وآنآ آسمعهن ..
آختي تدرس هنآك، بكلية الادآب - قسم درآسآت آسلآمية ..
طبعآ القسم دخلته بالغصب هي مآتبيه، بس القبول آلآلكتروني - لآبآرك الله فيه - ..
بالبدآية هي حآولت تحول لقسم ثآني بالصيف اللي رآح، آو آي كلية ثانية تبع جآمعة نورة، بس مآفي آمل ..
لمآ رحت مع آختي وسآلتهم: ليــــــــــــه ؟! ..
قآلت لي - بطرف عين -: آذآ معدلها فوق آل85% تقدر تحول، طبعآ هذآ بعد القدرآت والتحصيلي ..
وقآلت بعد: آذآ جآبت معدل كويس السنة هذي، تقدر تحول السنة الجآية ..
قلنآ: خير آن شآء الله ..
ودرست آختي، وقدّر الله وحملت مآدة الفصل الآول، غآبت عنه، بس: بعذر ..
وجآبت العذر، وجلست تفحط آسبوعين بالجآمعة آلين قبلوآ العذر ..
وآختبرت المآدة الحمد لله ..
الحين هي تبي النتيجة، وبرضوآ تفحط من عقب الآختبآر باسبوعين آلين الحين مآطلع له شئ ..
كل مره تروح يعطونه تصريفه شكل ..
وش هذآ ؟! وش التسيب اللي هم عآيشين فيه ؟! ..
جآمعة طويلة عريضة، وبه من الفوضى آلى بكرآ ..
تخيلوآ بطآقة الجآمعة، متى طلعته آختي ؟! ..
قبل اسبوعين بس .. !!
ومن قبل كآنت تستلم المكآفآة وتروح تختبر ببطآقة العائلة ..

وعلى طآري المكآفآة: صديقة آختي درست الفصل الآول بهالجآمعة، ونجحت بجميع الموآد، لا ومعدله كويس ..
والفصل الثآني، نقلت لجآمعة الآمآم ..
طبعآ درآسته بالفصل الآول مآآستلمت ولآ مكآفآة ..
ولما جت تطالبهم بالمكآفآة بعد ما نقلت، قالوا له: ما عندنا لتس شين ..
خيـــــــر يبو .. وش تحسون فيه ؟! ..
الفلوس هذي من حقه .. عطوه فلوسه حرآآم عليكم ..
والبنت مسكينة .. تقول: الفلوس حقتي .. ليه ينهبون حقي ..
حتى لو مآكآنت بحآجتهم، تعتبر من حقه ..

آنآ آسمع آختي كل يوم تسولف لي عن بلآويهم، وآقول:
لعل في الآمر خيره ..
لآني كنت آفحط بالجآمعة عندهم ..
ومآ يندرى وين الخيره فيه لما سحبت ملفي ..
صح تحسفت الين قلت: آمين ..
بس عقب اللي سمعته، آقول: الحمد لله يآ رب ..


عالعموم:
هي فضفضة بس .. حبيت آنكم تشآركوني فيهآ ..
لكن بعيد عن التعصب والكلآم اللي ماله دآعي ..

ووبس ..
تحيآآتي لكم .. وآلله يوفق اللي يدرسون بآختبآرآتهم يآ رب ..
ونرآكم على آكوس الآحوآل .. الله يكوكس حآلكم يآ رب ..

[عقد الياسمين]

وعليكم السلام ورحمة الله وبركاته ،،



عزيزتي خياليه ،

بالنسبة لموضوع كتابة الرواية.. كل إنسان لديه مصدر إلهام ؛ يُلهمه الفكرة.. يُلهمه الكتابة .. على كلاً منا أن يعرف مصدر إلهامه ؛ فقد يكون في شرب القهوة..أو الاستماع الى الموسيقى "وقد تكون موسيقى محددة مثلاً أم كلثوم"
الآن أبحثي عن مصدر إلهامك..وستجدين نفسك قد أنهيتي روايتك..بإذن الله

ربما.. بل احياناً أُنجز نصف الأمور ثم أتركها غير مُكتلمة بدون وجه حق ! ثم تُصبح العودة اليها بعد مضي وقت أشبه بمضيعته !

**

بالنسبة لجامعة الأميرة نورة..أؤيد وبشدة أن يخرجن الطالبات بمظاهرة مرة أخرى..بصراحة هذا هو الحل الي عندي!


دعواتي

[A L 7 Z N]

ماشاءالله اجل تكتبين روايات
يلا وتصميم غلاف الروايه علي
يقولون بعض الشعار عندهم قرين يكتب له
ويمكن الكتاب لهم بعد وقرينك يمكن مفهي مايدري ان باقي لك الخاتمه
بس عطيه بنق وصحيه

والجامعه هذي اصلا مادخلت مزاجي

[.اشواق الزعيم.]

نرجع للموضوعك
الموضوع الأول بينات ولبنات الأفكار والمخيخ والروتين اليومي وتوقف الأبتكار لديك ويمكن لا يوجد لديك طموح كافي او الحاافز غاب عنك
اما جامعة نورة بنت خالي تدرس فيها كلية لغات وترجمة تقول اكثر من نصف بنات المملكة يتمنون جامعتنا
والله يرينا خير هذه الجامعة ويكفينا شرها ]

[the king yasser]

فك الحجز

مساك الله بالنور والرضى
صراحه خلاص ماعاد لها طعم هالبطولات كل شهر ناقزين لنا ببطوله طفشت وانا اخوتس شكلي بقلب نصراوي بجرب طعم الفقر شوي

المهم نجي لموضوعك

اول حاجه على قولتك
يبيلك تقرين الروايه كل يوم وترجعين لجوها وهالي خربطتي به اخر شي امسحيه وارميه ايه واقري روايات قريبه من طريقه روايتك يعني اذا كانت حزين ه اقري شي حزين وعلى هالمنوال

وثاني حاجه بعد على قولتك
والله سمعنا بلاوي كثيره عن جامعه نوره وآخرتها تفلتوا الطالبات وسوو مظاهرات الله يعين ويسهل عليهم بس

وتعالي وش هالدعوه تراها مو دعوه لنا علينا يالظالمه

[تركي السلماني]

أهلآ أختي خيالية


حالتك الأولى نفس حالتي " الشعرية " أقسم بالله أول أكتب بكل أريحية و ماعندي مشاكل و لكن ألحين لي فوق التسع شهور ماكتبت شئ و آخر ماكتبته مرثية بجدتي رحمها الله و بعدها عجزت بمعنى كلمة عجزت !

بس الظاهر مثل ماقال أبراهيم الشعراء لهم قرناء




المشكلة الأخرى :

الله يكون بعون الجميع يارب العالمين و يستر عليكم يارب " و ماضاع حق من وراهـ مطالب "

[A L 7 Z N]

إقتباس الرسالة الأصلية كتبت بواسطة the king yasser حججججججججججججججججججججججججججججججججججججججججز

احجز لي معك < مسوي كوميدي على قولة واحد من الشباب
مجود احس اني بنجلد

[wilhelmsson33]

صح عليها الي تكتب رواية
مادريت ان عندنا بنات مبدعات المهم بالنسبه لسالفة الألهام للكتابة نصيحه خاصه مني اصحي من النوم وعيشي يومك زي اي يوم عادي لاتفكرين بالرواية ولا شيء قبل لاتنامين
روحي امسكي الدفتر وانتي على فراشك هاذا اهم شيء والأضاءة خافته اهم واهم وتذكري كل الي صار بيومك هاذا الطويل المتعب وحاولي تربطينه بالرواية وبس

وبالنسبة للجامعات الزبالة الي عندنا مأقول الا الله يعيني بس انا اخر سنه ثانوي ومدري وين اطس فيه كل جامعه ازفت من الثانية وشكراً على موضوعك

[الهلالي دائماً]

الله يبارك فيك خياليه ..
وبالنسبة لخيالك حاولي انك تقفلي كل الملفات المفتوحه فيه
اذا ودك تكتبين بصفاء واريحية

بالتوفيق لك دائماً .

[‏a7la.hilaliah]

وعليكم السلام ورحمة الله وبركاته
الله يبارك فيك
.
.
بالنسبة لجامعة الاميرة نورة ترى كلية الاداب تختلف عن باقي الجامعة بانظمتها وبكل شي
مثلا البطاقات الجامعية انا ادرس بالتحضيرية فجامعة الاميرة نورة وعطوني اياها قبل لا تبدا السنة عكس كلية الاداب اللي ماعطوهم اياها الا بطلعة الروح
يعني تحسين كلية الاداب مو مع الجامعة ابدا حتى عازلينهم عن باقي الجامعة بسور ..
فلا تحكمين على كل الجامعة بسبب كلية وحدة يمكن تكون اسوا كلية بالجامعة << على كلام طالباتها
وان شاءلله تتحسن الكلية بعد ماتنقل الجامعة للمدينة الجامعية الجديدة ..

إقتباس وعلى طآري المكآفآة: صديقة آختي درست الفصل الآول بهالجآمعة، ونجحت بجميع الموآد، لا ومعدله كويس .. والفصل الثآني، نقلت لجآمعة الآمآم .. طبعآ درآسته بالفصل الآول مآآستلمت ولآ مكآفآة .. ولما جت تطالبهم بالمكآفآة بعد ما نقلت، قالوا له: ما عندنا لتس شين .. خيـــــــر يبو .. وش تحسون فيه ؟! .. الفلوس هذي من حقه .. عطوه فلوسه حرآآم عليكم .. والبنت مسكينة .. تقول: الفلوس حقتي .. ليه ينهبون حقي .. حتى لو مآكآنت بحآجتهم، تعتبر من حقه ..

المكافات كانت تنزل كل شهر ومااذكر انها تاخرت ولا مرة الترم الاول
يمكن صديقة اختك تاخرت ماسحبت المكافاة
لاني سمعت ان اذا جلست المكافاة شهرين ماسحبتيها تروح عليك ..

إقتباس [وثاني حاجه بعد على قولتك والله سمعنا بلاوي كثيره عن جامعه نوره وآخرتها تفلتوا الطالبات وسوو مظاهرات الله يعين ويسهل عليهم بس

مافيها بلاوي ولاشي ..
هذا انا باكمل سنة فيها وماشفت الا كل خير الحمد لله ..

[الزعيم سام6]

ماشاء الله خلصتي من الخواطر والحين روايات ..
ههههههه ..
ربي يععينكم يآرب ..
وآلله يوفقكك يآرب في الجآمعة ..
ومن حق كل شخص يفضفض ..
شكرآ على تغيير الججو ..

[عاشق المسجد]

وعليك السلام ورحمة الله وبركاته
حنا بخير دامــ(ــتس) بخير
بالنسب لكلامــ(تـس) ان انتي ما تفضلين الكتابه الحلوه الي مثل ذي
فانا اذا شفت الموضوع فيه كلمة عربيه طلعت
احب السوليف والخربطه والصور
اما الحب والخواطر وما ادري ايش
ذي اكرهه
المهم بالنسبه للقطعه الاولى
فانا مجرب نفس التجربه والملل القبيح وكره الدفتر الي فيه القصه
اما القطعه الثانيه
بعلق من ناحية المكافآت
امي دخلت للجامعه السنه ذي
دخلت منتظمه
وكانت ناويه تحول منتسبه
وراح الفصل الاول وهي ما حولت << اشهد انه زاحفه
واخذت المكافآت قبل نهاية الفصل الاول
وحولت انتساب
وسلام

[خـيـالـيـه]

إقتباس الرسالة الأصلية كتبت بواسطة عقد الياسمين وعليكم السلام ورحمة الله وبركاته ،، عزيزتي خياليه ، بالنسبة لموضوع كتابة الرواية.. كل إنسان لديه مصدر إلهام ؛ يُلهمه الفكرة.. يُلهمه الكتابة .. على كلاً منا أن يعرف مصدر إلهامه ؛ فقد يكون في شرب القهوة..أو الاستماع الى الموسيقى "وقد تكون موسيقى محددة مثلاً أم كلثوم" الآن أبحثي عن مصدر إلهامك..وستجدين نفسك قد أنهيتي روايتك..بإذن الله ربما.. بل احياناً أُنجز نصف الأمور ثم أتركها غير مُكتلمة بدون وجه حق ! ثم تُصبح العودة اليها بعد مضي وقت أشبه بمضيعته ! ** بالنسبة لجامعة الأميرة نورة..أؤيد وبشدة أن يخرجن الطالبات بمظاهرة مرة أخرى..بصراحة هذا هو الحل الي عندي! دعواتي

هلا عقد اليآسمين ..
عآِش من شآفك يا عسل ..
والله شوفي: مصدر الالهآم موجود ومش موجود ..
وهالروآية هي آخر حلم تبقى لي تقريبآ ..
مآآبي آتركه، آبي آخلصه ..

والمظآهرآت ..
يرحم آمهم، ما تحركوا عقب المظآهرآت اللي رآحت، تبينهم يتحركون الحين ..
خليها على ربك بس ..

حيآك ربي ..

[خـيـالـيـه]

إقتباس الرسالة الأصلية كتبت بواسطة A L 7 Z N ماشاءالله اجل تكتبين روايات يلا وتصميم غلاف الروايه علي يقولون بعض الشعار عندهم قرين يكتب له ويمكن الكتاب لهم بعد وقرينك يمكن مفهي مايدري ان باقي لك الخاتمه بس عطيه بنق وصحيه والجامعه هذي اصلا مادخلت مزاجي

هلآ آبرآهيم ..
آيه مآ شفت شئ ..
وبسوم وبسلي كمآن ..

عطينآ هالقرين بنقآآآت، بس جوه مآآآش ..

مآدخلت مزآج آحد هالجآمعة، بس وش نسوي ..
لعل الآمور تستعدل مع العميدة الجديدة ..

حيآك ربي ..

[خـيـالـيـه]

إقتباس الرسالة الأصلية كتبت بواسطة .اشواق الزعيم. نرجع للموضوعك الموضوع الأول بينات ولبنات الأفكار والمخيخ والروتين اليومي وتوقف الأبتكار لديك ويمكن لا يوجد لديك طموح كافي او الحاافز غاب عنك اما جامعة نورة بنت خالي تدرس فيها كلية لغات وترجمة تقول اكثر من نصف بنات المملكة يتمنون جامعتنا والله يرينا خير هذه الجامعة ويكفينا شرها ]

هلآ آشوآق ..
لا الطموح مآآجود وآنا آختس، بس يمكن الدآآفع غآآيب ..
الغآيب حجته معآآه ..

شوفي: آذآ بترجعين للموضوع فوق، آنا متكلمه عن (كلية الآدآب) ..
مآ عميت الجآمعة كلهآ ..

آمين يا رب ..

حيآك ربي ..