[N A S E R]

يسعدلي أوقاتكم بالمسرات

قبل كل شيء بعد ما انتهى اجتماع ادارة استاد الأمير عبدالله الفيصل بخصوص

مباراة الدور الـ 16 والتي تجمع الأتحاد بالهلال بجدة ..

تم : تخصص يمين المنصه لـ (الضيف) جماهير نادي الهلال ..

أي ما يقارب : 4000 مقعد والله اعلم

وخلونا نستعرض مع بعض التفاصيل وكيفية الوصول لها وبعض النقاط المهمة


الموقع :






طريقة الوصول للمدرج المخصص لنادي الهلال :





هذا بخصوص ما خصص لنا وهذا الأهم والمضمون بمشيئة الله


ونروح لنقطة المهمة وجمهور الهلال بالغربية كبير والحمد الله

ونطمع بالمزيد والأكيد انه لمن يطرحوا التذاكر محد راح يسألك انت تشجع ايش

إلا اللي واقف قدامك ولا وراك من اللقافة يعني تعرفوا ..

حتى ولو نادي الاتحاد اشترى التذاكر خير يا طير روح للنادي واشتريها

بيحققوا معك مثلا ؟!


وبعد ذلك كيف انه نقدر نتوزع بالملعب من دون فوضى ونتشتت وبعدها ما نعرف وش نسوي ونضيع بين جمهور الأتحاد ..

يا ليت .. يا ليت .. يا ليت نرتب انفسنا ..

مو مثل كل مرة تمتلي المدرجات عند الرابطة وبعدها هناك ما نتوزع بالواجهة

خلونا نبدأ من من الجهة اللي فيها رابطتنا مثل ما هو بالصورة :




وكذا تدريجيا محد راح يمنعك او يقول لك قوم ..

احنا بنفسنا اللي نسلم لهم الأمر ونطلع مثل ما صارت بكثير من المرات

لازم ما نروح مكان بعيدين عن بعض نتوزع بالترتيب حتى يعرفوا مين هو جمهور الزعيم ..









رسالة ونقاط مهمة لجمهور الزعيم بالغربية ومهمة جداً جداً :


- يا ليت كل مشجع عاشق للهلال من يعلنوا التذاكر نروح نشتريها لو الفجر
يا جماعة هذا وقتنا الحين لو ما نسوي شيء لزعيمنا متى راح نوقف معاه ..
وانا اولكم والله يشهد

- قدر ما تقدر اشتري تذاكر لناس تضمن انها راح تجي
وبرضو راح تلقى هلاليين كثير عند الملعب خل معك تذاكر
خلاص ما بقي شيء للهلال بهذا الموسم يعني نعوضها بالصيف



- الجمهور اللي راح يكون مع الرابطة يا ليت يكون ازرق بازرق لانه المكان مخصص لك ومحد راح يقول لك شيء او يمنعك نبي الدنيا هناك زرقاء

- اما بخصوص الجمهور اللي راح يكون بالدرجة الثانية ( الواجهة ) لا يلبس الأتحاد لانه ما نتشرف بغير الهلال .. بس يلبس شيء غير الأصفر والأزرق .. ويكونوا هناك يا اخي تعال بتيشرت اسود محد راح يدري عنك ..

- الجمهور اللي راح يكون مع الرابطة وان شاء الله اني معهم .. يمكن نكون تقريبا بين 3800 إلى 4000 صدقوني مو شرط الكثرة والعدد بكثر ما نكون فعاليين

يعني بشكل اصح ياما ملينا الملاعب ويكون الجمهور ساكت وش الفايدة منه بس الفاعلية حتى لو كنا قلة ونحسس اللاعبين انه احنا معهم يروح صوتنا ونحرق نفسنا علشان الهلال وهم ان شاء الله يفرحونا ..


- جمهور الاتحاد اكيد بيكون كبير لانه له الأفضلية بس مع الوقت راح تشوفوهم ساكتين .. وكم مباراة تحكم وتعطينا صورة واضحة انه الهلال لمن يسيطر ما تلقى لهم حس وساكتين .. وان شاء الله انهم يسكتوا من بداية المباراة بهدف هلالي او اثنين ..
يا رب يا كريم ..

- لا قدر الله والاتحاد جاب هدف ولا هدفين لا نسكت ونقول خلاص .. الهلال قادر قادر ولا تنسون كم مباراة كانت لنا عبرة .. الهلال باي لحظة يرجع واقرب مثال : مباراة الهلال مع الاتفاق وشفتوا جمهور الشرقية ما سكت وبالنهاية فرحنا بالفوز ..


- الشيء الأكيد والمتأكد منه انه راح يكون في كم طفيلي يقرا موضوعي ويسدحه بموقعهم بالأتحاد ويقول شوفوا جمهور الدلال والخ الخ أقول له سوي منه كوبي بسطح المكتب واطبع برنت .. وتصور جنبه ..

- اللي بيحضر الملعب .. اذا ضيعت ولا تبي تسأل اسأل اي احد هلالي
لا تسألوا الأمن ولا احد اتحادي تروا ما فيهم خير خصوصا الأمن
ما يبون جمهور الهلال يجي فانتبهوا .. امشوا على الصور لانها واضحة
او اسأل اي احد هلالي او شوف الجمهور الهلالي وامشي وراه ما راح تضيع


- لو ادارة نادي الاتحاد اشترت التذاكر وقررت انها تبيعها بالنادي

فهذا موقع نادي الأتحاد كروكي يعني لمقر النادي :



روح واشتريها محد راح يسألك وش تشجع وحتى لو سألوك

تعرف وش تقول .. العنوان :

جدة شارع الصحافة .. واللي ما يعرف يوصل يسأل ما يتوه




- وبالنهاية أسأل الله عزوجل انه يوفق هلالنا .. واذا كان الهلال حاضر بمشيئة الله فوالله لو يجيبوا معهم ديناميت مع ديمتري ما راح يفوزا .. ويمكن العيدية يخلوها عندهم ويعطوها للمركز الأعلامي يوزعها بالنادي ..


- توقعاتي والله اعلم 3 - 1 للهلال بمشيئة الله ..




وان شاء الله اني الهلالي رقم 1 بالملعب وحاضر من الساعة 11 او 12
باحط ببالي يوم الثلاثاء رحلة للأستاد من الصبح بافطر هناك واجلس هناك
والله يخلي الأيفون والكوفي هناك حتى تجتمع الأمة الهلالية وندخل الملعب ..
وش ورانا كله يهون لاجل الزعيم ..


لكم ودي اخوكم ناصر ..



وتكفون كل واحد من جمهور الغربية وبيحضر ويقرا الموضوع

يكون معنا ويبلغ اللي ما يدخل المنتدى .. لانه كثير ما يهتموا بالمواضيع هذي

بس يحب ويموت بالهلال ويحضر

الموسم هذا بمشيئة الله استثنائي

زعيمنا بـ الرياض حصد ( الدوري )

زعيمنا بـ مكة حصد ( كأس ولي العهد )

وبمشيئة الله زعيمنا لدور الـ 8 من ( جدة )

وتكون الغربية فال خير علينا الموسم هذا